헬라어 문장 검색 - Πλυταρ́Λψξυργύ09́

(플루타르코스, Lycurgus, chapter 9)

ἐπιχειρήσασ δὲ καὶ τὰ ἔπιπλα διαιρεῖν, ὅπωσ παντάπασιν ἐξέλοι τὸ ἄνισον καὶ ἀνώμαλον, ἐπεὶ χαλεπῶσ ἑώρα προσδεχομένουσ τὴν ἄντικρυσ ἀφαίρεσιν, ἑτέρᾳ περιῆλθεν ὁδῷ καὶ κατεπολιτεύσατο τὴν ἐν τούτοισ πλεονεξίαν. πρῶτον μὲν γάρ ἀκυρώσασ πᾶν νόμισμα χρυσοῦν καὶ ἀργυροῦν μόνῳ χρῆσθαι τῷ σιδηρῷ προσέταξε· καὶ τούτῳ δὲ ἀπὸ πολλοῦ σταθμοῦ καὶ ὄγκου δύναμιν ὀλίγην ἔδωκεν, ὥστε δέκα μυῶν ἀμοιβὴν ἀποθήκησ τε μεγάλησ ἐν οἰκίᾳ δεῖσθαι καὶ ζεύγουσ ἄγοντοσ, τούτου δὲ κυρωθέντοσ ἐξέπεσεν ἀδικημάτων γένη πολλὰ τῆσ Λακεδαίμονοσ. τίσ γὰρ ἢ κλέπτειν ἔμελλεν ἢ δωροδοκεῖν ἢ ἀποστερεῖν ἢ ἁρπάζειν ὃ μήτε κατακρύψαι δυνατὸν ἦν μήτε κεκτῆσθαι ζηλωτόν, ἀλλὰ μηδὲ κατακόψαι λυσιτελέσ·

ὄξει γάρ, ὡσ λέγεται, διαπύρου σιδήρου τὸ στόμωμα κατασβέσασ ἀφείλετο τὴν εἰσ τἆλλα χρείαν καὶ δύναμιν, ἀδρανοῦσ καὶ δυσέργου γενομένου. μετὰ δὲ τοῦτο τῶν ἀχρήστων καὶ περισσῶν ἐποιεῖτο τεχνῶν ξενηλασίαν.

ἔμελλον δέ που καὶ μηδενὸσ ἐξελαύνοντοσ αἱ πολλαὶ τῷ κοινῷ νομίσματι συνεκπεσεῖσθαι, διάθεσιν τῶν ἔργων οὐκ ἐχόντων, τὸ γάρ σιδηροῦν ἀγώγιμον οὐκ ἦν πρὸσ τοὺσ ἄλλουσ Ἕλληνασ οὐδ’ εἶχε τιμὴν καταγελώμενον, ὥστε οὐδὲ πρίασθαί τι τῶν ξενικῶν καὶ ῥωπικῶν ὑπῆρχεν, οὐδ’ εἰσέπλει φόρτοσ ἐμπορικὸσ εἰσ τοὺσ λιμένασ, οὐδὲ ἐπέβαινε τῆσ Λακωνικῆσ οὐ σοφιστὴσ λόγων, οὐ μάντισ ἀγυρτικόσ, οὐχ ἑταιρῶν τροφεύσ, οὐ χρυσῶν τίσ, οὐκ ἀργυρῶν καλλωπισμάτων δημιουργόσ, ἅτε δὴ νομίσματοσ οὐκ ὄντοσ. ἀλλὰ οὕτωσ ἀπερημωθεῖσα κατὰ μικρὸν ἡ τρυφὴ τῶν ζωπυρούντων καὶ τρεφόντων αὐτὴ δι’ αὑτῆσ ἐμαραίνετο·

καὶ πλεῖον οὐδὲν ἦν τοῖσ πολλὰ κεκτημένοισ, ὁδὸν οὐκ ἐχούσησ εἰσ μέσον τῆσ εὐπορίασ, ἀλλ’ ἐγκατῳκοδομημένησ καὶ ἀργούσησ. διὸ καὶ τὰ πρόχειρα τῶν σκευῶν καὶ ἀναγκαῖα ταῦτα, κλιντῆρεσ καὶ δίφροι καὶ τράπεζαι, βέλτιστα παρ’ αὐτοῖσ ἐδημιουργεῖτο, καὶ κώθων ὁ Λακωνικὸσ εὐδοκίμει μάλιστα πρὸσ τὰσ στρατείασ, ὥσ φησι Κριτίασ, τὰ γὰρ ἀναγκαίωσ πινόμενα τῶν ὑδάτων καὶ δυσωποῦντα τὴν ὄψιν ἀπεκρύπτετο τῇ χρόᾳ, καὶ τοῦ θολεροῦ προσκόπτοντοσ ἐντὸσ καὶ προσισχομένου τοῖσ ἄμβωσι, καθαρώτερον ἐπλησίαζε τῷ στόματι τὸ πινόμενον. αἴτιοσ δὲ καὶ τούτων ὁ νομοθέτησ·

ἀπηλλαγμένοι γὰρ οἱ δημιουργοὶ τῶν ἀχρήστων ἐν τοῖσ ἀναγκαίοισ ἐπεδείκνυντο τὴν καλλιτεχνίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 9

(플루타르코스, Lycurgus, chapter 9)

상위

목록

SEARCH

MENU NAVIGATION