헬라어 문장 검색 - Πλυταρ́Ξιμον́08́

(플루타르코스, Κίμων, chapter 8)

ταῦτα καίπερ οὐδαμοῦ τὸ Κίμωνοσ ὄνομα δηλοῦντα τιμῆσ ὑπερβολὴν ἔχειν ἐδόκει τοῖσ τότε ἀνθρώποισ. οὔτε γὰρ Θεμιστοκλῆσ τοιούτου τινὸσ οὔτε Μιλτιάδησ ἔτυχεν, ἀλλὰ τούτῳ γε θαλλοῦ στέφανον αἰτοῦντι Σωφάνησ ὁ Δεκελεὺσ ἐκ μέσου τῆσ ἐκκλησίασ ἀναστὰσ ἀντεῖπεν, οὐκ εὐγνώμονα μέν, ἀρέσασαν δὲ τῷ δήμῳ τότε φωνὴν ἀφείσ· "μόνοσ ἀγωνισάμενοσ, ὦ Μιλτιάδη, νικήσῃσ τοὺσ βαρβάρουσ, τότε καὶ τιμᾶσθαι μόνοσ ἀξίου. διὰ τί τοίνυν τὸ Κίμωνοσ ὑπερηγάπησαν ἔργον;

ἢ ὅτι τῶν μὲν ἄλλων στρατηγούντων ὑπὲρ τοῦ μὴ παθεῖν ἠμύνοντο τοὺσ πολεμίουσ, τούτου δὲ καὶ ποιῆσαι κακῶσ ἠδυνήθησαν ἐπὶ τὴν ἐκείνων αὐτοὶ στρατεύσαντεσ, καὶ προσεκτήσαντο χώρασ αὐτήν τε τὴν Ηἰ̈όνα καὶ τὴν Ἀμφίπολιν οἰκίσαντεσ; ὠίκισαν δὲ καὶ Σκῦρον ἑλόντοσ Κίμωνοσ ἐξ αἰτίασ τοιαύτησ.

Δόλοπεσ ᾤκουν τὴν νῆσον, ἐργάται κακοὶ γῆσ· ληϊζόμενοι δὲ τὴν θάλασσαν ἐκ παλαιοῦ, τελευτῶντεσ οὐδὲ τῶν εἰσπλεόντων παρ’ αὐτοὺσ καὶ χρωμένων ἀπείχοντο ξένων, ἀλλὰ Θετταλούσ τινασ ἐμπόρουσ περὶ τὸ Κτήσιον ὁρμισαμένουσ συλήσαντεσ εἱρ͂ξαν. ἐπεὶ δὲ διαδράντεσ ἐκ τῶν δεσμῶν οἱ ἄνθρωποι δίκην κατεδικάσαντο τῆσ πόλεωσ Ἀμφικτυονικήν, οὐ βουλομένων τὰ χρήματα τῶν πολλῶν συνεκτίνειν, ἀλλὰ τοὺσ ἔχοντασ καὶ διηρπακότασ ἀποδοῦναι κελευόντων, δείσαντεσ ἐκεῖνοι πέμπουσι γράμματα πρὸσ Κίμωνα, κελεύοντεσ ἥκειν μετὰ τῶν νεῶν ληψόμενον τὴν πόλιν ὑπ’ αὐτῶν ἐνδιδομένην.

παραλαβὼν δ’ οὕτω τὴν νῆσον ὁ Κίμων τοὺσ μὲν Δόλοπασ ἐξήλασε καὶ τὸν Αἰγαῖον ἠλευθέρωσε, πυνθανόμενοσ δὲ τὸν παλαιὸν Θησέα τὸν Αἰγέωσ φυγόντα μὲν ἐξ Ἀθηνῶν εἰσ Σκῦρον, αὐτοῦ δ’ ἀποθανόντα δόλῳ διὰ φόβον ὑπὸ Λυκομήδουσ τοῦ βασιλέωσ, ἐσπούδασε τὸν τάφον ἀνευρεῖν.

καὶ γὰρ ἦν χρησμὸσ Ἀθηναίοισ τὰ Θησέωσ λείψανα κελεύων ἀνακομίζειν εἰσ ἄστυ καὶ τιμᾶν ὡσ ἡρ́ωα πρεπόντωσ, ἀλλ’ ἠγνόουν ὅπου κεῖται, Σκυρίων οὐχ ὁμολογούντων οὐδ’ ἐώντων ἀναζητεῖν. τότε δὴ πολλῇ φιλοτιμίᾳ τοῦ σηκοῦ μόγισ ἐξευρεθέντοσ, ἐνθέμενοσ ὁ Κίμων εἰσ τὴν αὑτοῦ τριήρη τὰ ὀστᾶ καὶ τἆλλα κοσμήσασ μεγαλοπρεπῶσ κατήγαγεν εἰσ τὴν αὐτοῦ δι’ ἐτῶν σχεδὸν τετρακοσίων. ἐφ’ ᾧ καὶ μάλιστα πρὸσ αὐτὸν ἡδέωσ ὁ δῆμοσ ἔσχεν.

ἔθεντο δ’ εἰσ μνήμην αὐτοῦ καὶ τὴν τῶν τραγῳδῶν κρίσιν ὀνομαστὴν γενομένην.

πρώτην γὰρ διδασκαλίαν τοῦ Σοφοκλέουσ ἔτι νέου καθέντοσ, Ἀψεφίων ὁ ἄρχων, φιλονεικίασ οὔσησ καὶ παρατάξεωσ τῶν θεατῶν, κριτὰσ μὲν οὐκ ἐκλήρωσε τοῦ ἀγῶνοσ, ὡσ δὲ Κίμων μετὰ τῶν συστρατήγων προελθὼν εἰσ τὸ θέατρον ἐποιήσατο τῷ θεῷ τὰσ νενομισμένασ σπονδάσ, οὐκ ἀφῆκεν αὐτοὺσ ἀπελθεῖν, ἀλλ’ ὁρκώσασ ἠνάγκασε καθίσαι καὶ κρῖναι δέκα ὄντασ, ἀπὸ φυλῆσ μιᾶσ ἕκαστον. ὁ μὲν οὖν ἀγὼν καὶ διὰ τὸ τῶν κριτῶν ἀξίωμα τὴν φιλοτιμίαν ὑπερέβαλε.

νικήσαντοσ δὲ τοῦ Σοφοκλέουσ λέγεται τὸν Αἰσχύλον περιπαθῆ γενόμενον καὶ βαρέωσ ἐνεγκόντα χρόνον οὐ πολὺν Ἀθήνησι διαγαγεῖν, εἶτ’ οἴχεσθαι δι’ ὀργὴν εἰσ Σικελίαν, ὅπου καὶ τελευτήσασ περὶ Γέλαν τέθαπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 8

(플루타르코스, Κίμων, chapter 8)

상위

목록

SEARCH

MENU NAVIGATION