헬라어 문장 검색 - Διονψσ́Αντιθυί3́55́

(디오니시오스, Antiquitates Romanae, book 3, chapter 55)

τῷ δ’ ἑξῆσ ἔτει παραλαβὼν τὴν δύναμιν ἐπὶ Σαβίνουσ ἦγεν ἐκ πολλοῦ τὴν προαίρεσιν αὐτοῦ καὶ τὴν παρασκευὴν τὴν ἐφ’ ἑαυτοὺσ προεγνωκότασ. οὐχ ὑπομείναντεσ δὲ εἰσ τὴν ἑαυτῶν χώραν παρεῖναι τὸν πόλεμον, ἀλλ’ ἀντιπαρασκευασάμενοι δύναμιν ἱκανὴν ἐχώρουν ὁμόσε.

γενομένησ δὲ αὐτοῖσ μάχησ περὶ τὰ μεθόρια τῆσ χώρασ ἄχρι νυκτὸσ ἐνίκων μὲν οὐδέτεροι, πάνυ δ’ ἰσχυρῶσ ἐπόνησαν ἀμφότεροι. ταῖσ γοῦν ἑξῆσ ἡμέραισ οὔτε ὁ τῶν Σαβίνων ἡγεμὼν προῆγεν ἐκ τοῦ χάρακοσ τὰσ δυνάμεισ οὔτε ὁ τῶν Ῥωμαίων βασιλεύσ, ἀλλ’ ἀναστρατοπεδεύσαντεσ ἀμφότεροι καὶ τῆσ ἀλλήλων γῆσ οὐδὲν κακώσαντεσ ἀπῄεσαν ἐπ’ οἴκου.

γνώμη δ’ ἀμφοτέρων ἦν ὁμοία μείζονα δύναμιν ἑτέραν ἐπὶ τὴν ἀλλήλων χώραν ἐξάγειν ἐάροσ ἀρχομένου. ἔχοντεσ ἱκανὴν συμμαχίαν καὶ καταστρατοπεδεύονται Φιδήνησ πλησίον περὶ τὰσ συμβολὰσ τοῦ τε Ἀνίητοσ καὶ τοῦ Τεβέριοσ ποταμοῦ διττοὺσ βαλόμενοι τοὺσ χάρακασ ἐναντίουσ τε καὶ συνεχεῖσ ἀλλήλοισ, μέσον ἔχοντεσ τὸ κοινὸν ἐξ ἀμφοτέρων τῶν ποταμῶν ῥεῖθρον, ἐφ’ οὗ κατεσκεύαστο γέφυρα ξυλόφρακτοσ σκάφαισ ἀνεχομένη καὶ σχεδίαισ ἡ ποιοῦσα ταχείασ τὰσ πρὸσ ἀλλήλουσ ἀφίξεισ καὶ τὸν χάρακα ἕνα.

πυθόμενοσ δὲ τὴν εἰσβολὴν αὐτῶν ὁ Ταρκύνιοσ ἐξῆγε καὶ αὐτὸσ τὸ Ῥωμαίων στράτευμα καθιδρύεταί τε μικρὸν ἀνωτέρω τῆσ ἐκείνων στρατοπεδείασ παρὰ τὸν Ἀνίητα ποταμὸν ἐπὶ λόφου τινὸσ καρτεροῦ.

ἁπάσῃ δὲ προθυμίᾳ πρὸσ τὸν πόλεμον ὡρμημένων ἀμφοτέρων οὐδεὶσ ἀγὼν ἐκ παρατάξεωσ οὔτε μείζων οὔτ’ ἐλάσσων αὐτοῖσ συνέστη. ἔφθασε γὰρ ὁ Ταρκύνιοσ ἀγχινοίᾳ στρατηγικῇ πάντα συντρίψασ τὰ τῶν Σαβίνων πράγματα καὶ τὰσ παρεμβολὰσ αὐτῶν ἀμφοτέρασ ἀράμενοσ. τὸ δὲ στρατήγημα τοῦ ἀνδρὸσ τοιόνδε ἦν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 55

(디오니시오스, Antiquitates Romanae, book 3, chapter 55)

상위

목록

SEARCH

MENU NAVIGATION