헬라어 문장 검색 - ΧενοπήΞψροπαέ4́6́

(크세노폰, Cyropaedia, Κύρου Παιδείασ Δ, chapter 6)

οἱ μὲν δὴ ἀμφὶ ταῦτα εἶχον. Γωβρύασ δ’ ἐν τούτῳ παρῆν Ἀσσύριοσ πρεσβύτησ ἀνὴρ ἐφ’ ἵππου σὺν ἱππικῇ θεραπείᾳ· εἶχον δὲ πάντεσ τὰ ἐφίππων ὅπλα. καὶ οἱ μὲν ἐπὶ τῷ τὰ ὅπλα παραλαμβάνειν τεταγμένοι ἐκέλευον παραδιδόναι τὰ ξυστά, ὅπωσ κατακαίοιεν ὥσπερ τἆλλα. ὁ δὲ Γωβρύασ εἶπεν ὅτι Κῦρον πρῶτον βούλοιτο ἰδεῖν· καὶ οἱ ὑπηρέται τοὺσ μὲν ἄλλουσ ἱππέασ αὐτοῦ κατέλιπον, τὸν δὲ Γωβρύαν ἄγουσι πρὸσ τὸν Κῦρον. ὁ δ’ ὡσ εἶδε τὸν Κῦρον, ἔλεξεν ὧδε·

ὦ δέσποτα, ἐγώ εἰμι τὸ μὲν γένοσ Ἀσσύριοσ· ἔχω δὲ καὶ τεῖχοσ ἰσχυρὸν καὶ χώρασ ἐπάρχω πολλῆσ· καὶ ἵππον ἔχω εἰσ χιλίαν, ἣν τῷ τῶν Ἀσσυρίων βασιλεῖ παρειχόμην καὶ φίλοσ ἦν ἐκείνῳ ὡσ μάλιστα· ἐπεὶ δὲ ἐκεῖνοσ τέθνηκεν ὑφ’ ὑμῶν ἀνὴρ ἀγαθὸσ ὤν, ὁ δὲ παῖσ ἐκείνου τὴν ἀρχὴν ἔχει ἔχθιστοσ ὢν ἐμοί, ἥκω πρὸσ σὲ καὶ ἱκέτησ προσπίπτω καὶ δίδωμί σοι ἐμαυτὸν δοῦλον καὶ σύμμαχον, σὲ δὲ τιμωρὸν αἰτοῦμαι ἐμοὶ γενέσθαι· καὶ παῖδα οὕτωσ ὡσ δυνατόν σε ποιοῦμαι· ἄπαισ δ’ εἰμὶ ἀρρένων παίδων. ὃσ γὰρ ἦν μοι μόνοσ καὶ καλὸσ κἀγαθόσ, ὦ δέσποτα, καὶ ἐμὲ φιλῶν καὶ τιμῶν ὥσπερ ἂν εὐδαίμονα πατέρα παῖσ τιμῶν τιθείη, τοῦτον ὁ νῦν βασιλεὺσ οὗτοσ καλέσαντοσ τοῦ τότε βασιλέωσ, πατρὸσ δὲ τοῦ νῦν, ὡσ δώσοντοσ τὴν θυγατέρα τῷ ἐμῷ παιδί, ἐγὼ μὲν ἀπεπεμψάμην μέγα φρονῶν ὅτι δῆθεν τῆσ βασιλέωσ θυγατρὸσ ὀψοίμην τὸν ἐμὸν υἱὸν γαμέτην·

ὁ δὲ νῦν βασιλεὺσ εἰσ θήραν αὐτὸν παρακαλέσασ καὶ ἀνεὶσ αὐτῷ θηρᾶν ἀνὰ κράτοσ, ὡσ πολὺ κρείττων αὐτοῦ ἱππεὺσ ἡγούμενοσ εἶναι, ὁ μὲν ὡσ φίλῳ συνεθήρα, φανείσησ δ’ ἄρκτου διώκοντεσ ἀμφότεροι, ὁ μὲν νῦν ἄρχων οὗτοσ ἀκοντίσασ ἥμαρτεν, ὡσ μήποτε ὤφελεν, ὁ δ’ ἐμὸσ παῖσ βαλών, οὐδὲν δέον, καταβάλλει τὴν ἄρκτον. καὶ τότε μὲν δὴ ἀνιαθεὶσ ἄρ’ οὗτοσ κατέσχεν ὑπὸ σκότου τὸν φθόνον·

ὡσ δὲ πάλιν λέοντοσ παρατυχόντοσ ὁ μὲν αὖ ἥμαρτεν, οὐδὲν οἶμαι θαυμαστὸν παθών, ὁ δ’ αὖ ἐμὸσ παῖσ αὖθισ τυχὼν κατειργάσατό τε τὸν λέοντα καὶ εἶπεν· ἆρα βέβληκα δὶσ ἐφεξῆσ καὶ καταβέβληκα θῆρα ἑκατεράκισ, ἐν τούτῳ δὴ οὐκέτι κατίσχει ὁ ἀνόσιοσ τὸν φθόνον, ἀλλ’ αἰχμὴν παρά τινοσ τῶν ἑπομένων ἁρπάσασ, παίσασ εἰσ τὰ στέρνα τὸν μόνον μοι καὶ φίλον παῖδα ἀφείλετο τὴν ψυχήν. κἀγὼ μὲν ὁ τάλασ νεκρὸν ἀντὶ νυμφίου ἐκομισάμην καὶ ἔθαψα τηλικοῦτοσ ὢν ἄρτι γενειάσκοντα τὸν ἄριστον παῖδα τὸν ἀγαπητόν·

ὁ δὲ κατακανὼν ὥσπερ ἐχθρὸν ἀπολέσασ οὔτε μεταμελόμενοσ πώποτε φανερὸσ ἐγένετο οὔτε ἀντὶ τοῦ κακοῦ ἔργου τιμῆσ τινοσ ἠξίωσε τὸν κατὰ γῆσ. ὅ γε μὴν πατὴρ αὐτοῦ καὶ συνῴκτισέ με καὶ δῆλοσ ἦν συναχθόμενόσ μοι τῇ συμφορᾷ. ἐγὼ οὖν, εἰ μὲν ἔζη ἐκεῖνοσ, οὐκ ἄν ποτε ἦλθον πρὸσ σὲ ἐπὶ τῷ ἐκείνου κακῷ·

πολλὰ γὰρ φιλικὰ ἔπαθον ὑπ’ ἐκείνου καὶ ὑπηρέτησα ἐκείνῳ· ἐπεὶ δ’ εἰσ τὸν τοῦ ἐμοῦ παιδὸσ φονέα ἡ ἀρχὴ περιήκει, οὐκ ἄν ποτε τούτῳ ἐγὼ δυναίμην εὔνουσ γενέσθαι, οὐδὲ οὗτοσ ἐμὲ εὖ οἶδ’ ὅτι φίλον ἄν ποτε ἡγήσαιτο. οἶδε γὰρ ὡσ ἐγὼ πρὸσ αὐτὸν ἔχω καὶ ὡσ πρόσθεν φαιδρῶσ βιοτεύων νυνὶ διάκειμαι, ἔρημοσ ὢν καὶ διὰ πένθουσ τὸ γῆρασ διάγων. εἰ οὖν σύ με δέχῃ καὶ ἐλπίδα τινὰ λάβοιμι τῷ φίλῳ παιδὶ τιμωρίασ ἄν τινοσ μετὰ σοῦ τυχεῖν, καὶ ἀνηβῆσαι ἂν πάλιν δοκῶ μοι καὶ οὔτε ζῶν ἂν ἔτι αἰσχυνοίμην οὔτε ἀποθνῄσκων ἀνιώμενοσ ἂν τελευτᾶν δοκῶ.

ὁ μὲν οὕτωσ εἶπε·

Κῦροσ δ’ ἀπεκρίνατο· ἀλλ’ ἤνπερ, ὦ Γωβρύα, καὶ φρονῶν φαίνῃ ὅσαπερ λέγεισ πρὸσ ἡμᾶσ, δέχομαί τε ἱκέτην σε καὶ τιμώρησίν σοι τοῦ παιδὸσ σὺν θεοῖσ ὑπισχνοῦμαι. λέξον δέ μοι, ἔφη, ἐάν σοι ταῦτα ποιῶμεν καὶ τὰ τείχη σε ἔχειν ἐῶμεν καὶ τὴν χώραν καὶ τὰ ὅπλα καὶ τὴν δύναμιν ἥνπερ πρόσθεν εἶχεσ, σὺ ἡμῖν τί ἀντὶ τούτων ὑπηρετήσεισ; ὁ δὲ εἶπε·

τὰ μὲν τείχη, ὅταν ἔλθῃσ, οἶκόν σοι παρέξω· δασμὸν δὲ τῆσ χώρασ ὅνπερ ἔφερον ἐκείνῳ σοὶ ἀποίσω, καὶ ὅποι ἂν στρατεύῃ συστρατεύσομαι τὴν ἐκ τῆσ χώρασ δύναμιν ἔχων. ἔστι δέ μοι, ἔφη, καὶ θυγάτηρ παρθένοσ ἀγαπητὴ γάμου ἤδη ὡραία, ἣν ἐγὼ πρόσθεν μὲν ᾤμην τῷ νῦν βασιλεύοντι γυναῖκα τρέφειν· νῦν δὲ αὐτή τέ με ἡ θυγάτηρ πολλὰ γοωμένη ἱκέτευσε μὴ δοῦναι αὐτὴν τῷ τοῦ ἀδελφοῦ φονεῖ, ἐγώ τε ὡσαύτωσ γιγνώσκω. νῦν δέ σοι δίδωμι βουλεύσασθαι καὶ περὶ ταύτησ οὕτωσ ὥσπερ ἂν καὶ ἐγὼ βουλεύων περὶ σοῦ φαίνωμαι. οὕτω δὴ ὁ Κῦροσ εἶπεν·

ἐπὶ τούτοισ, ἔφη, ἐγὼ ἀληθευομένοισ δίδωμί σοι τὴν ἐμὴν καὶ λαμβάνω τὴν σὴν δεξιάν· θεοὶ δ’ ἡμῖν μάρτυρεσ ἔστων. ἐπεὶ δὲ ταῦτα ἐπράχθη, ἀπιέναι τε κελεύει τὸν Γωβρύαν ἔχοντα τὰ ὅπλα καὶ ἐπήρετο πόση τισ ὁδὸσ ὡσ αὐτὸν εἰή, ὡσ ἥξων. ὁ δ’ ἔλεγεν· ἢν αὔριον ἰῄσ πρῴ, τῇ ἑτέρᾳ ἂν αὐλίζοιο παρ’ ἡμῖν. οὕτω δὴ οὗτοσ μὲν ᾤχετο ἡγεμόνα καταλιπών.

οἱ δὲ Μῆδοι παρῆσαν, ἃ μὲν οἱ μάγοι ἔφρασαν τοῖσ θεοῖσ ἐξελεῖν, ἀποδόντεσ τοῖσ μάγοισ, Κύρῳ δ’ ἐξῃρηκότεσ τὴν καλλίστην σκηνὴν καὶ τὴν Σουσίδα γυναῖκα, ἣ καλλίστη δὴ λέγεται ἐν τῇ Ἀσίᾳ γυνὴ γενέσθαι, καὶ μουσουργοὺσ δὲ δύο τὰσ κρατίστασ, δεύτερον δὲ Κυαξάρῃ τὰ δεύτερα, τοιαῦτα δὲ ἄλλα ὧν ἐδέοντο ἑαυτοῖσ ἐκπληρώσαντεσ, ὡσ μηδενὸσ ἐνδεόμενοι στρατεύωνται· πάντα γὰρ ἦν πολλά. προσέλαβον δὲ καὶ Ὑρκάνιοι ὧν ἐδέοντο·

ἰσόμοιρον δὲ ἐποίησαν καὶ τὸν παρὰ Κυαξάρου ἄγγελον· τὰσ δὲ περιττὰσ σκηνὰσ ὅσαι ἦσαν Κύρῳ παρέδοσαν, ὡσ τοῖσ Πέρσαισ γένοιντο. τὸ δὲ νόμισμα ἔφασαν, ἐπειδὰν ἅπαν συλλεχθῇ, διαδώσειν· καὶ διέδωκαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Cyropaedia, Κύρου Παιδείασ Δ, chapter 6

(크세노폰, Cyropaedia, Κύρου Παιδείασ Δ, chapter 6)

상위

목록

SEARCH

MENU NAVIGATION