Demosthenes, Speeches, Κατὰ Φιλίππου Α 53:

θαυμάζω δ’ ἔγωγε, εἰ μηδεὶσ ὑμῶν μήτ’ ἐνθυμεῖται μήτ’ ὀργίζεται, ὁρῶν, ὦ ἄνδρεσ Ἀθηναῖοι, τὴν μὲν ἀρχὴν τοῦ πολέμου γεγενημένην περὶ τοῦ τιμωρήσασθαι Φίλιππον, τὴν δὲ τελευτὴν οὖσαν ἤδη ὑπὲρ τοῦ μὴ παθεῖν κακῶσ ὑπὸ Φιλίππου. ἀλλὰ μὴν ὅτι γ’ οὐ στήσεται, δῆλον, εἰ μή τισ κωλύσει. εἶτα τοῦτ’ ἀναμενοῦμεν; καὶ τριήρεισ κενὰσ καὶ τὰσ παρὰ τοῦ δεῖνοσ ἐλπίδασ ἂν ἀποστείλητε, πάντ’ ἔχειν οἰέσθε καλῶσ;