Demosthenes, Speeches 41-50, Πρὸσ Μακάρτατον περὶ Ἁγνίου Κλήρου 55:

τούτῳ δ’ ὁ βουλόμενοσ μαρτυρησάτω, ἢ ὡσ οὐκ ἦσαν ἀδελφοὶ ὁμοπάτριοι καὶ ὁμομήτριοι Πολέμων καὶ Φυλομάχη, ἢ ὅτι οὐκ ἦν ὁ μὲν Πολέμων υἱόσ, ἡ δὲ Φυλομάχη θυγάτηρ Ἁγνίου τοῦ Βουσέλου υἱέοσ, ἢ ὅτι ὁ Πολέμων οὐκ ἦν πατὴρ Ἁγνίου, οὗ ἐστιν ὁ κλῆροσ, οὐδ’ ἡ ἀδελφὴ ἡ Πολέμωνοσ Φυλομάχη τηθίσ, ἢ ὡσ Εὐβουλίδησ οὐκ ἦν Φυλομάχησ υἱὸσ οὐδὲ Φιλάγρου τοῦ ἀνεψιοῦ τοῦ Ἁγνίου, ἢ ἐκεῖνο ὅτι Εὐβουλίδου τοῦ ἀνεψιοῦ τοῦ Ἁγνίου οὐκ ἔστι Φυλομάχη θυγάτηρ ἡ νῦν ἔτι οὖσα, οὐδ’ υἱὸσ οὑτοσὶ ὁ παῖσ, εἰσπεποιημένοσ κατὰ τοὺσ νόμουσ τοὺσ ὑμετέρουσ εἰσ τὸν Εὐβουλίδου οἶκον, ἢ ὡσ ὁ Θεόπομποσ ὁ τουτουὶ πατὴρ Μακαρτάτου ἐκ τοῦ οἴκου ἦν τοῦ Ἁγνίου.