헬라어 문장 검색 - Διονψσ́Αντιθυί3́26́

(디오니시오스, Antiquitates Romanae, book 3, chapter 26)

συμμάχου καὶ συχνοὺσ τῶν διεσκεδασμένων ἐν τῇ φυγῇ διέφθειρε. συνεὶσ δὲ τὴν διάνοιαν αὐτοῦ καὶ μισήσασ τὴν παλινπροδοσίαν ὁ Τύλλοσ οὐδὲν ἐξελέγχειν ᾤετο δεῖν κατὰ τὸ παρόν, ἑώσ ἂν ὑφ’ ἑαυτῷ ποιήσηται τὸν ἄνδρα, ἀλλ’ ἐπαινεῖν τε τὴν ἀναχώρησιν αὐτοῦ τὴν ἐπὶ τὰ μετέωρα πρὸσ πολλοὺσ τῶν παρόντων ὡσ ἀπὸ παντὸσ τοῦ βελτίστου γενομένην ἐσκήπτετο καὶ τῶν ἱππέων μοῖράν τινα πέμψασ ὡσ αὐτὸν ἠξίου τελείαν ἀποδείξασθαι τὴν προθυμίαν, τοὺσ μὴ δυνηθέντασ εἰσ τὰ τείχη τῶν Φιδηναίων καταφεύγειν ἀλλ’ ἐσκεδασμένουσ ἀνὰ τὴν χώραν συχνοὺσ ὄντασ κελεύων διερευνώμενον ἀποκτείνειν.

κἀκεῖνοσ ὡσ θάτερον ὧν ἤλπισε διαπεπραγμένοσ καὶ λεληθὼσ τὸν Τύλλον ἔχαιρέ τε καὶ μέχρι πολλοῦ καθιππεύων τὰ πεδία τοὺσ καταλαμβανομένουσ διέφθειρεν, ἤδη δὲ δεδυκότοσ ἡλίου τοὺσ ἱππέασ ἧκεν ἄγων ἐπὶ τὸ στρατόπεδον τὸ Ῥωμαϊκὸν ἐκ τοῦ διωγμοῦ καὶ τὴν ἐπελθοῦσαν νύκτα ἐν εὐπαθείαισ ἅμα τοῖσ ἑταίροισ ἦν.

φυλακῆσ καὶ τοὺσ ἐπιφανεστάτουσ τῶν αἰχμαλώτων ἀνακρίνασ, τίνεσ ἦσαν οἱ τῆσ ἀποστάσεωσ ἡγεμόνεσ, ὡσ ἔμαθε καὶ τὸν Ἀλβανὸν Μέττιον Φουφέττιον ἐν τοῖσ συνομοσαμένοισ ὑπάρχοντα, δόξασ συνᾴδειν τὰ πραχθέντα ὑπ’ αὐτοῦ τοῖσ μηνυομένοισ ὑπὸ τῶν αἰχμαλώτων ἀναβὰσ ἐπὶ τὸν ἵππον καὶ τοὺσ πιστοτάτουσ τῶν ἑταίρων παραλαβὼν πρὸσ τὴν πόλιν ἀφιππεύει·

καὶ πρὸ μέσων νυκτῶν ἐκ τῶν οἰκιῶν τοὺσ βουλευτὰσ συγκαλέσασ τήν τε προδοσίαν αὐτοῖσ λέγει τὴν τοῦ Ἀλβανοῦ μάρτυρασ τοὺσ αἰχμαλώτουσ παρασχόμενοσ καὶ ὃν τρόπον αὐτὸσ κατεστρατήγησε τούσ τε πολεμίουσ καὶ τοὺσ Φιδηναίουσ διηγεῖται.

τέλοσ δὴ τὸ κράτιστον εἰληφότοσ τοῦ πολέμου τὰ λοιπὰ ἤδη σκοπεῖν αὐτοὺσ ἠξίου, τίνα χρὴ τρόπον τιμωρήσασθαι μὲν τοὺσ προδότασ, σωφρονεστέραν δὲ τὴν Ἀλβανῶν ἀποδοῦναι πόλιν εἰσ τὸ λοιπόν. τὸ μὲν οὖν τιμωρήσασθαι τοὺσ ἐπιχειρήσαντασ ἔργοισ ἀνοσίοισ πᾶσιν ἐδόκει δίκαιόν τε καὶ ἀναγκαῖον εἶναι, ὃν δὲ τρόπον τοῦτο γένοιτ’ ἂν ῥᾷστα καὶ ἀσφαλέστατα πολλὴν αὐτοῖσ παρεῖχεν ἀπορίαν.

ἀδήλῳ μὲν γὰρ καὶ λεληθότι μόρῳ πολλοὺσ καὶ ἀγαθοὺσ Ἀλβανῶν ἄνδρασ διαχειρίσασθαι τῶν ἀδυνάτων αὐτοῖσ ἐφαίνετο εἶναι·

εἰ δὲ φανερῶσ συλλαμβάνειν καὶ τιμωρεῖσθαι τοὺσ ἐνόχουσ ταῖσ αἰτίαισ ἐπιχειρήσειαν, οὐ περιόψεσθαι τοὺσ Ἀλβανοὺσ ὑπελάμβανον, ἀλλ’ ἐπὶ τὰ ὅπλα χωρήσειν. ἅμα δὲ πολεμεῖν Φιδηναίοισ τε καὶ Τυρρηνοῖσ καὶ τοῖσ ἐπὶ τὴν συμμαχίαν σφῶν συνεληλυθόσιν Ἀλβανοῖσ οὐκ ἐβούλοντο. ἀπορουμένων δ’ αὐτῶν τελευταῖοσ ἀποδείκνυται γνώμην ὁ Τύλλοσ, ἣν ἅπαντεσ ἐπῄνεσαν, ὑπὲρ ἧσ μετὰ μικρὸν ἐρῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 26

(디오니시오스, Antiquitates Romanae, book 3, chapter 26)

상위

목록

SEARCH

MENU NAVIGATION