헬라어 문장 검색 - Πλυταρ́Λψξυργύ27́

(플루타르코스, Lycurgus, chapter 27)

καὶ μὴν καὶ τὰ περὶ τὰσ ταφὰσ ἄριστα διεκόσμησεν αὐτοῖσ. πρῶτον μὲν γάρ ἀνελὼν δεισιδαιμονίαν ἅπασαν ἐν τῇ πόλει θάπτειν τοὺσ νεκρούσ, καὶ πλησίον ἔχειν τὰ μνήματα τῶν ἱερῶν οὐκ ἐκώλυσε, συντρόφουσ ποιῶν ταῖσ τοιαύταισ ὄψεσι καὶ συνήθεισ τοὺσ νέουσ, ὥστε μὴ ταράττεσθαι μηδ’ ὀρρωδεῖν τὸν θάνατον ὡσ μιαίνοντα τοὺσ ἁψαμένουσ νεκροῦ σώματοσ ἢ διὰ τάφων διελθόντασ. ἔπειτα συνθάπτειν οὐδὲν εἰάσεν, ἀλλὰ ἐν φοινικίδι καὶ φύλλοισ ἐλαίασ θέντεσ τὸ σῶμα περιέστελλον. ἐπιγράψαι δὲ τοὔνομα θάψαντασ οὐκ ἐξῆν τοῦ νεκροῦ, πλὴν ἀνδρὸσ ἐν πολέμῳ καὶ γυναικὸσ τῶν ἱερῶν ἀποθανόντων, χρόνον δὲ πένθουσ ὀλίγον προσώρισεν, ἡμέρασ ἕνδεκα·

τῇ δὲ δωδεκάτῃ θύσαντασ ἔδει Δήμητρι λύειν τὸ πάθοσ. οὐδὲν γάρ ἦν ἀργὸν οὐδὲ ἀφειμένον, ἀλλὰ πᾶσι κατεμίγνυε τοῖσ ἀναγκαίοισ ἀρετῆσ τινα ζῆλον ἢ κακίασ διαβολὴν καὶ κατεπύκνου παραδειγμάτων πλήθει τὴν πόλιν, οἷσ ἀναγκαῖον ἦν ἐντυγχάνοντασ ἀεὶ καὶ συντρεφομένουσ ἄγεσθαι καὶ κατασχηματίζεσθαι ἰόντασ πρὸσ τὸ καλόν. ὅθεν οὐδ’ ἀποδημεῖν ἔδωκε τοῖσ βουλομένοισ καὶ πλανᾶσθαι, ξενικὰ συνάγοντασ ἤθη καὶ μιμήματα βίων ἀπαιδεύτων καὶ πολιτευμάτων διαφόρων, ἀλλὰ καὶ τοὺσ ἀθροιζομένουσ ἐπ’ οὐδενὶ χρησίμῳ καὶ παρεισρέοντασ εἰσ τὴν πόλιν ἀπήλαυνεν, οὐχ, ὡσ Θουκυδίδησ φησί, δεδιὼσ μὴ τῆσ πολιτείασ μιμηταὶ γένωνται καὶ πρὸσ ἀρετήν τι χρήσιμον ἐκμάθωσιν, ἀλλὰ μᾶλλον ὅπωσ μὴ διδάσκαλοι κακοῦ τινοσ ὑπάρξωσιν.

ἅμα γάρ ξένοισ σώμασιν ἀνάγκη λόγουσ ἐπεισιέναι ξένουσ·

λόγοι δὲ καινοὶ κρίσεισ καινὰσ ἐπιφέρουσιν. ἐξ ὧν ἀνάγκη πάθη πολλὰ φύεσθαι καὶ προαιρέσεισ ἀπᾳδούσασ πρὸσ τὴν καθεστῶσαν πολιτείαν, ὥσπερ ἁρμονίαν. διὸ μᾶλλον ᾤετο χρῆναι φυλάττειν τὴν πόλιν ὅπωσ ἠθῶν οὐκ ἀναπλησθήσεται πονηρῶν ἢ σωμάτων νοσερῶν ἔξωθεν ἐπεισιόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 27

(플루타르코스, Lycurgus, chapter 27)

상위

목록

SEARCH

MENU NAVIGATION