Demosthenes, Speeches, Κατὰ Φιλίππου Γ 54:

ἴστ’ αὐτοί· τί γὰρ δεῖ περὶ πάντων ὑμῶν κατηγορεῖν; παραπλησίωσ δὲ καὶ οὐδὲν βέλτιον ὑμῶν ἅπαντεσ οἱ λοιποὶ Ἕλληνεσ· διόπερ φήμ’ ἔγωγε καὶ σπουδῆσ πολλῆσ καὶ βουλῆσ ἀγαθῆσ τὰ παρόντα πράγματα προσδεῖσθαι. τίνοσ; εἴπω κελεύετε; καὶ οὐκ ὀργιεῖσθε; Ἐκ τοῦ Γραμματείου Ἀναγιγνώσκει ἔστι τοίνυν τισ εὐήθησ λόγοσ παρὰ τῶν παραμυθεῖσθαι βουλομένων τὴν πόλιν, ὡσ ἄρ’ οὔπω Φίλιππόσ ἐστιν οἱοῖ́ ποτ’ ἦσαν Λακεδαιμόνιοι, οἳ θαλάττησ μὲν ἦρχον καὶ γῆσ ἁπάσησ, βασιλέα δὲ σύμμαχον εἶχον, ὑφίστατο δ’ οὐδὲν αὐτούσ·