Demosthenes, Speeches, Κατὰ Φιλίππου Δ 25:

τὸ δ’ οὐχ οὕτωσ ἔχει· οὐκ ἔνεστι βοηθείαισ χρωμένουσ οὐδὲν τῶν δεόντων ποτὲ πρᾶξαι, ἀλλὰ κατασκευάσαντασ δεῖ δύναμιν, καὶ τροφὴν ταύτῃ πορίσαντασ καὶ ταμίασ καὶ δημοσίουσ, καὶ ὅπωσ ἔνι τὴν τῶν χρημάτων φυλακὴν ἀκριβεστάτην γενέσθαι, οὕτω ποιήσαντασ, τὸν μὲν τῶν χρημάτων λόγον παρὰ τούτων λαμβάνειν, τὸν δὲ τῶν ἔργων παρὰ τοῦ στρατηγοῦ, καὶ μηδεμίαν πρόφασιν τοῦ πλεῖν ἄλλοσε ἢ πράττειν ἄλλο τι τῷ στρατηγῷ καταλείπειν.