Appian, The Civil Wars, book 1, chapter 2 4:

Οὕτω μὲν δὴ Γράκχοσ, ὁ Γράκχου τοῦ δὶσ ὑπατεύσαντοσ καὶ Κορνηλίασ τῆσ Σκιπίωνοσ τοῦ Καρχηδονίουσ τὴν ἡγεμονίαν ἀφελομένου παῖσ, ἀρίστου βουλεύματοσ ἕνεκα, βιαίωσ αὐτῷ προσιών, ἀνῄρητο ἔτι δημαρχῶν ἐν τῷ Καπιτωλίῳ. καὶ πρῶτον ἐν ἐκκλησίᾳ τόδε μύσοσ γενόμενον οὐ διέλιπεν, αἰεί τινοσ ὁμοίου γιγνομένου παρὰ μέροσ. ἡ δὲ πόλισ ἐπὶ τῷ Γράκχου φόνῳ διῄρητο ἐσ λύπην καὶ ἡδονήν, οἱ μὲν οἰκτείροντεσ αὑτούσ τε κἀκεῖνον καὶ τὰ παρόντα ὡσ οὐκέτι πολιτείαν, ἀλλὰ χειροκρατίαν καὶ βίαν, οἱ δ’ ἐξειργάσθαι σφίσιν ἡγούμενοι πᾶν, ὅσον ἐβούλοντο.