Flavius Josephus, Antiquitates Judaicae, Book 5 12:

ὡσ δ’ ἔγνω τὴν ἔφοδον αὐτῶν ἡ Ῥαάβη, λίνου γὰρ ἀγκαλίδασ ἐπὶ τοῦ τείχουσ ἔψυχε, τοὺσ μὲν κατασκόπουσ εἰσ ταύτασ ἀποκρύπτει, τοῖσ δὲ πεμφθεῖσιν ὑπὸ τοῦ βασιλέωσ ἔλεγεν, ὡσ ξένοι τινὲσ εἰε͂ν ἀγνῶτεσ ὀλίγῳ πρότερον ἢ δῦναι τὸν ἥλιον παρ’ αὐτῇ δειπνήσαντεσ ἀπαλλαγεῖεν, οὓσ εἰ φοβεροὶ τῇ πόλει δοκοῦσιν, ἢ κίνδυνον τῷ βασιλεῖ φέροντεσ ἧκον, ἀπόνωσ εἶναι λαβεῖν διωχθέντασ.