헬라어 문장 검색 - Διονψσ́ΔεΤηυξψ́20́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 20)

Θουκυδίδησ Ἀθηναῖοσ συνέγραψε τὸν πόλεμον τῶν Πελοποννησίων καὶ Ἀθηναίων, ὡσ ἐπολέμησαν πρὸσ ἀλλήλουσ, ἀρξάμενοσ εὐθὺσ καθισταμένου καὶ ἐλπίσασ μέγαν τε ἔσεσθαι καὶ ἀξιολογώτατον τῶν προγεγενμένων· τεκμαιρόμενοσ, ὅτι ἀκμάζοντέσ τε ἦσαν ἐσ αὐτὸν ἀμφότεροι παρασκευῇ τῇ πάσῃ, καὶ τὸ ἄλλο Ἑλληνικὸν ὁρῶν ξυνιστάμενον πρὸσ ἑκατέρουσ, τὸ μὲν εὐθύσ, τὸ δὲ καὶ διανοούμενον. κίνησισ γὰρ αὕτη δὴ μεγίστη τοῖσ Ἕλλησιν ἐγένετο καὶ μέρει τινὶ τῶν βαρβάρων, ὡσ δ’ εἰπεῖν καὶ ἐπὶ πλεῖστον ἀνθρώπων. τὰ γὰρ πρὸ αὐτῶν καὶ ἔτι παλαιότερα σαφῶσ μὲν εὑρεῖν διὰ χρόνου πλῆθοσ ἀδύνατον ἦν· ἐκ δὲ τεκμηρίων, ὧν ἐπὶ μακρότατον σκοποῦντι πιστεύειν ξυμβαίνει, οὐ μεγάλα νομίζω γενέσθαι οὔτε κατὰ τοὺσ πολέμουσ οὔτε ἐσ τὰ ἄλλα· οὔτε ὡσ ποιηταὶ ὑμνήκασι περὶ αὐτῶν ἐπὶ τὸ μεῖζον κοσμοῦντεσ, μᾶλλον πιστεύων, οὔτε ὡσ λογογράφοι συνέθεσαν ἐπὶ τὸ προσαγωγότερον τῇ ἀκροάσει ἢ ἀληθέστερον, ὄντα ἀνεξέλεγκτα καὶ τὰ πολλὰ ὑπὸ χρόνου αὐτῶν ἀπίστωσ ἐπὶ τὸ μυθῶδεσ ἐκνενικηκότα· εὑρῆσθαι δὲ ἡγησάμενοσ ἐκ τῶν ἐπιφανεστάτων ὡσ παλαιὰ εἶναι ἀποχρώντωσ. καὶ ὁ πόλεμοσ οὗτοσ, καίπερ τῶν ἀνθρώπων, ἐν ᾇ μὲν ἂν πολεμῶσι, τὸν παρόντα ἀεὶ μέγιστον κρινόντων, παυσαμένων δὲ τἀρχαῖα μᾶλλον θαυμαζόντων, ἀπ’ αὐτῶν τῶν ἔργων σκοποῦσι δηλώσει ὅμωσ μείζων γεγενημένοσ αὐτῶν. καὶ ὅσα μὲν λόγῳ εἶπον ἕκαστοι ἢ μέλλοντεσ πολεμήσειν ἤ ἐν αὐτῷ ἤδη ὄντεσ, χαλεπὸν τὴν ἀκρίβειαν αὐτὴν τῶν λεχθέντων διαμνημονεῦσαι ἦν ἐμοί τε ὧν αὐτὸσ ἤκουσα καὶ τοῖσ ἄλλοθέν ποθεν ἐμοὶ ἀπαγγέλλουσιν· ὡσ δ’ ἂν ἐδόκουν μοι ἕκαστοι περὶ τῶν ἀεὶ παρόντων τὰ δέοντα μάλιστα εἰπεῖν, ἐχομένῳ ὅ τι ἐγγύτατα τῆσ ξυμπάσησ γνώμησ τῶν ἀληθῶσ λεχθέντων, οὕτωσ εἴρηται.

τὰ δὲ ἔργα τῶν πραχθέντων ἐν τῷ πολέμῳ οὐκ ἐκ τοῦ παρατυχόντοσ ἠξίωσα γράφειν οὐδ’ ὡσ ἐμοὶ δοκεῖ, ἀλλ’ οἷσ τε αὐτὸσ παρῆ καὶ παρὰ τῶν ἄλλων ὅσον δυνατὸν ἀκριβείᾳ περὶ ἑκάστου ἐπεξελθών. ἐπιπόνωσ δὲ εὑρίσκετο, διότι οἱ παρόντεσ τοῖσ ἔργοισ οὐ τὰ αὐτὰ περὶ τῶν αὐτῶν ἔλεγον, ἀλλ’ ὡσ ἑκατέρων τισ εὐνοίασ ἢ μνήμησ ἔχοι. καὶ ἐσ μὲν ἀκρόασιν ἴσωσ τὸ μὴ μυθῶδεσ αὐτῶν ἀτερπέστερον φανεῖται· ὅσοι δὲ βουλήσονται τῶν γεγονότων τὸ σαφὲσ σκοπεῖν καὶ τῶν μελλόντων ποτὲ αὖθισ κατὰ τὸ ἀνθρώπινον τοιούτων καὶ παραπλησίων ἔσεσθαι, ὠφέλιμα κρίνειν αὐτά, ἀρκούντωσ ἕξει· κτῆμά τε ἐσ ἀεὶ μᾶλλον ἢ ἀγώνισμα εἰσ τὸ παραχρῆμα ἀκούειν ξύγκειται.

τῶν δὲ πρότερον ἔργων μέγιστον ἐπράχθη τὸ Μηδικόν· καὶ τοῦτο ὅμωσ δυεῖν ναυμαχίαιν καὶ πεζομαχίαιν τὴν κρίσιν ἔσχεν· τούτου δὲ τοῦ πολέμου μῆκόσ τε μέγα προὔβη παθήματά τε ξυνηνέχθη γενέσθαι ἐν αὐτῷ τῇ Ἑλλάδι οἱᾶ οὐχ ἕτερα ἐν ἴσῳ χρόνῳ. οὔτε γὰρ πόλεισ τοσαίδε ληφθεῖσαι ἠρημώθησαν αἳ μὲν ὑπὸ βαρβάρων, αἳ δ’ ὑπὸ σφῶν αὐτῶν ἀντιπολεμούντων, εἰσὶ δὲ αἳ καὶ οἰκήτορασ μετέβαλον ἁλισκόμεναι· οὔτε φυγαὶ τοσαίδε ἀνθρώπων καὶ φόνοσ ὃ μὲν κατ’ αὐτὸν τὸν πόλεμον, ὃ δὲ διὰ τὸ στασιάζειν. τά τε πρότερον ἀκοῇ μὲν λεγόμενα, ἔργῳ δὲ σπανιώτερον βεβαιούμενα οὐκ ἄπιστα κατέστη σεισμῶν τε πέρι, οἳ ἐπὶ πλεῖστον ἅμα μέροσ γῆσ καὶ ἰσχυρότατοι οἱ αὐτοὶ ἐπέσχον, ἡλίου τε ἐκλείψεισ, αἳ πυκνότεραι παρὰ τὰσ ἐκ τοῦ πρὶν χρόνου μνημονευομένασ ξυνέβησαν, αὐχμοί τε ἔστι παρ οἷσ μεγάλοι, καὶ ἀπ’ αὐτῶν καὶ λιμοί· καὶ ἡ οὐχ ἥκιστα βλάψασα καὶ μέροσ τι φθείρασα, ἡ λοιμώδησ νόσοσ·

ταῦτα γὰρ πάντα μετὰ τοῦδε τοῦ πολέμου ἅμα ξυνεπέθετο. ἤρξαντο δὲ αὐτοῦ Ἀθηναῖοι καὶ Πελοποννήσιοι λύσαντεσ τὰσ τριακοντούτεισ σπονδάσ, αἳ αὐτοῖσ ἐγένοντο μετ’ Εὐβοίασ ἅλωσιν. διότι δὲ ἔλυσαν, τὰσ αἰτίασ προέγραψα πρῶτον καὶ τὰσ διαφορὰσ τοῦ μή τινα ζητῆσαί ποτε, ἐξ ὅτου τοσοῦτοσ πόλεμοσ τοῖσ Ἕλλησι κατέστη. τὰ μὲν δὴ περὶ τὸ πραγματικὸν μέροσ ἁμαρτήματά τε καὶ κατορθώματα τοῦ συγγραφέωσ ταῦτά ἐστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 20

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 20)

상위

목록

SEARCH

MENU NAVIGATION