헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 13, chapter 9)

ἐπεὶ δὲ τὰ ὁρ́κια ἐπετέλεσαν καὶ τὸ χρυσίον οἱ Ῥωμαῖοι κατήνεγκαν, σταθμὸσ μὲν ἦν, ὃν ἔδει τοὺσ Κελτοὺσ λαβεῖν, ε καὶ κ τάλαντα· τεθέντοσ δὲ τοῦ ζυγοῦ πρῶτον μὲν αὐτὸ τὸ τάλαντον ὁ Κελτὸσ βαρύτερον τοῦ δικαίου παρῆν φέρων, ἔπειτα ἀγανακτούντων πρὸσ τοῦτο τῶν Ῥωμαίων τοσούτου ἐδέησε μετριάσαι περὶ τὸ δίκαιον, ὥστε καὶ τὴν μάχαιραν ἅμα τῇ θήκῃ καὶ τῷ ζωστῆρι περιελόμενοσ ἐπέθηκε τοῖσ σταθμοῖσ. τῷ δὲ ταμίᾳ πυνθανομένῳ, τί θέλει τοῦτ’ εἶναι τὸ ἔργον, ἀπεκρίνατο τούτοισ τοῖσ ὀνόμασιν·

ὀδύνη τοῖσ κεκρατημένοισ. ἐπεὶ δὲ ὁ συγκείμενοσ σταθμὸσ οὐκ ἐξεπληροῦτο διὰ τὴν τοῦ Κελτοῦ πλεονεξίαν, ἀλλὰ καὶ τὸ τρίτον ἐνέδει μέροσ, ἀπῄεσαν οἱ Ῥωμαῖοι χρόνον εἰσ συμπορισμὸν τοῦ λείποντοσ αἰτησάμενοι· ὑπέμειναν δὲ ταύτην τὴν ὑπερηφανίαν τῶν βαρβάρων οὐθὲν ἐγνωκότεσ τῶν ἐπὶ τοῦ στρατοπέδου πραττομένων παρὰ Καιδικίου καὶ Καμίλλου, ὡσ ἔφαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 13, chapter 9

(디오니시오스, Antiquitates Romanae, Books X-XX, book 13, chapter 9)

상위

목록

SEARCH

MENU NAVIGATION