헬라어 문장 검색 - Πλυταρ́Λψξυργύ08́

(플루타르코스, Lycurgus, chapter 8)

δεύτερον δὲ τῶν Λυκούργου πολιτευμάτων καὶ νεανικώτατον ὁ τῆσ γῆσ ἀναδασμόσ ἐστι. συνέπεισε τὴν χώραν ἅπασαν εἰσ μέσον θέντασ ἐξ ἀρχῆσ ἀναδάσασθαι, καὶ ζῆν μετ’ ἀλλήλων ἅπαντασ ὁμαλεῖσ καὶ ἰσοκλήρουσ τοῖσ βίοισ γενομένουσ, τὸ δὲ πρωτεῖον ἀρετῇ μετιόντασ, ὡσ ἄλλησ ἑτέρῳ πρὸσ ἕτερον οὐκ οὔσησ διαφορᾶσ οὐδὲ ἀνισότητοσ, πλὴν ὅσην αἰσχρῶν ψόγοσ ὁρίζει καὶ καλῶν ἔπαινοσ.

ἐπάγων δὲ τῷ λόγῳ τὸ ἔργον ἔνειμε τὴν μὲν ἄλλην τοῖσ περιοίκοισ Λακωνικὴν τρισμυρίουσ κλήρουσ, τὴν δὲ εἰσ τὸ ἄστυ τὴν Σπάρτην συντελοῦσαν ἐνακισχιλίουσ·

τοσοῦτοι γάρ ἐγένοντο κλῆροι Σπαρτιατῶν ἔνιοι δέ φασι τὸν μὲν Λυκοῦργον ἑξακισχιλίουσ νεῖμαι, τρισχιλίουσ δὲ μετὰ ταῦτα προσθεῖναι Πολύδωρον οἱ δὲ τοὺσ μὲν ἡμίσεισ τῶν ἐνακισχιλίων τοῦτον, τοὺσ δὲ ἡμίσεισ Λυκοῦργον. ὁ δὲ κλῆροσ ἦν ἑκάστου τοσοῦτοσ ὥστε ἀποφορὰν φέρειν ἀνδρὶ μὲν ἑβδομήκοντα κριθῶν μεδίμνουσ, γυναικὶ δὲ δώδεκα, καὶ τῶν ὑγρῶν καρπῶν ἀναλόγωσ τὸ πλῆθοσ.

ἀρκέσειν γὰρ ᾤετο τοσοῦτον αὐτοῖσ, τῆσ τροφῆσ πρὸσ εὐεξίαν καὶ ὑγείαν ἱκανῆσ, ἄλλου δὲ μηδενὸσ δεησομένοισ. λέγεται δ̓ αὐτὸν ὕστερόν ποτε χρόνῳ τὴν χώραν διερχόμενον ἐξ ἀποδημίασ ἄρτι τεθερισμένην, ὁρῶντα τοὺσ σωροὺσ παραλλήλουσ καὶ ὁμαλεῖσ, μειδιᾶσαι, καὶ εἰπεῖν πρὸσ τοὺσ παρόντασ ὡσ ἡ Λακωνικὴ φαίνεται πᾶσα πολλῶν ἀδελφῶν εἶναι νεωστὶ νενεμημένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 8

(플루타르코스, Lycurgus, chapter 8)

상위

목록

SEARCH

MENU NAVIGATION