헬라어 문장 검색 - Διονψσ́Αντιθυί3́56́

(디오니시오스, Antiquitates Romanae, book 3, chapter 56)

παρ’ ὃν αὐτὸσ ἐστρατοπεδεύκει, ἔπειτα φυλάξασ ἄνεμον οὔριον περὶ τὴν ἑωθινὴν φυλακὴν πῦρ ἐνεῖναι ταῖσ ὕλαισ ἐκέλευσε καὶ μεθεῖναι τὰσ σκάφασ καὶ τὰσ σχεδίασ φέρεσθαι κατὰ ῥοῦν. αἱ δὲ ἐν ὀλίγῳ πάνυ χρόνῳ διελθοῦσαι τὸν μεταξὺ πόρον ἐμπίπτουσι τῇ γεφύρᾳ καὶ ἀνάπτουσιν αὐτὴν πολλαχόθεν. τῶν δὲ Σαβίνων ᾡσ εἶδον ἄφνω πολλὴν φλόγα φερομένην συνδραμόντων ἐπὶ τὴν βοήθειαν καὶ πάντα μηχανωμένων ὅσα σβεστήρια τοῦ πυρὸσ ἦν, ἧκεν ὁ Ταρκύνιοσ περὶ τὸν ὄρθρον ἄγων συντεταγμένην τὴν Ῥωμαίων δύναμιν καὶ προσβαλὼν θατέρῳ χάρακι τῶν μὲν πλείστων ἐκλελοιπότων τὰσ φυλακὰσ διὰ τὴν ἐπὶ τὰ καιόμενα ὁρμήν, ὀλίγων δέ τινων πρὸσ ἀλκὴν τραπομένων, ἐγκρατὴσ αὐτοῦ γίνεται δίχα πόνου.

ἐν ᾧ δὲ ταῦτα ἐπράττετο χρόνῳ καὶ τὸν ἕτερον τῶν Σαβίνων χάρακα τὸν ἐπέκεινα τοῦ ποταμοῦ κείμενον ἑτέρα δύναμισ Ῥωμαίων ἐπελθοῦσα αἱρεῖ, ἣ προαπέσταλτο μὲν ὑπὸ Ταρκυνίου περὶ πρῶτον ὕπνον, διεληλύθει δὲ τὸν ἐκ τῶν δυεῖν ποταμῶν ἕνα γενόμενον ἐν σκάφαισ καὶ σχεδίαισ καθ’ ὃ μέροσ περαιουμένη λήσεσθαι ἔμελλε τοὺσ Σαβίνουσ, πλησίον δὲ τῆσ ἑτέρασ ἐγεγόνει παρεμβολῆσ ἅμα τῷ θεάσασθαι τὴν γέφυραν καιομένην·

τοῦτο γὰρ ἦν αὐτῇ τὸ σύνθημα τῆσ ἐφόδου.

τῶν δ’ ἐν τοῖσ χάραξι καταληφθέντων οἱ μὲν ὑπὸ τῶν Ῥωμαίων μαχόμενοι κατεκόπησαν, οἱ δ’ εἰσ τὴν συμβολὴν τῶν ποταμῶν ῥίψαντεσ ἑαυτοὺσ οὐ δυνηθέντεσ ὑπερενεχθῆναι τὰσ δίνασ κατεπόθησαν·

ἐφθάρη δέ τισ αὐτῶν μοῖρα οὐκ ὀλίγη καὶ κατὰ τὴν βοήθειαν τῆσ γεφύρασ ὑπὸ τοῦ πυρόσ. λαβὼν δὲ ὁ Ταρκύνιοσ ἀμφότερα τὰ στρατόπεδα τὰ μὲν ἐν αὐτοῖσ καταληφθέντα χρήματα τοῖσ στρατιώταισ ἐπέτρεψε διανείμασθαι, τοὺσ δὲ αἰχμαλώτουσ πολλοὺσ πάνυ ὄντασ Σαβίνων τε αὐτῶν καὶ Τυρρηνῶν εἰσ Ῥώμην ἀγαγὼν διὰ πολλῆσ εἶχε φυλακῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 56

(디오니시오스, Antiquitates Romanae, book 3, chapter 56)

상위

목록

SEARCH

MENU NAVIGATION