헬라어 문장 검색 - Αππιαν́ΤηεΞιϝί1́09́02́

(아피아노스, The Civil Wars, book 1, chapter 8 2:)

Κίννασ δὲ θαρρήσασ μὲν τῷ πλήθει τῶν νεοπολιτῶν καὶ βιάσεσθαι προσδοκήσασ, παρὰ δόξαν δ’ ὁρῶν τὸ τόλμημα τῶν ὀλιγωτέρων ἐπικρατοῦν, ἀνὰ τὴν πόλιν ἔθει τοὺσ θεράποντασ ἐπ’ ἐλευθερίᾳ συγκαλῶν. οὐδενὸσ δ’ αὐτῷ προσιόντοσ ἐξέδραμεν ἐσ τὰσ ἀγχοῦ πόλεισ τὰσ οὐ πρὸ πολλοῦ πολίτιδασ Ῥωμαίων γενομένασ, Τίβυρτόν τε καὶ Πραινεστὸν καὶ ὅσαι μέχρι Νώλησ, ἐρεθίζων ἅπαντασ ἐσ ἀπόστασιν καὶ χρήματα ἐσ τὸν πόλεμον συλλέγων. ταῦτα δ’ ἐργαζομένῳ τε καὶ ἐπινοοῦντι τῷ Κίννᾳ προσέφυγον ἀπὸ τῆσ βουλῆσ οἳ τὰ αὐτὰ ἐφρόνουν, Γάιόσ τε Μιλώνιοσ καὶ Κόιντοσ Σερτώριοσ καὶ Γάιοσ Μάριοσ ἕτεροσ. Ἡ μὲν δὴ βουλὴ τὸν Κίνναν, ὡσ ἐν κινδύνῳ τε τὴν πόλιν καταλιπόντα ὕπατον καὶ δούλοισ ἐλευθερίαν κηρύξαντα, ἐψηφίσατο μήτε ὕπατον μήτε πολίτην ἔτι εἶναι καὶ Λεύκιον Μερόλαν ἐχειροτόνησαν ἀντ’ αὐτοῦ, τὸν ἱερέα τοῦ Διόσ. λέγεται δ’ οὗτοσ ὁ ἱερεὺσ φλαμέντασ καὶ πιλοφορεῖ μόνοσ αἰεί, τῶν ἄλλων ἱερέων ἐν μόναισ πιλοφορούντων ταῖσ ἱερουργίαισ. Κίννασ δ’ ἐσ Καπύην τραπόμενοσ, ἔνθα Ῥωμαίων στρατὸσ ἄλλοσ ἦν, τούσ τε ἄρχοντασ αὐτοῦ καὶ ὅσοι ἀπὸ τῆσ βουλῆσ ἐπεδήμουν, ἐθεράπευε καὶ παρελθὼν ὡσ ὕπατοσ ἐσ μέσουσ τάσ τε ῥάβδουσ καθεῖλεν οἱᾶ ἰδιώτησ καὶ δακρύσασ ἔφη· "παρὰ μὲν ὑμῶν, ὦ πολῖται, τὴν ἀρχὴν τήνδε ἔλαβον· ὁ γὰρ δῆμοσ ἐχειροτόνησεν· ἡ βουλὴ δ’ ἀφείλετό με χωρὶσ ὑμῶν. καὶ τάδε παθὼν ἐν οἰκείοισ κακοῖσ ὑπὲρ ὑμῶν ὅμωσ ἀγανακτῶ· τί γὰρ ἔτι τὰσ φυλὰσ ἐν ταῖσ χειροτονίαισ θεραπεύομεν, τί δὲ ὑμῶν δεόμεθα, ποῦ δὲ ἔσεσθε τῶν ἐκκλησιῶν ἢ χειροτονιῶν ἢ τῶν ὑπατειῶν ἔτι κύριοι, εἰ μὴ βεβαιώσετε μέν, ἃ δίδοτε, ἀφαιρήσεσθε δ’, ὅταν αὐτοὶ δοκιμάσητε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 8 2:

(아피아노스, The Civil Wars, book 1, chapter 8 2:)

상위

목록

SEARCH

MENU NAVIGATION