Demosthenes, Speeches, Περὶ τῶν ἐν Χερρονήσῳ 24:

εἰ γάρ τισ ἔροιτο Φίλιππον, εἰπέ μοι, πότερ’ ἂν βούλοιο τούτουσ τοὺσ στρατιώτασ οὓσ Διοπείθησ νῦν ἔχει, τοὺσ ὁποιουστινασοῦν οὐδὲν γὰρ ἀντιλέγω εὐθενεῖν καὶ παρ’ Ἀθηναίοισ εὐδοξεῖν καὶ πλείουσ γίγνεσθαι τῆσ πόλεωσ συναγωνιζομένησ, ἢ διαβαλλόντων τινῶν καὶ κατηγορούντων διασπασθῆναι καὶ διαφθαρῆναι; ταῦτ’ ἂν οἶμαι φήσειεν. εἶθ’ ἃ Φίλιπποσ ἂν εὔξαιτο τοῖσ θεοῖσ, ταῦθ’ ἡμῶν τινεσ ἐνθάδε πράττουσιν; εἶτ’ ἔτι ζητεῖτε πόθεν τὰ τῆσ πόλεωσ ἀπόλωλεν ἅπαντα;