헬라어 문장 검색 - Αππιαν́ΤηεΞιϝί1́02́06́

(아피아노스, The Civil Wars, book 1, chapter 1 6:)

Μᾶρκοσ δ’ Ὀκτάουιοσ δήμαρχοσ ἕτεροσ, ὑπὸ τῶν κτηματικῶν διακωλύειν παρεσκευασμένοσ, καὶ ὢν ἀεὶ παρὰ Ῥωμαίοισ ὁ κωλύων δυνατώτεροσ. ἐκέλευε τὸν γραμματέα σιγᾶν. καὶ τότε μὲν αὐτῷ πολλὰ μεμψάμενοσ ὁ Γράκχοσ ἐσ τὴν ἐπιοῦσαν ἀγορὰν ἀνέθετο . . . φυλακήν τε παραστησάμενοσ ἱκανὴν ὡσ καὶ ἄκοντα βιασόμενοσ Ὀκτάουιον ἐκέλευε σὺν ἀπειλῇ τῷ γραμματεῖ τὸν νόμον εἰσ τὸ πλῆθοσ ἀναγινώσκειν. καὶ ἀνεγίνωσκε καὶ Ὀκταουίου κωλύοντοσ ἐσιώπα. λοιδοριῶν δὲ τοῖσ δημάρχοισ ἐσ ἀλλήλουσ γενομένων καὶ τοῦ δήμου θορυβοῦντοσ ἱκανῶσ, οἱ δυνατοὶ τοὺσ δημάρχουσ ἠξίουν ἐπιτρέψαι τῇ βουλῇ, περὶ ὧν διαφέρονται, καὶ ὁ Γράκχοσ ἁρπάσασ τὸ λεχθέν, ὡσ δὴ πᾶσι τοῖσ εὖ φρονοῦσιν ἀρέσοντοσ τοῦ νόμου, διέτρεχεν ἐσ τὸ βουλευτήριον. ἐκεῖ δ’ ὡσ ἐν ὀλίγοισ ὑβριζόμενοσ ὑπὸ τῶν πλουσίων, αὖθισ ἐκδραμὼν εἰσ τὴν ἀγορὰν ἔφη διαψήφισιν προθήσειν ἐσ τὴν ἐπιοῦσαν ἀγορὰν περί τε τοῦ νόμου καὶ τῆσ ἀρχῆσ τῆσ Ὀκταουίου, εἰ χρὴ δήμαρχον ἀντιπράττοντα τῷ δήμῳ τὴν ἀρχὴν ἐπέχειν. καὶ ἔπραξεν οὕτωσ· ἐπείτε γὰρ Ὀκτάουιοσ οὐδὲν καταπλαγεὶσ αὖθισ ἐνίστατο, ὁ δὲ προτέραν τὴν περὶ αὐτοῦ ψῆφον ἀνεδίδου. Καὶ τῆσ πρώτησ φυλῆσ καταψηφισαμένησ τὴν ἀρχὴν τὸν Ὀκτάουιον ἀποθέσθαι, ἐπιστραφεὶσ πρὸσ αὐτὸν ὁ Γράκχοσ ἐδεῖτο μεταθέσθαι. οὐ πειθομένου δὲ τὰσ ἄλλασ ψήφουσ ἐπῆγεν. οὐσῶν δὲ τότε φυλῶν πέντε καὶ τριάκοντα καὶ συνδραμουσῶν ἐσ τὸ αὐτὸ σὺν ὀργῇ τῶν προτέρων ἑπτακαίδεκα, ἡ μὲν ὀκτωκαιδεκάτη τὸ κῦροσ ἔμελλεν ἐπιθήσειν, ὁ δὲ Γράκχοσ αὖθισ, ἐν ὄψει τοῦ δήμου, τότε μάλιστα κινδυνεύοντι τῷ Ὀκταουίῳ λιπαρῶσ ἐνέκειτο μὴ ἔργον ὁσιώτατον καὶ χρησιμώτατον Ἰταλίᾳ πάσῃ συγχέαι μηδὲ σπουδὴν τοῦ δήμου τοσήνδε ἀνατρέψαι, ᾧ τι καὶ παρενδοῦναι προθυμουμένῳ δήμαρχον ὄντα ἡρ́μοζε, καὶ μὴ αὑτοῦ τὴν ἀρχὴν ἀφαιρουμένην περιιδεῖν ἐπὶ καταγνώσει. καὶ τάδε λέγων καὶ θεοὺσ μαρτυρόμενοσ ἄκων ἄνδρα σύναρχον ἀτιμοῦν, ὡσ οὐκ ἔπειθεν, ἐπῆγε τὴν ψῆφον. καὶ ὁ μὲν Ὀκτάουιοσ αὐτίκα ἰδιώτησ γενόμενοσ διαλαθὼν ἀπεδίδρασκε, Κόιντοσ δὲ Μούμμιοσ ἀντ’ αὐτοῦ δήμαρχοσ ᾑρεῖτο, καὶ ὁ νόμοσ ὁ περὶ τῆσ γῆσ ἐκυροῦτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 1 6:

(아피아노스, The Civil Wars, book 1, chapter 1 6:)

상위

목록

SEARCH

MENU NAVIGATION