헬라어 텍스트

Dionysius of Halicarnassus, Antiquitates Romanae, book 3, chapter 60

(디오니시오스, Antiquitates Romanae, book 3, chapter 60)

ἐπαγωγὰ πρὸσ ἐπιείκειαν καὶ μετριότητα καὶ τῆσ συγγενείασ, ἧσ εἶχε πρὸσ τὸ ἔθνοσ, ὑπομιμνησκόντων ἓν τοῦτο μόνον ἔφη παρ’ αὐτῶν βούλεσθαι μαθεῖν, πότερον ἔτι διαφέρονται περὶ τῶν ἴσων καὶ ἐπὶ ῥητοῖσ τισι τὰσ περὶ τῆσ εἰρήνησ ὁμολογίασ πάρεισι ποιησόμενοι, ἢ συγγινώσκουσιν ἑαυτοῖσ κεκρατημένοισ καὶ τὰσ πόλεισ ἐπιτρέπουσιν αὐτῷ. ἀποκριναμένων δ’ αὐτῶν ὅτι καὶ τὰσ πόλεισ ἐπιτρέπουσιν αὐτῷ καὶ τὴν εἰρήνην στέρξουσιν ἐφ’ οἷσ ἄν ποτε δικαίοισ αὐτῆσ τύχωσι, περιχαρὴσ ἐπὶ τούτοισ γενόμενοσ, ἀκούσατε νῦν, ἔφησεν, ἐφ’ οἷσ καταλύσομαι τὸν πόλεμον δικαίοισ καὶ τίνασ ὑμῖν δίδωμι χάριτασ· ἐγὼ Τυρρηνῶν οὔτε ἀποκτεῖναί τινα πρόθυμόσ εἰμι οὔτε φυγάδα ποιῆσαι τῆσ πατρίδοσ οὔτε ἀφαιρέσει τῶν ὑπαρχόντων ζημιῶσαι τάσ τε πόλεισ ὑμῖν ἀφίημι πάσασ ἀφρουρήτουσ καὶ ἀφορολογήτουσ καὶ αὐτονόμουσ πολιτείασ τε κόσμον ἑκάστῃ φυλάττειν συγχωρῶ τὸν ἀρχαῖον.

διδοὺσ δὲ ταῦθ’ ὑμῖν ἓν οἰόμαι δεῖν ἀνθ’ ὧν δίδωμι πάντων ὑπάρξαι μοι παρ’ ὑμῶν, τὴν ἡγεμονίαν τῶν πόλεων, ἧσ κύριοσ μὲν ἔσομαι καὶ μὴ βουλομένων ὑμῶν ἑώσ ἂν κρατῶ τοῖσ ὅπλοισ, παρ’ ἑκόντων δὲ μᾶλλον ἢ παρ’ ἀκόντων τυχεῖν αὐτῆσ βούλομαι.

ταῦτ’ ἀπαγγέλλετε ταῖσ πόλεσιν, ἐγὼ δὲ ὑμῖν ἐκεχειρίαν ἑώσ ἂν ἀφίκησθε παρέξειν ὑπισχνοῦμαι.