Demosthenes, Speeches 41-50, Πρὸσ Σπουδίαν ὑπὲρ Προικός 8:

πρῶτον μὲν οὖν ὑμῖν μάρτυρασ παρέξομαι τοὺσ παραγενομένουσ ὅτ’ ἠγγύα μοι Πολύευκτοσ τὴν θυγατέρ’ ἐπὶ τετταράκοντα μναῖσ· ἔπειθ’ ὡσ ἔλαττον ταῖσ χιλίαισ ἐκομισάμην· ἔτι δ’ ὡσ ἅπαντα τὸν χρόνον ὀφείλειν ὡμολόγει μοι Πολύευκτοσ, καὶ τὸν Λεωκράτην συνέστησε, καὶ ὡσ τελευτῶν διέθεθ’ ὁρ́ουσ ἐπιστῆσαι χιλίων δραχμῶν ἐμοὶ τῆσ προικὸσ ἐπὶ τὴν οἰκίαν. καί μοι κάλει τοὺσ μάρτυρασ. Μάρτυρεσ ἓν μὲν τοίνυν, ὦ ἄνδρεσ δικασταί, τοῦτ’ ἔστιν ὧν ἐγκαλῶ Σπουδίᾳ. καὶ περὶ τούτου τί ἂν ἔτι μεῖζον ἢ ἰσχυρότερον ἔχων εἰσ ὑμᾶσ κατέστην ἢ τὸν νόμον, ὃσ οὐκ ἐᾷ διαρρήδην, ὅσα τισ ἀπετίμησεν, εἶναι δίκασ, οὔτ’ αὐτοῖσ οὔτε τοῖσ κληρονόμοισ;