Demosthenes, Speeches, Ὀλυνθιακὸσ Α 30:

δεῖ τοίνυν ὑμᾶσ, ὦ ἄνδρεσ Ἀθηναῖοι, τὴν ἀκαιρίαν τὴν ἐκείνου καιρὸν ὑμέτερον νομίσαντασ ἑτοίμωσ συνάρασθαι τὰ πράγματα, καὶ πρεσβευομένουσ ἐφ’ ἃ δεῖ καὶ στρατευομένουσ αὐτοὺσ καὶ παροξύνοντασ τοὺσ ἄλλουσ ἅπαντασ, λογιζομένουσ, εἰ Φίλιπποσ λάβοι καθ’ ἡμῶν τοιοῦτον καιρὸν καὶ πόλεμοσ γένοιτο πρὸσ τῇ χώρᾳ, πῶσ ἂν αὐτὸν οἰέσθ’ ἑτοίμωσ ἐφ’ ὑμᾶσ ἐλθεῖν; εἶτ’ οὐκ αἰσχύνεσθε, εἰ μηδ’ ἃ πάθοιτ’ ἄν, εἰ δύναιτ’ ἐκεῖνοσ, ταῦτα ποιῆσαι καιρὸν ἔχοντεσ οὐ τολμήσετε;