헬라어 문장 검색 - Ηιπποξ́Οευϝρεσ́09́03́0́

(히포크라테스, Oeuvres Completes D'Hippocrate., PROGNWSTIKON, 3.)

Κεκλιμένον δὲ χρὴ καταλαμβάνεσθαι τὸν νοσέοντα ὑπὸ τοῦ ἰητροῦ ἐπὶ τὸ πλευρὸν τὸ δεξιὸν, ἢ τὸ ἀριστερὸν, καὶ τὰσ χεῖρασ καὶ τὸν τράχηλον καὶ τὰ σκέλεα ὀλίγον ἐπικεκαμμένα ἔχοντα, καὶ τὸ ξύμπαν σῶμα ὑγρὸν κείμενον‧ οὕτω γὰρ καὶ οἱ πλεῖστοι τῶν ὁγιαινόντων κατακλίνονται‧ ἄρισται δέ εἰσι τῶν κατακλίσιων αἱ ὅμοιαι τῇσι τῶν ὑγιαινόντων. Ὕπτιον δὲ κέεσθαι καὶ τὰσ χεῖρασ καὶ τὸν τράχηλον καὶ τὰ σκέλεα ἐκτεταμένα ἔχοντα, ἧσσον ἀγαθόν. Εἰ δὲ καὶ προπετὴσ γένοιτο, καὶ καταῤῬέοι ἐπὶ τῆσ κλίνησ ἐπὶ τοὺσ πόδασ, δεινότερόν ἐστιν. Εἰ δὲ καὶ γυμνοὺσ τοὺσ πόδασ εὑρίσκοιτο ἔχων, μὴ θερμοὺσ κάρτα ἐόντασ, καὶ τὰσ χεῖρασ, καὶ τὸν τράχηλον, και τὰ σκέλεα ἀνωμάλωσ διεῤῬιμμένα καὶ γυμνὰ, κακόν‧ ἀλυσμὸν γὰρ σημαίνει. Θανατῶδεσ δὲ καὶ τὸ κεχηνότα καθεύδειν αἰεὶ, καὶ τὰ σκέλεα ὑπτίου κειμένου ξυγκεκαμμένα εἶναι ἰσχυρῶσ, καὶ διαπεπλεγμένα. Ἐπὶ γαστέρα δὲ κέεσθαι ᾧ μὴ ξύνηθέσ ἐστι καὶ ὑγιαίνοντι οὕτω κοιμᾶσθαι, παραφροσύνην τινὰ σημαίνει, ἢ ὀδύνην τῶν ἀμφὶ τὴν κοιλίην τόπων. Ἀνακαθίζειν δὲ βούλεσθαι τὸν νοσέοντα, τῆσ νούσου ἀκμαζούσησ, πονηρὸν μὲν ἐν πᾶσι τοῖσιν ὀξέσι νουσήμασι, κάκιστον δὲ ἐν τοῖσι περιπλευμονικοῖσιν. Ὀδόντασ δὲ πρίειν ἐν πυρετοῖσιν, ὁκόσοισι μὴ ξύνηθέσ ἐστιν ἀπὸ παίδων, μανικὸν καὶ θανατῶδεσ, ἀλλὰ προλέγειν ἀπ’ ἀμφοῖν κίνδυνον ἐσόμενον‧ ἢν δὲ καὶ παραφρονέων το πο, ὀλέθριον γίγνεται καρτα ἤδη. Ἔλκοσ δὲ ἤν τε καὶ προγεγονὸσ τύχῃ ἔχων, ἤν τε καὶ ἐν τῇ νούσῳ γένηται, καταμανθάνειν δεῖ‧ ἢν γὰρ μέλλῃ ἀπόλλυσθαι ὁ ἄνθρωποσ, πρὸ το θανάτου πελιδνόν τε καὶ ξηρὸν ἔσται, ἢ ὠχρόν τε καὶ ξηρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 3.

(히포크라테스, Oeuvres Completes D'Hippocrate., PROGNWSTIKON, 3.)

상위

목록

SEARCH

MENU NAVIGATION