헬라어 문장 검색 - Αππιαν́ΤηεΞιϝί1́03́01́

(아피아노스, The Civil Wars, book 1, chapter 2 1:)

Θέροσ δ’ ἦν ἤδη καὶ προγραφαὶ δημάρχων ἐσ τὸ μέλλον· καὶ οἱ πλούσιοι τῆσ χειροτονίασ πλησιαζούσησ ἔνδηλοι σαφῶσ ἦσαν ἐσπουδακότεσ ἐσ τὴν ἀρχὴν τοῖσ μάλιστα Γράκχῳ πολεμίοισ. ὁ δ’ ἐγγὺσ τοῦ κακοῦ γιγνομένου δείσασ, εἰ μὴ καὶ ἐσ τὸ μέλλον ἔσοιτο δήμαρχοσ, συνεκάλει τοὺσ ἐκ τῶν ἀγρῶν ἐπὶ τὴν χειροτονίαν. ἀσχολουμένων δ’ ἐκείνων ὡσ ἐν θέρει, συνελαυνόμενοσ ὑπὸ τῆσ προθεσμίασ ὀλίγησ ἐσ τὴν χειροτονίαν ἔτι οὔσησ ἐπὶ τὸν ἐν τῷ ἄστει δῆμον κατέφευγε, καὶ περιιὼν κατὰ μέροσ ἑκάστων ἐδεῖτο δήμαρχον αὑτὸν ἐσ τὸ μέλλον ἑλέσθαι, κινδυνεύοντα δι’ ἐκείνουσ. γιγνομένησ δὲ τῆσ χειροτονίασ δύο μὲν ἔφθασαν αἱ πρῶται φυλαὶ Γράκχον ἀποφῆναι, τῶν δὲ πλουσίων ἐνισταμένων οὐκ ἔννομον εἶναι δὶσ ἐφεξῆσ τὸν αὐτὸν ἄρχειν καὶ Ῥουβρίου δημάρχου τοῦ προεστάναι τῆσ ἐκκλησίασ ἐκείνησ διειληχότοσ ἐνδοιάζοντοσ ἐπὶ τῷδε, Μούμμιοσ αὐτόν, ὁ ἐπὶ τῷ Ὀκταουίῳ δημαρχεῖν ᾑρημένοσ, ἐκέλευεν ἑαυτῷ τὴν ἐκκλησίαν ἐπιτρέψαι. καὶ ὁ μὲν ἐπέτρεψεν, οἱ δὲ λοιποὶ δήμαρχοι περὶ τῆσ ἐπιστασίασ ἠξίουν ἀνακληροῦσθαι· Ῥουβρίου γὰρ τοῦ λαχόντοσ ἐκστάντοσ αὖθισ ἐσ ἅπαντασ τὴν διακλήρωσιν περιιέναι. ἔριδοσ δὲ καὶ ἐπὶ τῷδε πολλῆσ γενομένησ ὁ Γράκχοσ ἐλταττούμενοσ τὴν μὲν χειροτονίαν ἐσ τὴν ἐπιοῦσαν ἡμέραν ἀνέθετο, πάντα δ’ ἀπογνοὺσ ἐμελανειμόνει τε ἔτι ὢν ἔναρχοσ καὶ τὸ λοιπὸν τῆσ ἡμέρασ ἐν ἀγορᾶ τὸν υἱὸν ἐπάγων ἑκάστοισ συνίστη καὶ παρετίθετο ὡσ αὐτὸσ ὑπὸ τῶν ἐχθρῶν αὐτίκα ἀπολούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 2 1:

(아피아노스, The Civil Wars, book 1, chapter 2 1:)

상위

목록

SEARCH

MENU NAVIGATION