헬라어 문장 검색 - Διονψσ́Αντιθυί3́29́

(디오니시오스, Antiquitates Romanae, book 3, chapter 29)

ταῦτα δ’ αὐτοῦ λέγοντοσ οἰμωγαί τε τῶν Ἀλβανῶν ἐγίνοντο καὶ παντοδαπαὶ δεήσεισ τοῦ μὲν δήμου μηδὲν ἐγνωκέναι λέγοντοσ ὧν ὁ Μέττιοσ ἐμηχανᾶτο, τῶν δὲ τὰσ ἡγεμονίασ ἐχόντων οὐ πρότερον πεπύσθαι τὰσ ἀπορρήτουσ βουλὰσ σκηπτομένων ἢ ἐν αὐτῷ γενέσθαι τῷ ἀγῶνι, ἡνίκα οὔτε κωλύειν οὔτε μὴ πράττειν τὰ κελευόμενα ἐν δυνατῷ σφίσιν ἦν, ἤδη δέ τινων καὶ ἐπὶ τὴν ἀκούσιον ἀνάγκην ἀναφερόντων τὸ πρᾶγμα διὰ κηδείαν ἢ διὰ συγγένειαν· οἷσ ὁ βασιλεὺσ σιωπῆσαι κελεύσασ ἔλεξεν·

οὐδὲ τὸν ἐλάχιστον πέφυκε τἀπόρρητα σιωπᾶσθαι χρόνον, τῶν δὲ ταξιαρχῶν τε καὶ λοχαγῶν βραχύ τι μέροσ ἡγοῦμαι τὸ συνεπιβουλεῦσαν ἡμῖν γενέσθαι, τὸ δὲ πλεῖστον ἐξηπατῆσθαι καὶ εἰσ ἀκουσίουσ ἀνάγκασ ἀφῖχθαι.

εἰ δέ γε τούτων μηδὲν ἀληθὲσ ἦν, ἀλλὰ πάντασ εἰσῆλθεν Ἀλβανοὺσ καὶ τοὺσ ἐνθάδε ὄντασ ὑμᾶσ καὶ τοὺσ ἐν τῇ πόλει καταλειπομένουσ ἡ τοῦ κακῶσ ποιεῖν ἡμᾶσ ἐπιθυμία, καὶ τοῦτο οὐ νῦν πρῶτον, ἀλλ’ ἐκ πολλοῦ πάνυ χρόνου δεδογμένον ὑμῖν ἦν, τῆσ συγγενείασ ἕνεκα πολλὴ Ῥωμαίοισ ἀνάγκη καὶ ταῦθ’ ὑμῶν τἀδικήματα φέρειν.

ἵνα δὲ μηθὲν βουλεύσητε ἔτι καθ’ ἡμῶν ἄδικον μήτε δὴ βιασθέντεσ ὑπὸ τῶν ἡγουμένων τῆσ πόλεωσ μήτε παρακρουσθέντεσ μία φυλακὴ καὶ πρόνοιά·

ἐστιν, εἰ τῆσ αὐτῆσ πόλεωσ πολῖται γενοίμεθα πάντεσ καὶ μίαν ἡγοίμεθα πατρίδα, ἧσ εὖ τε καὶ χεῖρον φερομένησ τὸ ἐπιβάλλον μέροσ ἕκαστοσ οἴσεται τῆσ τύχησ· ἑώσ δ’ ἂν ἐκ διαφόρου γνώμησ, ὥσπερ νῦν ἔχει, τό τε πλεῖον καὶ τοὔλαττον ἐπικρίνωμεν ἑκάτεροι, οὐκ ἔσται βέβαιοσ ἡμῖν ἡ πρὸσ ἀλλήλουσ φιλία, ἄλλωσ τε καὶ εἰ μέλλοιεν οἱ μὲν πρότεροι ἐπιβουλεύσαντεσ τοῖσ ἑτέροισ ἢ κατορθώσαντεσ πλεῖον ἕξειν ἢ σφαλέντεσ ἐν μηδενὶ δεινῷ ἔσεσθαι διὰ τὸ συγγενέσ, καθ’ ὦν δ’ ἂν αἱ ἐπιχειρήσεισ γένωνται ὑποχείριοι καταστάντεσ τὰ ἔσχατα παθεῖν καὶ διαφυγόντεσ μηθὲν ὥσπερ ἐχθροὶ μνησικακεῖν, ὅπερ καὶ ἐν τῷ παρόντι γέγονεν.

ἴστε δὴ ταῦτα δεδογμένα Ῥωμαίοισ τῇ παρελθούσῃ νυκτὶ συναγαγόντοσ ἐμοῦ τὴν βουλὴν καὶ τὰ δόξαντα τοῖσ συνέδροισ γραψαμένου, τὴν μὲν πόλιν ὑμῶν καθαιρεθῆναι καὶ μήτε τῶν δημοσίων μήτε τῶν ἰδιωτικῶν κατασκευασμάτων ὀρθόν τι ἐᾶσαι διαμένειν μηθὲν ἔξω τῶν ἱερῶν·

τοὺσ δ’ ἐν αὐτῇ πάντασ ἔχοντασ οὓσ καὶ νῦν ἔχουσι κλήρουσ ἀνδραπόδων τε καὶ βοσκημάτων καὶ τῶν ἄλλων χρημάτων μηθὲν ἀφαιρεθέντασ ἐν Ῥώμῃ τὸν ἀπὸ τοῦδε χρόνον οἰκεῖν·

ὅσην τε τὸ κοινὸν ὑμῶν ἐκέκτητο γῆν τοῖσ μηθένα κλῆρον ἔχουσιν Ἀλβανῶν διαμερισθῆναι χωρὶσ τῶν ἱερῶν κτημάτων, ἐξ ὧν αἱ θυσίαι τοῖσ θεοῖσ ἐγίνοντο. οἴκων δὲ κατασκευῆσ, ἐν οἷσ τοὺσ βίουσ ἱδρύσεσθε οἱ μετανιστάμενοι, καθ’ οὓσ ἔσονται τῆσ πόλεωσ τόπουσ, ἐμὲ ποιήσασθαι πρόνοιαν συλλαμβάνοντα τοῖσ ἀπορωτάτοισ ὑμῶν τῆσ εἰσ τὰ ἔργα δαπάνησ.

καὶ τὸ μὲν ἄλλο πλῆθοσ ὑμῶν μετὰ τῶν παρ’ ἡμῖν δημοτικῶν συντελεῖν εἰσ φυλὰσ καὶ φράτρασ καταμερισθέν, βουλῆσ δὲ μετέχειν καὶ ἀρχὰσ λαμβάνειν καὶ τοῖσ πατρικίοισ προσνεμηθῆναι τούσδε τοὺσ οἴκουσ·

Ιοὐλίουσ, Σερουϊλίουσ, Κορατίουσ, Κοϊντιλίουσ, Κλοιλίουσ, Γεγανίουσ, Μετιλίουσ· Μέττιον δὲ καὶ τοὺσ σὺν τούτῳ βουλεύσαντασ τὴν προδοσίαν δίκασ ὑποσχεῖν, ἃσ ἂν ἡμεῖσ τάξωμεν δικασταὶ περὶ ἑκάστου τῶν ὑπαιτίων καθεζόμενοι· οὐθένα γὰρ ἀποστερήσομεν κρίσεωσ οὐδὲ λόγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 29

(디오니시오스, Antiquitates Romanae, book 3, chapter 29)

상위

목록

SEARCH

MENU NAVIGATION