헬라어 문장 검색 - Διονψσ́Αντιθυί3́72́

(디오니시오스, Antiquitates Romanae, book 3, chapter 72)

βασιλεὺσ δὲ Ταρκύνιοσ ἀναπεπαυμένοσ ἤδη τῶν πολεμικῶν ἔργων διὰ γῆρασ, ἦν γὰρ ὀγδοηκονταέτησ, δολοφονηθεὶσ ὑπὸ τῶν Ἄγκου Μαρκίου παίδων ἀποθνήσκει ἐπιχειρησάντων μὲν ἔτι πρότερον ἐκβαλεῖν αὐτὸν ἐκ τῆσ ἀρχῆσ καὶ πολλάκισ τοῦτο πραγματευσαμένων κατ’ ἐλπίδα τοῦ περιπεσεῖν εἰσ αὐτοὺσ ἐκπεσόντοσ ἐκείνου τὴν δυναστείαν, ὡσ δὴ πατρῴαν σφίσιν ὑπάρχουσαν καὶ ἐκ τοῦ ῥᾴστου πρὸσ τῶν πολιτῶν δοθησομένην. ἐπεὶ δὲ διήμαρτον τῆσ ἐλπίδοσ, ἐπιβουλὴν ἄφυκτον κατ’ αὐτοῦ ἐμηχανήσαντο, ἣν οὐκ εἰάσεν ἀτιμώρητον γενέσθαι τὸ δαιμόνιον.

διηγήσομαι δὲ καὶ τὸν τῆσ ἐπιβουλῆσ τρόπον ἀπὸ τῆσ πρώτησ ἐπιχειρήσεωσ αὐτῶν ἀρξάμενοσ.

ὁ Νέβιοσ ἐκεῖνοσ ὁ δεινὸσ οἰωνομάντισ, ὃν ἔφην ἐναντιωθῆναί ποτε τῷ βασιλεῖ πλείονασ ἐξ ἐλασσόνων ποιῆσαι τὰσ φυλὰσ βουλομένῳ, ὅτε μάλιστα ἤνθει διὰ τὴν τέχνην καὶ πλεῖστον ἠδύνατο Ῥωμαίων ἁπάντων, εἴτε φθονηθεὶσ ὑπὸ τῶν ἀντιτέχνων τινὸσ εἴτ’ ἐπιβουλευθεὶσ ὑπ’ ἐχθρῶν εἴτε ὅ τι δή ποτε ἄλλο παθὼν ἀφανὴσ ἄφνω γίνεται, καὶ οὔτε τὸν μόρον αὐτοῦ τισ ἠδύνατο τῶν προσηκόντων συμβαλεῖν οὔτε τὸ σῶμα ἐξευρεῖν·

πρῶτον μέν, ὅτι πολλὰ καὶ καινὰ περὶ τὴν πολιτείαν διεγνωκὼσ παρανομεῖν τὸν ἐναντιωσόμενον ὥσπερ ἐπὶ τῶν προτέρων ἐκ ποδῶν ἐβούλετο ποιήσασθαι, ἔπειτα ὅτι δεινοῦ πάθουσ γεγονότοσ οὐδεμίαν ἐποιήσατο τῶν δεδρακότων ζήτησιν, ἀλλ’ ἀμελείᾳ παρέδωκε τὸ πραχθέν, ὅπερ οὐκ ἂν ποιῆσαί τινα τῶν ἔξω τῆσ αἰτίασ ὑπαρχόντων.

παρασκευασάμενοι δὲ μεγάλασ ἑταιρείασ περὶ αὑτοὺσ πατρικίων τε καὶ δημοτικῶν, οἷσ τὰσ ἑαυτῶν οὐσίασ κατηγορήγουν, πολλὴν ἐποιοῦντο τοῦ Ταρκυνίου κατηγορίαν καὶ τῷ δήμῳ παρῄνουν μὴ περιορᾶν ἄνδρα μιαρὸν ἱεροῖσ τε προσφέροντα τὰσ χεῖρασ καὶ τὴν ἐξουσίαν μιαίνοντα καὶ ταῦτ’ οὐκ ἐπιχώριον ἀλλ’ ἐπήλυτον ὄντα καὶ ἄπολιν.

τοιαῦτα κατὰ τὴν ἀγορὰν δημηγοροῦντεσ ἄνδρεσ ἰταμοὶ καὶ λέγειν οὐκ ἀδύνατοι πολλοὺσ μὲν ἠρέθισαν τῶν δημοτικῶν, οἳ παραγενόμενον αὐτὸν εἰσ τὴν ἀγορὰν ἀπολογίασ χάριν ἐξελαύνειν ἐπεχείρησαν ὡσ οὐ καθαρόν·

οὐ μὴν καταγωνίσασθαί γε τὴν ἀλήθειαν ἴσχυσαν οὐδὲ πεῖσαι τὸν δῆμον ἐδυνήθησαν ἐκβαλεῖν αὐτὸν ἐκ τῆσ ἀρχῆσ. αὐτόσ τε ἀπολογηθεὶσ κράτιστα περὶ αὑτοῦ τὴν διαβολὴν ἀπελύσατο καὶ ὁ κηδεστὴσ αὐτοῦ Τύλλιοσ, ᾧ τὴν ἑτέραν δεδωκὼσ ἦν θυγατέρα, μέγιστον ἐν τῷ δήμῳ δυνάμενοσ εἰσ ἔλεον τοὺσ Ῥωμαίουσ ὑπηγάγετο, συκοφάνται καὶ πονηροὶ δόξαντεσ εἶναι καὶ πολλὴν ὀφλόντεσ αἰσχύνην ἀπῆλθον ἐκ τῆσ ἀγορᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 72

(디오니시오스, Antiquitates Romanae, book 3, chapter 72)

상위

목록

SEARCH

MENU NAVIGATION