Demosthenes, Speeches, Κατὰ Φιλίππου Δ 10:

ὁρᾶτε Σέρριον καὶ Δορίσκον· ταῦτα γὰρ πρῶτον ὠλιγωρήθη μετὰ τὴν εἰρήνην, ἃ πολλοῖσ ὑμῶν οὐδὲ γνώριμ’ ἐστὶν ἴσωσ. ταῦτα μέντοι τότ’ ἐαθέντα καὶ παροφθέντ’ ἀπώλεσε Θρᾴκην καὶ Κερσοβλέπτην, σύμμαχον ὄνθ’ ὑμῶν. πάλιν ταῦτ’ ἀμελούμεν’ ἰδὼν καὶ οὐδεμιᾶσ βοηθείασ τυγχάνοντα παρ’ ὑμῶν κατέσκαπτε Πορθμόν, καὶ τυραννίδ’ ἀπαντικρὺ τῆσ Ἀττικῆσ ἐπετείχισεν ὑμῖν ἐν τῇ Εὐβοίᾳ.