Demosthenes, Speeches 41-50, Κατὰ Ὀλυμπιοδώρου Βλάβης 9:

καὶ οὗτοσ, ὦ ἄνδρεσ δικασταί, προσωμολόγησεν ταῦτα καὶ καλῶσ μ’ ἔφη λέγειν. ἐπειδὴ δὲ ἀπηλλάγημεν καὶ ἐποιήσαμεν ἅπαντα τὰ νομιζόμενα, καθ’ ἡσυχίαν ἤδη παρακαλέσαντεσ τοὺσ οἰκείουσ ἅπαντασ διελεγόμεθα ἡμῖν αὐτοῖσ περὶ ὧν οὗτοσ ἠξίου ἑαυτῷ εἶναι. ὅσα μὲν οὖν, ὦ ἄνδρεσ δικασταί, ἡμεῖσ πρὸσ ἡμᾶσ αὐτοὺσ διηνέχθημεν περὶ τούτων διαλεγόμενοι, τι ἂν ἐγὼ ταῦτα διηγούμενοσ ἢ ὑμῖν πράγματα παρέχοιμι ἢ ἐμαυτῷ ἐνοχλοίην;