Demosthenes, Speeches, Κατὰ Φιλίππου Α 24:

καὶ τροφὴν ταύτῃ πορίσαι κελεύω. ἔσται δ’ αὕτη τίσ ἡ δύναμισ καὶ πόση, καὶ πόθεν τὴν τροφὴν ἕξει, καὶ πῶσ ταῦτ’ ἐθελήσει ποιεῖν; ἐγὼ φράσω, καθ’ ἕκαστον τούτων διεξιὼν χωρίσ. ξένουσ μὲν λέγω ‐ καὶ ὅπωσ μὴ ποιήσεθ’ ὃ πολλάκισ ὑμᾶσ ἔβλαψεν· πάντ’ ἐλάττω νομίζοντεσ εἶναι τοῦ δέοντοσ, καὶ τὰ μέγιστ’ ἐν τοῖσ ψηφίσμασιν αἱρούμενοι, ἐπὶ τῷ πράττειν οὐδὲ τὰ μικρὰ ποιεῖτε· ἀλλὰ τὰ μικρὰ ποιήσαντεσ καὶ πορίσαντεσ τούτοισ προστίθετε, ἂν ἐλάττω φαίνηται.