헬라어 문장 검색 - Διονψσ́Αντιθυί3́50́

(디오니시오스, Antiquitates Romanae, book 3, chapter 50)

τὰ δ’ αὐτὰ καὶ Νωμεντανοῖσ διανοηθεῖσι τῶν αὐτῶν τυχεῖν ἐξεγένετο. καὶ γὰρ οὗτοι λῃστήρια πέμποντεσ ἐπὶ τοὺσ Ῥωμαίων ἀγροὺσ πολέμιοι κατέστησαν αὐτοῖσ ἐκ τοῦ προφανοῦσ ταῖσ Λατίνων πεποιθότεσ συμμαχίαισ· στρατεύσαντοσ δ’ ἐπ’ αὐτοὺσ Ταρκυνίου καὶ τῆσ Λατίνων ἐπικουρίασ ὑστεριζούσησ οὐχ οἱοῖ́ τε ὄντεσ αὐτοὶ πρὸσ τοσαύτην δύναμιν ἀντέχειν, ἱκετηρίασ ἀναλαβόντεσ ἐξῆλθον ἐκ τῆσ πόλεωσ καὶ παρέδοσαν ἑαυτούσ.

οἱ δὲ τὴν καλουμένην Κολλατίαν κατοικοῦντεσ ἐπειράθησαν μὲν ἐλθεῖν διὰ μάχησ πρὸσ τὰσ Ῥωμαίων δυνάμεισ καὶ προῆλθον ἔξω τῆσ πόλεωσ, ἐν ἁπάσαισ δὲ ταῖσ συμπλοκαῖσ ἐλαττούμενοι καὶ πληγὰσ πολλὰσ λαμβάνοντεσ ἠναγκάσθησαν πάλιν εἰσ τὸ τεῖχοσ καταφυγεῖν καὶ διεπέμποντο πρὸσ τὰσ Λατίνων πόλεισ αἰτούμενοι συμμαχίαν.

ἐποιοῦντο, παραδοῦναι τὴν πόλιν ἠναγκάσθησαν σὺν χρόνῳ.

οὐ μέντοι τῆσ αὐτῆσ μετριότητοσ ἔτυχον, ἧσ Νωμεντανοί τε καὶ Κρουστομερῖνοι, ἀλλ’ ὅπλά τε ὁ βασιλεὺσ ἀφείλετο καὶ εἰσ χρήματα ἐζημίωσε καὶ φρουρὰν κατέλιπεν ἐν τῇ πόλει τὴν ἱκανὴν ἄρχειν τε αὐτῶν ἔταξε τὴν ἀνυπεύθυνον ἀρχὴν διὰ βίου Ταρκύνιον Ἄρροντα τὸν ἴδιον ἀδελφιδοῦν, ὃσ μετὰ τὴν τελευτὴν τοῦ τε πατρὸσ Ἄρροντοσ καὶ τοῦ πάππου Δημαράτου γενόμενοσ οὔτε τῶν πατρῴων οὔτε τῶν τοῦ πάππου χρημάτων τὴν προσήκουσαν ἐκληρονόμησε μοῖραν καὶ διὰ ταύτην τὴν αἰτίαν Ἠγέριοσ ἐπωνομάσθη.

τοὺσ γὰρ ἀπόρουσ καὶ πτωχοὺσ οὕτωσ ὀνομάζουσι Ῥωμαῖοι. ἐξ οὗ δὲ παρέλαβε τὴν ἐκείνησ τῆσ πόλεωσ ἐπιμέλειαν αὐτόσ τε Κολλατῖνοσ ἐπεκλήθη καὶ πάντεσ οἱ ἀπ’ ἐκείνου γενόμενοι. μετὰ δὲ τὴν Κολλατίασ παράδοσιν ἐπὶ τὸν καλούμενον Κορνίκολον ὁ βασιλεὺσ ἐστράτευσεν·

ἦν δὲ κἀκείνη τοῦ Λατίνων ἔθνουσ ἡ πόλισ. λεηλατήσασ δὲ τὴν χώραν αὐτῶν κατὰ πολλὴν ἄδειαν οὐδενὸσ ὑπὲρ αὐτῆσ ἀμυνομένου πρὸσ αὐτὴν στρατεύεται τὴν πόλιν προκαλούμενοσ τοὺσ ἄνδρασ εἰσ φιλίαν· οὐ βουλομένων δὲ αὐτῶν εἰσ διαλλαγὰσ ἐλθεῖν, ἀλλὰ καὶ τοῦ τείχουσ τῇ ἐχυρότητι πεποιθότων καὶ συμμαχίασ πολλαχόθεν ἥξειν οἰομένων, περὶ πάντα τὸν κύκλον τῆσ πόλεωσ τὴν δύναμιν περιστήσασ ἐτειχομάχει.

οἱ δὲ Κορνικολανοὶ πολὺν μὲν χρόνον ἀνδρείωσ ἀπομαχόμενοι πολλὰσ τοῖσ προσβαλοῦσι πληγὰσ ἔδωκαν, κάμνοντεσ δὲ τῇ συνεχείᾳ τῶν πόνων καὶ οὐδὲ τὴν αὐτὴν ἔτι γνώμην ἅπαντεσ φυλάττοντεσ ̔τοῖσ μὲν γὰρ ἐδόκει παραδιδόναι τὴν πόλιν, τοῖσ δὲ μέχρι παντὸσ ἀντέχειν’ δι’ αὐτὸ τὸ στασιάζειν μάλιστα καταπονούμενοι κατὰ κράτοσ ἑάλωσαν.

τὸ μὲν οὖν κράτιστον αὐτῶν μέροσ ἐν τῇ καταλήψει τῆσ πόλεωσ μαχόμενον διεφθάρη, τὸ δὲ ἀγεννὲσ καὶ διὰ τοῦτο σωθὲν ἐν ἀνδραπόδων ἐπράθη λόγῳ γυναιξὶν ὁμοῦ καὶ τέκνοισ, ἡ δὲ πόλισ αὐτῶν διαρπασθεῖσα ὑπὸ τῶν κεκρατηκότων ἐνεπρήσθη.

ἐφ’ οἷσ οἱ Λατῖνοι χαλεπῶσ φέροντεσ ἐψηφίσαντο κοινῇ στρατιὰν ἐπὶ Ῥωμαίουσ ἐξαγαγεῖν καὶ παρασκευασάμενοι πολλὴν δύναμιν εἰσ τὴν κρατίστην χώραν αὐτῶν ἐνέβαλον, ἐξ ἧσ αἰχμαλώτουσ τε πολλοὺσ ἀπήγαγον καὶ λείασ ἐγένοντο μεγάλησ κύριοι.

βασιλεὺσ δὲ Ταρκύνιοσ ἐξῆλθε μὲν ἐπ’ αὐτοὺσ τὴν εὔζωνόν τε καὶ ἐν ἑτοίμῳ δύναμιν ἐπαγόμενοσ, οὐκέτι δὲ καταλαβεῖν αὐτοὺσ φθάσασ εἰσ τὴν ἐκείνων χώραν ἐνέβαλε καὶ τὰ ὅμοια διέθηκε.

τοιαῦτα συνέβαινε πολλὰ παραλλὰξ ἑκατέροισ ἐπὶ τὰσ ὁμόρουσ χώρασ ἐκστρατευομένοισ ἐλαττώματά τε καὶ πλεονεκτήματα, μία δὲ αὐτῶν ἐκ παρατάξεωσ ἐγένετο μάχη Φιδήνησ πόλεωσ πλησίον ἁπάσαισ συμβαλόντων ταῖσ δυνάμεσιν, ἐν ᾗ πολλοὶ μὲν ἔπεσον ἀμφοτέρων, ἐνίκησαν δὲ Ῥωμαῖοι καὶ τοὺσ Λατίνουσ ἠνάγκασαν λιπόντασ τὸν χάρακα νύκτωρ εἰσ τὰσ ἑαυτῶν πόλεισ ἀπελθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 50

(디오니시오스, Antiquitates Romanae, book 3, chapter 50)

상위

목록

SEARCH

MENU NAVIGATION