Xenophon, Hellenica, Ἑλληνικῶν, chapter 4 7:

ὁ μὲν δὴ Κλεόμβροτοσ ταῦτα ἀκούων παρωξύνετο πρὸσ τὸ μάχην συνάπτειν. τῶν δ’ αὖ Θηβαίων οἱ προεστῶτεσ ἐλογίζοντο ὡσ εἰ μὴ μαχοῖντο, ἀποστήσοιντο μὲν αἱ περιοικίδεσ αὐτῶν πόλεισ, αὐτοὶ δὲ πολιορκήσοιντο· εἰ δὲ μὴ ἕξοι ὁ δῆμοσ ὁ Θηβαίων τἀπιτήδεια, ὅτι κινδυνεύσοι καὶ ἡ πόλισ αὐτοῖσ ἐναντία γενέσθαι. ἅτε δὲ καὶ πεφευγότεσ πρόσθεν πολλοὶ αὐτῶν ἐλογίζοντο κρεῖττον εἶναι μαχομένουσ ἀποθνῄσκειν ἢ πάλιν φεύγειν.