헬라어 문장 검색 - Πλυταρ́Λψξυργύ18́

(플루타르코스, Lycurgus, chapter 18)

οὕτω δὲ κλέπτουσι πεφροντισμένωσ οἱ παῖδεσ, ὥστε λέγεταί τίσ ἤδη σκύμνον ἀλώπεκοσ κεκλοφὼσ καὶ τῷ τριβωνίῳ περιστέλλων, σπαρασσόμενοσ ὑπὸ τοῦ θηρίου τὴν γαστέρα τοῖσ ὄνυξι καὶ τοῖσ ὀδοῦσιν, ὑπὲρ τοῦ λαθεῖν ἐγκαρτερῶν ἀποθανεῖν. καὶ τοῦτο μὲν οὐδὲ ἀπὸ τῶν νῦν ἐφήβων ἄπιστόν ἐστιν, ὧν πολλοὺσ ἐπὶ τοῦ βωμοῦ τῆσ Ὀρθίασ ἑωράκαμεν ἐναποθνήσκοντασ ταῖσ πληγαῖσ. δειπνήσασ δὲ ὁ εἴρην κατακείμενοσ τῷ μὲν ᾆσαι προσέταξε τῶν παίδων, τῷ δὲ ἐρώτημά τι προὔβαλε πεφροντισμένησ δεόμενον ἀποκρίσεωσ·

οἱο͂ν, ὅστισ ἄριστοσ ἐν τοῖσ ἀνδράσιν, ἢ ποία τίσ ἡ τοῦδε πρᾶξισ. ἐκ τούτου δὲ καὶ κρίνειν τὰ καλὰ καὶ πολυπραγμονεῖν εὐθὺσ ἐξ ἀρχῆσ εἰθίζοντο περὶ τῶν πολιτῶν, τὸ γὰρ ἐρωτηθέντα, τίσ πολίτησ ἀγαθόσ, ἢ τίσ οὐκ εὐδόκιμοσ, ἀπορεῖν τοῦ ἀποκρίνασθαι, νωθρᾶσ ἐποιοῦντο καὶ πρὸσ ἀρετὴν ἀφιλοτίμου ψυχῆσ σημεῖον. ἔδει δὲ τὴν ἀπόκρισιν καὶ μετ’ αἰτίασ εἶναι καὶ ἀποδείξεωσ εἰσ βραχύν τινα συνηγμένησ λόγον καὶ σύντομον ὁ δὲ πλημμελῶσ ἀποκρινάμενοσ ἐκολάζετο δῆγμα λαμβάνων ὑπὸ τοῦ εἴρενοσ εἰσ τὸν ἀντίχειρα, πολλάκισ δὲ καὶ πρεσβυτέρων παρόντων καὶ ἀρχόντων ὁ εἴρην ἐκόλαζε τοὺσ παῖδασ, ἀπόδειξιν διδοὺσ εἰ μετὰ λόγου καὶ ὡσ δεῖ κολάζει, καὶ κολάζων μὲν οὐκ ἐκωλύετο, τῶν δὲ παίδων ἀπελθόντων εὐθύνασ ὑπεῖχεν, εἰ τραχύτερον τοῦ δέοντοσ ἐπετίμησεν ἢ τοὐναντίον ἐκλελυμένωσ καὶ ἀτόνωσ.

ἐκοινώνουν δὲ οἱ ἐρασταὶ τοῖσ παισὶ τῆσ δόξησ ἐπ’ ἀμφότερα·

καὶ λέγεταί ποτε παιδὸσ ἐν τῷ μάχεσθαι φωνὴν ἀγεννῆ προεμένου ζημιωθῆναι τὸν ἐραστὴν ὑπὸ τῶν ἀρχόντων, οὕτω δὲ τοῦ ἐρᾶν ἐγκεκριμένου παρ’ αὐτοῖσ, ὥστε καὶ τῶν παρθένων ἐρᾶν τὰσ καλὰσ καὶ ἀγαθὰσ γυναῖκασ, τὸ ἀντερᾶν οὐκ ἦν, ἀλλὰ μᾶλλον ἀρχὴν ἐποιοῦντο φιλίασ πρὸσ ἀλλήλουσ οἱ τῶν αὐτῶν ἐρασθέντεσ, καὶ διετέλουν κοινῇ σπουδάζοντεσ ὅπωσ ἄριστον ἀπεργάσαιντο τὸν ἐρώμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 18

(플루타르코스, Lycurgus, chapter 18)

상위

목록

SEARCH

MENU NAVIGATION