헬라어 문장 검색 - Αππιαν́ΤηεΞιϝί1́07́

(아피아노스, The Civil Wars, book 1, chapter 6)

Ῥουτιλίῳ μὲν δὴ διάδοχοσ ἐπὶ τὸ λοιπὸν τοῦ ἔτουσ οὐκ ἐγένετο, Σέξστου Καίσαροσ οὐκ ἀγαγόντοσ σχολὴν διαδραμεῖν ἐπὶ ἀρχαιρέσια ἐσ Ῥώμην· τῆσ δ’ ὑπ’ αὐτῷ στρατιᾶσ ἡ βουλὴ προσέταξεν ἄρχειν Γάιόν τε Μάριον καὶ Κόιντον Καιπίωνα. τούτῳ τῷ Καιπίωνι Κόιντοσ Ποπαίδιοσ ὁ ἀντιστράτηγοσ οἱᾶ́ τισ αὐτόμολοσ προσέφυγεν, ἄγων καὶ διδοὺσ ἐνέχυρον δύο βρέφη δοῦλα, καθάπερ υἱεῖσ, ἐσκευασμένα ἐσθῆσι περιπορφύροισ· ἐσ δὲ πίστιν ἔφερε καὶ μάζασ ἐκ μολύβδου, χρυσῷ καὶ ἀργύρῳ περιβεβλημένασ· καὶ ἐδεῖτο κατὰ σπουδὴν αὑτῷ τὸν Καιπίωνα ἕπεσθαι μετὰ τῆσ στρατιᾶσ ὡσ καταληψόμενον αὑτοῦ τὸ στρατόπεδον ἔρημον ἔτι ἄρχοντοσ. Καιπίων μὲν δὴ πειθόμενοσ εἵπετο, Ποπαίδιοσ δὲ πλησίον τῆσ ἐσκευασμένησ ἐνέδρασ γενόμενοσ ἀνέδραμεν ἔσ τινα λόφον ὡσ κατοψόμενοσ τοὺσ πολεμίουσ καὶ σημεῖον αὐτοῖσ ἐπῇρεν. οἱ δὲ ἐκφανέντεσ αὐτόν τε Καιπίωνα καὶ πολλοὺσ σὺν αὐτῷ κατέκοψαν· καὶ τὸ λοιπὸν τῆσ στρατιᾶσ Καιπίωνοσ ἡ σύγκλητοσ Μαρίῳ προσέζευξεν. Σέξστοσ δὲ Καῖσαρ μετὰ τρισμυρίων πεζῶν καὶ ἱππέων πεντακισχιλίων διεξιών τινα φάραγγα καὶ κρημνούσ, ἄφνω προσπεσόντοσ αὐτῷ Μαρίου Ἐγνατίου, ἐσ τὴν φάραγγα περιωσθεὶσ ἔφυγεν ἐπὶ κλίνησ διὰ νόσον ἐπί τινα ποταμόν, οὗ μία γέφυρα ἦν·

καὶ ἐνταῦθα τὸ πλέον τῆσ στρατιᾶσ ἀπολέσασ καὶ τῶν ὑπολοίπων τὰ ὅπλα, μόλισ ἐσ Τεανὸν καταφυγὼν ὥπλιζεν, οὓσ ἔτι εἶχεν, ὡσ ἐδύνατο. ἑτέρου δὲ πλήθουσ αὐτῷ κατὰ σπουδὴν ἐπελθόντοσ, ἐπὶ Ἀχέρρασ ἔτι πολιορκουμένασ ὑπὸ τοῦ Παπίου μετῄει. Καὶ οἵδε μὲν ἀλλήλαισ ἀντιστρατοπεδεύοντεσ οὐκ ἐπεχείρουν οὐδέτεροσ οὐδετέρῳ διὰ φόβον· Μάρσουσ δὲ Κορνήλιοσ Σύλλασ καὶ Γάιοσ Μάριοσ ἐπιθεμένουσ σφίσι συντόνωσ ἐδίωκον, μέχρι θριγκοῖσ ἀμπέλων ἐμπεσεῖν αὐτούσ·

καὶ Μάρσοι μὲν τοὺσ θριγκοὺσ κακοπαθῶσ ὑπερέβαινον, Μαρίῳ δὲ καὶ Σύλλᾳ διώκειν ὑπὲρ τούτουσ οὐκ ἔδοξεν. Κορνήλιοσ δὲ Σύλλασ ἐπὶ θάτερα τῶνδε τῶν ἀμπέλων στρατοπεδεύων, αἰσθόμενοσ τοῦ γεγονότοσ ὑπήντα τοῖσ ἐκφεύγουσι τῶν Μάρσων καὶ πολλοὺσ καὶ ὅδε ἀπέκτεινεν, ὡσ τὸν φόνον ἐκείνησ τῆσ ἡμέρασ γενέσθαι περὶ πλείουσ ἑξακισχιλίων, ὅπλα δ’ ὑπὸ Ῥωμαίων ληφθῆναι πολὺ πλείονα. Μάρσοι μὲν δὴ δίκην θηρίων, τῷ πταίσματι προσαγανακτοῦντεσ, αὖθισ ὡπλίζοντο καὶ παρεσκευάζοντο αὐτοῖσ ἐπιέναι, προεπιχειρεῖν μὴ θαρροῦσι μηδὲ ἄρχειν μάχησ· ἔστι γὰρ τὸ ἔθνοσ πολεμικώτατον, καὶ φασι κατ’ αὐτοῦ θρίαμβον ἐπὶ τῷδε τῷ πταίσματι γενέσθαι μόνῳ, λεγόμενον πρότερον οὔτε κατὰ Μάρσων οὔτε ἄνευ Μάρσων γενέσθαι θρίαμβον. Περὶ δὲ τὸ Φάλερνον ὄροσ Γναῖον Πομπήιον Οὐιδακίλιοσ καὶ Τίτοσ Λαφρήνιοσ καὶ Πόπλιοσ Οὐέττιοσ, ἐσ ταὐτὸν ἀλλήλοισ συνελθόντεσ, ἐτρέποντο καὶ κατεδίωκον ἐσ πόλιν Φίρμον.

καὶ οἱ μὲν αὐτῶν ἐφ’ ἕτερα ᾤχοντο, Λαφρήνιοσ δὲ παρεκάθητο Πομπηίῳ ἐσ τὸ Φίρμον κατακεκλεισμένῳ. ὁ δ’ αὐτίκα μὲν ὁπλίζων τοὺσ ὑπολοίπουσ ἐσ χεῖρασ οὐκ ᾔει, προσελθόντοσ δὲ ἑτέρου στρατοῦ Σουλπίκιον περιέπεμπεν ὀπίσω τοῦ Λαφρηνίου γενέσθαι καὶ αὐτὸσ κατὰ μέτωπον ἐπῄει. γενομένησ δ’ ἐν χερσὶ τῆσ μάχησ καὶ πονουμένοιν ἀμφοῖν, ὁ Σουλπίκιοσ ἐνεπίμπρη τὸ τῶν πολεμίων στρατόπεδον, καὶ τοῦθ’ οἱ πολέμιοι κατιδόντεσ ἐσ Ἄσκλον ἔφευγον, ἀκόσμωσ ἅμα καὶ ἀστρατηγήτωσ· Λαφρήνιοσ γὰρ ἐπεπτώκει μαχόμενοσ. Πομπήιοσ δὲ καὶ τὸ Ἄσκλον ἐπελθὼν ἐπολιόρκει. Πατρὶσ δ’ ἦν Οὐιδακιλίου τὸ Ἄσκλον, καὶ δεδιὼσ ὑπὲρ αὐτῆσ ἠπείγετο, σπείρασ ἄγων ὀκτώ.

προπέμψασ τε τοῖσ Ἀσκλαίοισ ἐκέλευεν, ὅταν αὑτὸν ἴδωσι πόρρωθεν ἐπιόντα, ἐκδραμεῖν ἐπὶ τοὺσ περικαθημένουσ, ὡσ τὸν ἀγῶνα τοῖσ ἐχθροῖσ ἑκατέρωθεν γενέσθαι· ἀλλὰ Ἀσκλαῖοι μὲν ἀπώκνησαν, ὁ δὲ Οὐιδακίλιοσ καὶ ὣσ ἐσ τὴν πόλιν διὰ μέσων τῶν πολεμίων ἐσδραμὼν μεθ’ ὅσων ἐδυνήθη, ὠνείδισε μὲν αὐτοῖσ τὴν ἀτολμίαν καὶ δυσπείθειαν, οὐκ ἐλπίζων δ’ ἔτι τὴν πόλιν περιέσεσθαι, τοὺσ μὲν ἐχθρούσ, οἳ τέωσ αὐτῷ διεφέροντο καὶ τότε διὰ φθόνον τὸ πλῆθοσ ἐσ ἃ παρήγγελλεν ἀπέτρεψαν, ἔκτεινε πάντασ· ἐν δὲ ἱερῷ πυρὰν νήσασ καὶ κλίνην ἐπιθεὶσ ἐπὶ τῇ πυρᾷ, παρευωχήθη σὺν τοῖσ φίλοισ καὶ προϊόντοσ τοῦ πότου φάρμακόν τε προσηνέγκατο καὶ κατακλίνασ αὑτὸν ἐπὶ τῆσ πυρᾶσ ἐκέλευσε τοῖσ φίλοισ ἅψαι τὸ πῦρ· καὶ Οὐιδακίλιοσ μὲν ὧδε φιλοτιμηθεὶσ πρὸ τῆσ πατρίδοσ ἀποθανεῖν κατελύθη, Σέξστοσ δὲ Καῖσαρ ἐξήκοντοσ αὐτῷ τοῦ χρόνου τῆσ ἀρχῆσ ἀνθύπατοσ ὑπὸ τῆσ βουλῆσ αἱρεθεὶσ ἐπέδραμεν ἀνδράσι δισμυρίοισ μεταστρατοπεδεύουσί ποι καὶ ἔκτεινεν αὐτῶν ἐσ ὀκτακισχιλίουσ ὅπλα τε πολὺ πλειόνων ἔλαβε. χρονίου δ’ αὐτῷ τῆσ περὶ τὸ Ἄσκλον οὔσησ πολιορκίασ, ἀποθνῄσκων ἐκ νόσου ἀντιστράτηγον ἀπέφηνε Γάιον Βαίβιον. Καὶ τάδε μὲν ἀμφὶ τὴν Ἰταλίαν ἦν τὴν περὶ τὸν Ιὄνιον·

αἰσθόμενοι δ’ αὐτῶν οἱ ἐπὶ θάτερα τῆσ Ῥώμησ Τυρρηνοὶ καὶ Ὀμβρικοὶ καὶ ἄλλα τινὰ αὐτοῖσ ἔθνη γειτονεύοντα, πάντεσ ἐσ ἀπόστασιν ἠρεθίζοντο. δείσασα οὖν ἡ βουλή, μὴ ἐν κύκλῳ γενόμενοσ αὐτοῖσ ὁ πόλεμοσ ἀφύλακτοσ ᾖ, τὴν μὲν θάλασσαν ἐφρούρει τὴν ἀπὸ Κύμησ ἐπὶ τὸ ἄστυ δι’ ἀπελευθέρων, τότε πρῶτον ἐσ στρατείαν δι’ ἀπορίαν ἀνδρῶν καταλεγέντων, Ἰταλιωτῶν δὲ τοὺσ ἔτι ἐν τῇ συμμαχίᾳ παραμένοντασ ἐψηφίσατο εἶναι πολίτασ, οὗ δὴ μάλιστα μόνον οὐ πάντεσ ἐπεθύμουν. καὶ τάδε ἐσ Τυρρηνοὺσ περιέπεμπεν, οἱ δὲ ἄσμενοι τῆσ πολιτείασ μετελάμβανον. καὶ τῇδε τῇ χάριτι ἡ βουλὴ τοὺσ μὲν εὔνουσ εὐνουστέρουσ ἐποίησε, τοὺσ δὲ ἐνδοιάζοντασ ἐβεβαιώσατο, τοὺσ δὲ πολεμοῦντασ ἐλπίδι τινὶ τῶν ὁμοίων πραοτέρουσ ἐποίησεν. Ῥωμαῖοι μὲν δὴ τούσδε τοὺσ νεοπολίτασ οὐκ ἐσ τὰσ πέντε καὶ τριάκοντα φυλάσ, αἳ τότε ἦσαν αὐτοῖσ, κατέλεξαν, ἵνα μὴ τῶν ἀρχαίων πλέονεσ ὄντεσ ἐν ταῖσ χειροτονίαισ ἐπικρατοῖεν, ἀλλὰ δεκατεύοντεσ ἀπεφηναν ἑτέρασ, ἐν αἷσ ἐχειροτόνουν ἔσχατοι. καὶ πολλάκισ αὐτῶν ἡ ψῆφοσ ἀχρεῖοσ ἦν, ἅτε τῶν πέντε καὶ τριάκοντα προτέρων τε καλουμένων καὶ οὐσῶν ὑπὲρ ἥμισυ. ὅπερ ἢ λαθὸν αὐτίκα ἢ καὶ ὣσ αὐτὸ ἀγαπησάντων τῶν Ἰταλιωτῶν ὕστερον ἐπιγνωσθὲν ἑτέρασ στάσεωσ ἦρξεν. Οἱ δὲ περὶ τὸν Ιὄνιον οὔπω τὴν Τυρρηνῶν μετάνοιαν ἐγνωκότεσ μυρίουσ καὶ πεντακισχιλίουσ ὁδὸν ἀτριβῆ καὶ μακρὰν ἐσ τὴν Τυρρηνίαν ἐπὶ συμμαχίᾳ περιέπεμπον.

καὶ αὐτοῖσ ἐπιπεσὼν Γναῖοσ Πομπήιοσ, ὕπατοσ ὢν ἤδη, διέφθειρεν ἐσ πεντακισχιλίουσ· καὶ τῶν λοιπῶν ἐσ τὰ σφέτερα διὰ ἀπόρου χώρασ καὶ χειμῶνοσ ἐπιπόνου διατρεχόντων οἱ ἡμίσεισ βαλανηφαγοῦντεσ διεφθάρησαν. τοῦ δ’ αὐτοῦ χειμῶνοσ Πόρκιοσ μὲν Κάτων, ὁ σύναρχοσ τοῦ Πομπηίου, Μάρσοισ πολεμῶν ἀνῃρέθη. Λεύκιοσ δὲ Κλοέντιοσ Σύλλᾳ περὶ τὰ Πομπαῖα ὄρη στρατοπεδεύοντι μάλα καταφρονητικῶσ ἀπὸ σταδίων τριῶν παρεστρατοπέδευε. καὶ ὁ Σύλλασ τὴν ὕβριν οὐκ ἐνεγκὼν οὐδὲ τῶν ἰδίων τοὺσ χορτολογοῦντασ ἀναμείνασ ἐπέδραμε τῷ Κλοεντίῳ. καὶ τότε μὲν ἡττώμενοσ ἔφευγε, προσλαβὼν δὲ τοὺσ χορτολογοῦντασ τρέπεται τὸν Κλοέντιον. ὁ δ’ αὐτίκα μὲν πορρωτέρω μετεστρατοπέδευεν, ἀφικομένων δ’ αὐτῷ Γαλατῶν αὖθισ ἐπλησίαζε τῷ Σύλλᾳ. καὶ συνιόντων τῶν στρατῶν Γαλάτησ ἀνὴρ μεγέθει μέγασ προδραμὼν προυκαλεῖτό τινα Ῥωμαίων ἐσ μάχην. ὡσ δ’ αὐτὸν ὑποστὰσ Μαυρούσιοσ ἀνὴρ βραχὺσ ἔκτεινεν, ἐκπλαγέντεσ οἱ Γαλάται αὐτίκα ἔφευγον. παραλυθείσησ δὲ τῆσ τάξεωσ οὐδ’ ὁ ἄλλοσ ὅμιλοσ ἔτι τοῦ Κλοεντίου παρέμενεν, ἀλλ’ ἔφευγεν ἐσ Νῶλαν ἀκόσμωσ. καὶ ὁ Σύλλασ αὐτοῖσ ἑπόμενοσ ἔκτεινεν ἐσ τρισμυρίουσ ἐν τῷ δρόμῳ καὶ τῶν Νωλαίων αὐτοὺσ μιᾷ πύλῃ δεχομένων, ἵνα μὴ οἱ πολέμιοι σφίσι συνεσπέσοιεν, ἑτέρουσ ἔκτεινεν ἀμφὶ τοῖσ τείχεσιν ἐσ δισμυρίουσ· καὶ σὺν τοῖσδε Κλοέντιοσ ἀγωνιζόμενοσ ἔπεσε. Σύλλασ δ’ ἐσ ἔθνοσ ἕτερον, Ἱρπίνουσ, μετεστρατοπέδευε καὶ προσέβαλεν Αἰκουλάνῳ.

χειμῶνοσ δ’ ἐπιόντοσ ὁ μὲν ἐσ Ῥώμην ἀνέστρεφεν, ἐσ ὑπατείαν παραγγέλλων, Γναῖοσ δὲ Πομπήιοσ ὑπηγάγετο Μάρσουσ καὶ Μαρρουκίνουσ καὶ Οὐηστίνουσ, καὶ Γάιοσ Κοσκώνιοσ, ἕτεροσ Ῥωμαίων στρατηγόσ, ἐπελθὼν Σαλαπίαν τε ἐνέπρησε καὶ Κάννασ παρέλαβε, καὶ Κανύσιον περικαθήμενοσ Σαυνίταισ ἐπελθοῦσιν ἀντεμάχετο ἐγκρατῶσ, μέχρι φόνοσ πολὺσ ἑκατέρων ἐγένετο καὶ ὁ Κοσκώνιοσ ἐλαττούμενοσ ἐσ Κάννασ ὑπεχώρει. οἱ δὲ Λευκανοὺσ προσδοκῶντεσ αὐτῆσ ἡμέρασ σφίσιν ἐπὶ συμμαχίαν ἀφίξεσθαι, τὸν Σύλλαν καιρὸν ἐσ σκέψιν ᾔτουν. ὁ δ’ αἰσθανόμενοσ τοῦ τεχνάσματοσ ὡρ́αν αὐτοῖσ ἔδωκε κἀν τῇδε ξυλίνῳ ὄντι τῷ τείχει κληματίδασ περιτιθεὶσ μετὰ τὴν ὡρ́αν ὑφῆπτεν. οἱ δὲ δείσαντεσ τὴν πόλιν παρεδίδουν. καὶ τήνδε μὲν ὁ Σύλλασ διήρπαζεν ὡσ οὐκ εὐνοίᾳ προσελθοῦσαν, ἀλλ’ ὑπ’ ἀνάγκησ, τῶν δ’ ἄλλων ἐφείδετο προστιθεμένων, μέχρι τὸ Ἱρπίνων ἔθνοσ ἅπαν ὑπηγάγετο, καὶ μετῆλθεν ἐπὶ Σαυνίτασ, οὐχ ᾗ Μοτίλοσ, ὁ τῶν Σαυνιτῶν στρατηγόσ, τὰσ παρόδουσ ἐφύλαττεν, ἀλλ’ ἑτέραν ἀδόκητον ἐκ περιόδου. προσπεσὼν δ’ ἄφνω πολλούσ τε ἔκτεινε, καὶ τῶν ὑπολοίπων σποράδην διαφυγόντων ὁ μὲν Μοτίλοσ τραυματίασ ἐσ Αἰσερνίαν σὺν ὀλίγοισ κατέφυγεν, ὁ δὲ Σύλλασ αὐτοῦ τὸ στρατόπεδον ἐξελὼν ἐσ Βουάνον παρῆλθεν, ᾗ τὸ κοινοβούλιον ἦν τῶν ἀποστάντων. τρεῖσ δ’ ἄκρασ τῆσ πόλεωσ ἐχούσησ καὶ τῶν Βουάνων ἐσ τὸν Σύλλαν ἐπεστραμμένων, περιπέμψασ τινὰσ ὁ Σύλλασ ἐκέλευε καταλαβεῖν, ἥν τινα τῶν ἄλλων δυνηθεῖεν ἄκραν, καὶ καπνῷ τοῦτο σημῆναι. γενομένου δὲ τοῦ καπνοῦ συμβαλὼν τοῖσ ἐκ μετώπου καὶ μαχόμενοσ ὡρ́αισ τρισὶ καρτερῶσ εἷλε τὴν πόλιν. Καὶ τάδε μὲν ἦν τοῦδε τοῦ θέρουσ εὐπραγήματα Σύλλα· Τρεβάτιοσ δ’ αὐτόν, ὁ τῶν Σαυνιτῶν στρατηγόσ, ποταμοῦ διείργοντοσ, ἐκέλευεν ἢ περᾶν ἐπ’ αὐτὸν ἐσ μάχην ἢ ἀναχωρεῖν, ἵνα περάσειεν.

ὁ δ’ ἀναχωρεῖ καὶ διαβάντι τῷ Τρεβατίῳ προσπεσὼν μάχῃ τε κρείττων ἐγένετο καὶ φεύγοντοσ ἐπὶ τὸ ῥεῦμα αὐτοῦ μυρίουσ καὶ πεντακισχιλίουσ διέφθειρεν· οἱ δὲ λοιποὶ μετὰ τοῦ Τρεβατίου διέφυγον ἐσ Κανύσιον. καὶ ὁ Κοσκώνιοσ τὴν Λαριναίων καὶ Οὐενουσίων καὶ Ἀσκλαίων γῆν ἐπιδραμὼν ἐσ Ποιδίκλουσ ἐσέβαλε καὶ δυσὶν ἡμέραισ τὸ ἔθνοσ παρέλαβε. Καικίλιοσ δ’ αὐτῷ Μέτελλοσ ἐπελθὼν ἐπὶ τὴν στρατηγίαν διάδοχοσ, ἐσ Ιἄπυγασ ἐμβαλὼν ἐκράτει καὶ ὅδε μάχῃ τῶν Ιἀπύγων.

καὶ Ποπαίδιοσ, ἄλλοσ τῶν ἀφεστώτων στρατηγόσ, ἐνταῦθα ἔπεσεν· οἱ δὲ λοιποὶ σποράδην ἐσ τὸν Καικίλιον διέφυγον. καὶ τάδε μὲν ἦν περὶ τὴν Ἰταλίαν ἀμφὶ τὸν συμμαχικὸν πόλεμον, ἀκμάσαντα δὴ μάλιστα μέχρι τῶνδε, ἑώσ Ἰταλία πᾶσα προσεχώρησεν ἐσ τὴν Ῥωμαίων πολιτείαν, χωρίσ γε Λευκανῶν καὶ Σαυνιτῶν τότε· δοκοῦσι γάρ μοι καὶ οἵδε τυχεῖν, ὧν ἔχρῃζον, ὕστερον. ἐσ δὲ τὰσ φυλὰσ ὅμοια τοῖσ προτυχοῦσιν ἕκαστοι κατελέγοντο, τοῦ μὴ τοῖσ ἀρχαίοισ ἀναμεμιγμένοι ἐπικρατεῖν ἐν ταῖσ χειροτονίαισ, πλέονεσ ὄντεσ. Τοῦ δ’ αὐτοῦ χρόνου κατὰ τὸ ἄστυ οἱ χρῆσται πρὸσ ἀλλήλουσ ἐστασίασαν, οἱ μὲν πράττοντεσ τὰ χρέα σὺν τόκοισ, νόμου τινὸσ παλαιοῦ διαγορεύοντοσ μὴ δανείζειν ἐπὶ τόκοισ ἢ ζημίαν τὸν οὕτω δανείσαντα προσοφλεῖν.

ἀποστραφῆναι γάρ μοι δοκοῦσιν οἱ πάλαι Ῥωμαῖοι, καθάπερ Ἕλληνεσ, τὸ δανείζειν ὡσ καπηλικὸν καὶ βαρὺ τοῖσ πένησι καὶ δύσερι καὶ ἐχθροποιόν, ᾧ λόγῳ καὶ Πέρσαι τὸ κίχρασθαι ὡσ ἀπατηλόν τε καὶ φιλοψευδέσ. ἔθουσ δὲ χρονίου τοὺσ τόκουσ βεβαιοῦντοσ, οἱ μὲν κατὰ τὸ ἔθοσ ᾔτουν, οἱ δὲ οἱο͂ν ἐκ πολέμων τε καὶ στάσεων ἀνεβάλλοντο τὰσ ἀποδόσεισ· εἰσὶ δ’ οἳ καὶ τὴν ζημίαν τοὺσ δανείσαντασ ἐκτίσειν ἐπηπείλουν. Ὅ τε στρατηγὸσ Ἀσελλίων, ᾧ ταῦτα προσέκειτο, ἐπεὶ διαλύων αὐτοὺσ οὐκ ἔπειθεν, ἐδίδου κατ’ ἀλλήλων αὐτοῖσ δικαστήρια, τὴν ἐκ τοῦ νόμου καὶ ἔθουσ ἀπορίαν ἐσ τοὺσ δικαστὰσ περιφέρων. οἱ δανεισταὶ δὲ χαλεπήναντεσ, ὅτι τὸν νόμον παλαιὸν ὄντα ἀνεκαίνιζε, κτείνουσιν αὐτὸν ὧδε· ὁ μὲν ἔθυε τοῖσ Διοσκούροισ ἐν ἀγορᾷ, τοῦ πλήθουσ ὡσ ἐπὶ θυσίᾳ περιστάντοσ· ἑνὸσ δὲ λίθου τὸ πρῶτον ἐπ’ αὐτὸν ἀφεθέντοσ, ἔρριψε τὴν φιάλην καὶ ἐσ τὸ τῆσ Ἑστίασ ἱερὸν ἱέτο δρόμῳ. οἱ δὲ αὐτὸν προλαβόντεσ τε ἀπέκλεισαν ἀπὸ τοῦ ἱεροῦ καὶ καταφυγόντα ἔσ τι πανδοχεῖον ἔσφαξαν. πολλοί τε τῶν διωκόντων ἐσ τὰσ παρθένουσ αὐτὸν ἡγούμενοι καταφυγεῖν ἐσέδραμον, ἔνθα μὴ θέμισ ἦν ἀνδράσιν. οὕτω μὲν καὶ Ἀσελλίων στρατηγῶν τε καὶ σπένδων καὶ ἱερὰν καὶ ἐπίχρυσον ἐσθῆτα ὡσ ἐν θυσίᾳ περικείμενοσ ἀμφὶ δευτέραν ὡρ́αν ἐσφάζετο ἐν ἀγορᾷ μέσῃ παρὰ ἱεροῖσ. καὶ ἡ σύγκλητοσ ἐκήρυσσεν, εἴ τίσ τι περὶ τὸν Ἀσελλίωνοσ φόνον ἐλέγξειεν, ἐλευθέρῳ μὲν ἀργύριον, δούλῳ δὲ ἐλευθερίαν, συνεγνωκότι δὲ ἄδειαν· οὐ μὴν ἐμήνυσεν οὐδείσ, τῶν δανειστῶν περικαλυψάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 6

(아피아노스, The Civil Wars, book 1, chapter 6)

상위

목록

SEARCH

MENU NAVIGATION