Demosthenes, Speeches 41-50, Κατὰ Ὀλυμπιοδώρου Βλάβης 58:

ταῦτα ἐμοῦ προκαλουμένου οὐκ ἠθέλησεν τούτων οὐδὲν ποιῆσαι, ἀλλ’ οὕτω πεφιλοσόφηκεν ὥστε μὴ εἶναι ὑμᾶσ ἀκοῦσαι τῶν συνθηκῶν ἐκ τῶν κοινῶν γραμμάτων. καὶ ὅτι ταῦτα προὐκαλούμην, τούτων ὑμῖν μαρτυρίαν ἀναγνώσεται ὧν ἐναντίον προὐκαλούμην. λέγε τὴν μαρτυρίαν. Μαρτυρία πῶσ ἂν οὖν μᾶλλον καταφανὴσ γένοιτο ἄνθρωποσ, ὅτι δικαίωσ μὲν οὐδὲν βούλεται πρόσ με πράττειν, ἀποστερήσειν δ’ οἰέται ἃ προσήκει ἐμοὶ λαβεῖν, προφάσεισ λέγων καὶ ἐγκλήματα ἐγκαλῶν, τὰσ δὲ συνθήκασ, ἅσ φησί με παραβεβηκέναι, οὐκ ᾠήθη δεῖν ὑμᾶσ ἀκοῦσαι;