헬라어 문장 검색 - Διονψσ́Αντιθυί3́19́

(디오니시오스, Antiquitates Romanae, book 3, chapter 19)

τέωσ μὲν οὖν ἡσυχία τε καὶ σιγὴ κατεῖχεν ἀμφοτέρασ τὰσ δυνάμεισ· ἔπειτα ἀναβοήσεισ τε ἀθρόαι παρ’ ἀμφοτέρων αὐτῶν ἐγίνοντο καὶ παρακελεύσεισ τοῖσ μαχομένοισ ἐναλλὰξ εὐχαί τε καὶ οἰμωγαὶ καὶ παντὸσ ἄλλου πάθουσ ἐναγωνίου φωναὶ συνεχεῖσ, αἱ μὲν πρὸσ τὰ δρώμενά τε καὶ ὁρώμενα ὑφ’ ἑκατέρων, αἱ δὲ πρὸσ τὰ μέλλοντά τε καὶ ὑποπτευόμενα· καὶ ἦν πλείω τὰ εἰκαζόμενα τῶν γινομένων.

ἥ τε γὰρ ὄψισ ἐκ πολλοῦ διαστήματοσ γινομένη πολὺ τὸ ἀσαφὲσ εἶχε, καὶ τὸ πρὸσ τοὺσ οἰκείουσ ἀγωνιστὰσ ἑκάστοισ συμπαθὲσ ἐπὶ το βεβουλημένον ἐλάμβανε τὰ πρασσόμενα, αἵ τε συνεχεῖσ τῶν μαχομένων ἐπεμβάσεισ καὶ ὑπαναχωρήσεισ καὶ εἰσ τὸ ἀντίπαλον αὖθισ ἀντιμεταστάσεισ πολλαὶ καὶ ἀγχίστροφοι γινόμεναι τὸ ἀκριβὲσ τῆσ γνώμησ ἀφῃροῦντο· καὶ ταῦτα ἐπὶ πολὺν ἐγίνετο χρόνον.

ῥώμην τε γὰρ σώματοσ ἔτυχον ὁμοίαν ἔχοντεσ ἑκάτεροι καὶ τὸ γενναῖον τῆσ ψυχῆσ ἰσόρροπον ὅπλοισ τε καλλίστοισ ἐσκεπασμένοι τὰ σώματα ὅλα καὶ γυμνὸν οὐδὲν ἀπολιπόντεσ μέροσ ὅ τι καὶ τρωθὲν ὀξεῖαν ἔμελλεν οἴσειν τὴν τελευτήν, ὥστε πολλοὶ Ῥωμαίων τε καὶ Ἀλβανῶν ἐκ τοῦ φιλονεικεῖν τε καὶ συμπαθεῖν τοῖσ σφετέροισ ἔλαθον αὑτοὺσ τὸ τῶν κινδυνευόντων μεταλαβόντεσ πάθοσ ἀγωνισταί τε μᾶλλον ἐβούλοντο ἢ θεαταὶ τῶν, δρωμένων γεγονέναι.

ὀψὲ δ’ οὖν ποτε ὁ πρεσβύτατοσ τῶν Ἀλβανῶν τῷ πρὸσ αὐτὸν ἀντιτεταγμένῳ συμπλέκεται παίων τε καὶ παιόμενοσ ἄλλασ ἐπ’ ἄλλαισ πληγὰσ καί πωσ τυγχάνει τοῦ Ῥωμαίου διὰ βουβῶνοσ ἐνέγκασ τὸ ξίφοσ.

ὁ δὲ τοῖσ τε ἄλλοισ τραύμασι κεκαρωμένοσ ἤδη καὶ τὴν τελευταίαν πληγὴν θανατηφόρον ἔχων ὑπολυθέντων τῶν μελῶν καταρρυεὶσ ἀποθνήσκει.

ὡσ δὲ τοῦτ’ εἶδον οἱ θεαταὶ τῆσ μάχησ ἅμα πάντεσ ἀνεβόησαν, Ἀλβανοὶ μὲν ὡσ νικῶντεσ ἤδη, Ῥωμαῖοι δ’ ὡσ κρατούμενοι.

τοὺσ γὰρ δὴ σφετέρουσ δύο τοῖσ τρισὶν Ἀλβανοῖσ εὐκατεργάστουσ ὑπελάμβανον γενήσεσθαι. ἐν ᾧ δ’ ἐγίνετο ταῦτα, ὁ παρασπίζων τῷ πεσόντι Ῥωμαῖοσ ὁρῶν ἐπὶ τῷ κατορθώματι περιχαρῆ τὸν Ἀλβανὸν ὠθεῖται ταχὺσ ἐπ’ αὐτὸν καὶ πολλὰ μὲν τραύματα δούσ, πολλὰ δὲ αὐτὸσ λαβὼν τυγχάνει πωσ κατὰ τῆσ σφαγῆσ αὐτοῦ βάψασ τὸ ξίφοσ καὶ διαχρησάμενοσ. μεταβαλούσησ δὲ τῆσ τύχησ ἐν ὀλίγῳ τά τε τῶν ἀγωνιζομένων ἔργα καὶ τὰ τῶν θεωμένων πάθη, καὶ Ῥωμαίων μὲν ἀναθαρρησάντων ἐκ τῆσ πρότερον κατηφείασ, Ἀλβανῶν δὲ ἀφῃρημένων τὸ χαῖρον, ἑτέρα πάλιν ἀντιπνεύσασα τοῖσ τῶν Ῥωμαίων κατορθώμασι τύχη τούτων μὲν ἐταπείνωσε τὰσ ἐλπίδασ, τὰ δὲ τῶν πολεμίων φρονήματα ἐπῆρεν.

πλησίον αὐτοῦ ἔχων στάσιν ἀδελφὸσ συμπλέκεται τῷ καταβαλόντι, καὶ τυγχάνουσιν ἀμφότεροι κατὰ τὸν αὐτὸν χρόνον πληγὰσ ἐξαισίουσ ἐξενέγκαντεσ κατ’ ἀλλήλων, ὁ μὲν Ἀλβανὸσ τοῦ Ῥωμαίου κατὰ τοῦ μεταφρένου καὶ μέχρι τῶν σπλάγχνων βάψασ τὸ ξίφοσ, ὁ δὲ Ῥωμαῖοσ ὑπελθὼν τὴν προβολὴν τοῦ πολεμίου καὶ τῶν ἰγνυῶν τὴν ἑτέραν ὑποτεμών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 19

(디오니시오스, Antiquitates Romanae, book 3, chapter 19)

상위

목록

SEARCH

MENU NAVIGATION