헬라어 문장 검색 - Διονψσ́ΔεΤηυξψ́28́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 28)

ἐγὼ γοῦν οὐκ ἔχω, πῶσ ἐκεῖνα ἐπαινέσω τὰ δοκοῦντα μεγάλα καὶ θαυμαστὰ εἶναί τισιν, ὅσα μηδὲ τὰσ πρώτασ ἀρετὰσ ἔχει καὶ κοινοτάτασ, ἀλλ’ ἐκνενίκηται τῷ περιέργῳ καὶ περιττῷ μήτε ἡδέα εἶναι μήτε ὠφέλιμα· ὧν ὀλίγα παρέξομαι δείγματα παρατιθεὶσ εὐθὺσ ἑκάστοισ τὰσ αἰτίασ, δι’ ἃσ περιέστηκεν εἰσ τὰσ ἐναντίασ ταῖσ ἀρεταῖσ κακίασ. ἐν μὲν οὖν τῇ τρίτῃ βύβλῳ τὰ περὶ Κέρκυραν ὠμὰ καὶ ἀνόσια ἔργα διὰ τὴν στάσιν εἰσ τοὺσ δυνατωτάτουσ ἐκ τοῦ δήμου γενόμενα διεξιών, ἑώσ μὲν ἐν τῷ κοινῷ καὶ συνήθει τῆσ διαλέκτου τρόπῳ τὰ πραχθέντα δηλοῖ, σαφῶσ τε καὶ συντόμωσ καὶ δυνατῶσ ἅπαντα εἴρηκεν· ἀρξάμενοσ δὲ ἐπιτραγῳδεῖν τὰσ κοινὰσ τῶν Ἑλλήνων συμφορὰσ καὶ τὴν διάνοιαν ἐξαλλάττειν ἐκ τῶν ἐν ἔθει μακρῷ τινι γίγνεται χείρων αὐτὸσ ἑαυτοῦ. ἔστι δὲ τὰ μὲν πρῶτα, ὧν οὐδεὶσ ἂν ὡσ ἡμαρτημένων ἐπιλάβοιτο, ταῦτα· Κερκυραῖοι δὲ αἰσθόμενοι τάσ τε Ἀττικὰσ ναῦσ προσπλεούσασ τάσ τε τῶν πολεμίων οἰχομένασ, λαβόντεσ τοὺσ Μεσσηνίουσ εἰσ τὴν πόλιν ἤγαγον πρότερον ἔξω ὄντασ, καὶ τὰσ ναῦσ περιπλεῦσαι κελεύσαντεσ, ἃσ ἐπλήρωσαν, ἐσ τὸν Ὑλαϊκὸν λιμένα, ἐν ὅσῳ περιεκομίζοντο, τῶν ἐχθρῶν εἴ τινα λάβοιεν ἀπέκτεινον, καὶ ἐκ τῶν νεῶν ὅσουσ ἔπεισαν εἰσβῆναι ἐκβιβάζοντεσ ἀνεχρῶντο· εἰσ τὸ Ἥραιόν τε ἐλθόντεσ, τῶν ἱκετῶν ὡσ πεντήκοντα ἄνδρασ δίκην ὑποσχεῖν ἔπεισαν καὶ κατέγνωσαν ἁπάντων θάνατον·

οἱ δὲ πολλοὶ τῶν ἱκετῶν, ὅσοι οὐκ ἐπείσθησαν, ὡσ ἑώρων τὰ γιγνόμενα, διέφθειρον ἐν τῷ ἱερῷ ἀλλήλουσ, καὶ ἐκ τῶν δένδρων τινὲσ ἀπήγχοντο, οἳ δ’ ὡσ ἕκαστοι ἐδύναντο ἀνηλοῦντο. ἡμέρασ τε ἑπτά, ἃσ ἀφικόμενοσ ὁ Εὐρυμέδων ταῖσ ἑξήκοντα ναυσὶ παρέμεινε, Κερκυραῖοι σφῶν αὐτῶν τοὺσ ἐχθροὺσ δοκοῦντασ εἶναι ἐφόνευον, τὴν μὲν αἰτίαν ἐπιφέροντεσ τοῖσ τὸν δῆμον καταλύουσιν· ἀπέθανον δέ τινεσ καὶ ἰδίασ ἔχθρασ ἕνεκα, καὶ ἄλλοι χρημάτων σφίσιν ὀφειλομένων ὑπὸ τῶν λαβόντων. πᾶσά τε ἰδέα κατέστη θανάτου, καὶ οἱο͂ν φιλεῖ ἐν τῷ τοιούτῳ γίγνεσθαι, οὐδὲν ὅ τι οὐ ξυνέβη, καὶ ἔτι περαιτέρω·

καὶ γὰρ πατὴρ παῖδα ἀπέκτεινε, καὶ ἀπὸ τῶν ἱερῶν ἀπεσπῶντο καὶ πρὸσ αὐτοῖσ ἐκτείνοντο, οἳ δέ τινεσ καὶ περιοικοδομηθέντεσ ἐν τοῦ Διονύσου τῷ ἱερῷ ἀπέθανον οὕτωσ ὠμὴ στάσισ προὐχώρησε, καὶ ἔδοξε μᾶλλον, διότι ἐν τοῖσ πρώτη ἐγένετο· ἐπεὶ ὕστερόν γε καὶ πᾶν ὡσ εἰπεῖν τὸ Ἑλληνικὸν ἐκινήθη, διαφορῶν οὐσῶν ἑκασταχοῦ τοῖσ τε τῶν δήμων προστάταισ τοὺσ Ἀθηναίουσ ἐπάγεσθαι καὶ τοῖσ ὀλίγοισ τοὺσ Λακεδαιμονίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 28

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 28)

상위

목록

SEARCH

MENU NAVIGATION