Demosthenes, Speeches, Ὀλυνθιακὸσ Β 32:

ταῦτα θαυμάζω, κἄτι πρὸσ τούτοισ, εἰ μηδεὶσ ὑμῶν, ὦ ἄνδρεσ Ἀθηναῖοι, δύναται λογίσασθαι πόσον πολεμεῖτε χρόνον Φιλίππῳ, καὶ τί ποιούντων ὑμῶν ὁ χρόνοσ διελήλυθεν οὗτοσ. ἴστε γὰρ δήπου τοῦθ’, ὅτι μελλόντων αὐτῶν, ἑτέρουσ τινὰσ ἐλπιζόντων πράξειν, αἰτιωμένων ἀλλήλουσ, κρινόντων, πάλιν ἐλπιζόντων, σχεδὸν ταὔθ’ ἅπερ νυνὶ ποιούντων, ἅπασ ὁ χρόνοσ διελήλυθεν.