Demosthenes, Speeches 41-50, Κατὰ Στεφάνου Ψευδομαρτυριῶν Β 55:

ἄξιον τοίνυν, ὦ ἄνδρεσ δικασταί, καὶ τόδε ἐνθυμηθῆναι, ὅτι διαθήκησ οὐδεὶσ πώποτε ἀντίγραφα ἐποιήσατο, ἀλλὰ συγγραφῶν μέν, ἵνα εἰδῶσι καὶ μὴ παραβαίνωσι, διαθηκῶν δὲ οὔ. τούτου γὰρ ἕνεκα <κατασεσημασμένασ> καταλείπουσιν οἱ διατιθέμενοι, ἵνα μηδεὶσ εἰδῇ ἃ διατίθενται. πῶσ οὖν ὑμεῖσ ἴστε ὅτι ἀντίγραφά ἐστιν τῶν διαθηκῶν τῶν Πασίωνοσ τὰ ἐν τῷ γραμματείῳ γεγραμμένα;