Xenophon, Cyropaedia, Κύρου Παιδείασ Β, chapter 4 15:

ἔναγχοσ οὖν ποτέ σου μέμνημαι ἀκούσασ ὡσ ὁ Ἀρμένιοσ καταφρονοίη σου νῦν, ὅτι ἀκούει τοὺσ πολεμίουσ προσιόντασ ἡμῖν, καὶ οὔτε <τὸ> στράτευμα πέμποι οὔτε τὸν δασμὸν ὃν ἔδει ἀπάγοι. ποιεῖ γὰρ ταῦτα, ἔφη, ὦ Κῦρε, ἐκεῖνοσ· ὥστε ἔγωγε ἀπορῶ πότερόν μοι κρεῖττον στρατεύεσθαι καὶ πειρᾶσθαι ἀνάγκην αὐτῷ προσθεῖναι ἢ ἐᾶσαι ἐν τῷ παρόντι, μὴ καὶ τοῦτον πολέμιον πρὸσ τοῖσ ἄλλοισ προσθώμεθα.