헬라어 문장 검색 - Αρριαν́Αναβασί7́14́

(아리아노스, Anabasis, book 7, chapter 14)

Ἐν Ἐκβατάνοισ δὲ θυσίαν τε ἔθυσεν Ἀλέξανδροσ, ὥσπερ αὐτῷ ἐπὶ ξυμφοραῖσ ἀγαθαῖσ νόμοσ, καὶ ἀγῶνα ἐπετέλει γυμνικόν τε καὶ μουσικόν, καὶ πότοι αὐτῷ ἐγίνοντο παρὰ τοῖσ ἑταίροισ. καὶ ἐν τούτῳ Ἡφαιστίων ἔκαμε τὸ σῶμα· ἑβδόμη τε ἡμέρα ἤδη ἦν αὐτῷ τῆσ νόσου καὶ λέγουσι τὸ μὲν στάδιον πλῆρεσ εἶναι· παίδων γὰρ ἀγὼν ἦν ἐκείνῃ τῇ ἡμέρᾳ γυμνικόσ· ἐπεὶ δὲ ἐξηγγέλλετο Ἀλεξάνδρῳ ὅτι κακῶσ ἔχοι Ἡφαιστίων, ὁ δὲ παῤ αὐτὸν ἐλθὼν σπουδῇ οὐκέτι ζῶντα κατέλαβεν. Ἔνθα δὴ καὶ ἄλλοι ἄλλα ἀνέγραψαν ὑπὲρ τοῦ πένθουσ τοῦ Ἀλεξάνδρου·

μέγα μὲν γενέσθαι αὐτῷ τὸ πένθοσ, πάντεσ τοῦτο ἀνέγραψαν, τὰ δὲ πραχθέντα ἐπ̓ αὐτῷ ἄλλοι ἄλλα, ὡσ ἕκαστοσ ἢ εὐνοίασ πρὸσ Ἡφαιστίωνα ἢ φθόνου εἶχεν ἢ καὶ πρὸσ αὐτὸν Ἀλέξανδρον. ὧν οἱ τὰ ἀτάσθαλα ἀναγράψαντεσ οἱ μὲν ἐσ κόσμον φέρειν μοι δοκοῦσιν οἰηθῆναι Ἀλεξάνδρῳ ὅσα ὑπεραλγήσασ ἔδρασεν ἢ εἶπεν ἐπὶ τῷ πάντων δὴ ἀνθρώπων φιλτάτῳ, οἱ δὲ ἐσ αἰσχύνην μᾶλλόν τι ὡσ οὐ πρέποντα οὔτ̓ οὖν βασιλεῖ οὔτε Ἀλεξάνδρῳ, οἱ μέν, τὸ πολὺ μέροσ τῆσ ἡμέρασ ἐκείνησ ἐρριμμένον ἐπὶ τοῦ σώματοσ τοῦ ἑταίρου ὀδύρεσθαι οὐδ̓ ἐθέλειν ἀπαλλαγῆναι, πρίν γε δὴ πρὸσ βίαν ἀπηνέχθη πρὸσ τῶν ἑταίρων·

οἱ δέ, τήν τε ἡμέραν ὅλην καὶ τὴν νύκτα ὅλην ἐρρῖφθαι ἐπὶ τῷ σώματι·

οἱ δὲ καί, τὸν ἰατρὸν Γλαυκίαν ὅτι ἐκρέμασε, καὶ τοῦτο[ν] ὡσ ἐπὶ φαρμάκῳ κακῶσ δοθέντι, οἱ δέ, ὅτι οἴνου περιεῖδεν ἐμπλησθέντα θεωρῶν αὐτόσ· καὶ κείρασθαι Ἀλέξανδρον ἐπὶ τῷ νεκρῷ τὴν κόμην τά τε ἄλλα οὐκ ἀπεικότα τίθεμαι καὶ κατὰ ζῆλον τὸν Ἀχιλλέωσ, πρὸσ ὅντινα ἐκ παιδὸσ φιλοτιμία αὐτῷ ἦν· οἱ δὲ καί, τὸ ἁρ́μα ἐφ̓ ὅτῳ τὸ σῶμα ἐφέρετο αὐτὸσ ἔστιν ὅτε ὅτι ἡνιόχει, τοῦτο οὐδαμῇ πιστὸν ἔμοιγε λέγοντεσ· ἄλλοι δέ, ὅτι καὶ τοῦ Ἀσκληπιοῦ τὸ ἕδοσ ἐν Ἐκβατάνοισ κατασκάψαι ἐκέλευσε, βαρβαρικὸν τοῦτό γε καὶ οὐδαμῇ Ἀλεξάνδρῳ πρόσφορον, ἀλλὰ τῇ Ξέρξου μᾶλλόν τι ἀτασθαλίᾳ τῇ ἐσ τὸ θεῖον καὶ ταῖσ πέδαισ ἃσ λέγουσιν ἐσ τὸν Ἑλλήσποντον καθεῖναι Ξέρξην, τιμωρούμενον δῆθεν τὸν Ἑλλήσποντον.

ἀλλὰ καὶ ἐκεῖνο οὐ πάντῃ ἔξω τοῦ εἰκότοσ ἀναγεγράφθαι μοι δοκεῖ, ὡσ ἐπὶ Βαβυλῶνοσ ἤλαυνεν Ἀλέξανδροσ, ἐντυχεῖν αὐτῷ κατὰ τὴν ὁδὸν πολλὰσ πρεσβείασ ἀπὸ τῆσ Ἑλλάδοσ, εἶναι δὲ δὴ ἐν τούτοισ Ἐπιδαυρίων πρέσβεισ·

καὶ τούτουσ ὧν τε ἐδέοντο ἐξ Ἀλεξάνδρου τυχεῖν καὶ ἀνάθημα δοῦναι αὐτοῖσ Ἀλέξανδρον κομίζειν τῷ Ἀσκληπιῷ, ἐπειπόντα ὅτι· καίπερ οὐκ ἐπιεικῶσ κέχρηταί μοι ὁ Ἀσκληπιόσ, οὐ σώσασ μοι τὸν ἑταῖρον ὅντινα ἴσον τῇ ἐμαυτοῦ κεφαλῇ ἦγον. ἐναγίζειν τε ὅτι ἀεὶ ὡσ ἡρ́ωϊ ἐκέλευεν Ἡφαιστίωνι, τοῦτο μὲν πρὸσ τῶν πλείστων ἀναγέγραπται· οἱ δὲ λέγουσιν ὅτι καὶ εἰσ Ἄμμωνοσ ἔπεμψεν ἐρησομένουσ τὸν θεὸν εἰ καὶ ὡσ θεῷ θύειν συγχωρεῖ Ἡφαιστίωνι, τὸν δὲ οὐ ξυγχωρῆσαι.

Ἐκεῖνα δὲ πρὸσ πάντων ξυμφωνούμενα, ἐσ τρίτην ἀπὸ τοῦ θανάτου τοῦ Ἡφαιστίωνοσ ἡμέραν μήτε σίτου γεύσασθαι Ἀλέξανδρον μήτε τινὰ θεραπείαν ἄλλην θεραπεῦσαι τὸ σῶμα, ἀλλὰ κεῖσθαι γὰρ ἢ ὀδυρόμενον ἢ πενθικῶσ σιγῶντα·

καὶ πυρὰν κελεῦσαι αὐτῷ ἑτοιμάζεσθαι ἐν Βαβυλῶνι ἀπὸ ταλάντων μυρίων, οἱ δὲ καὶ πλειόνων ἀνέγραψαν· καὶ ὅτι πένθοσ ποιεῖσθαι περιηγγέλη κατὰ πᾶσαν τὴν χώραν τὴν βάρβαρον·

καὶ ὅτι πολλοὶ τῶν ἑταίρων τῶν Ἀλεξάνδρου ἐσ θεραπείαν τὴν ἐκείνου σφᾶσ τε αὐτοὺσ καὶ τὰ ὅπλα Ἡφαιστίωνι ἀνέθεσαν ἀποθανόντι· πρῶτον δὲ Εὐμενῆ ἄρξαι τοῦ σοφίσματοσ, ὅντινα ὀλίγῳ πρόσθεν ἔφαμεν ὅτι διηνέχθη πρὸσ Ἡφαιστίωνα· καὶ τοῦτο δὲ δρᾶσαι, τῷ Ἀλεξάνδρῳ ὡσ μὴ ἐφήδεσθαι δοκοίη τελευτήσαντι Ἡφαιστίωνι. οὔκουν οὐδὲ ἄλλον τινὰ ἔταξεν ἀντὶ Ἡφαιστίωνοσ χιλίαρχον ἐπὶ τῇ ἵππῳ τῇ ἑταιρικῇ Ἀλέξανδροσ, ὡσ μὴ ἀπόλοιτο τὸ ὄνομα τοῦ Ἡφαιστίωνοσ ἐκ τῆσ τάξεωσ, ἀλλὰ Ἡφαιστίωνόσ τε ἡ χιλιαρχία ἐκαλεῖτο καὶ τὸ σημεῖον αὐτῆσ ἡγεῖτο τὸ ἐξ Ἡφαιστίωνοσ πεποιημένον.

ἀγῶνά τε ἐπενόει ποιῆσαι γυμνικόν τε καὶ μουσικὸν πλήθει τε τῶν ἀγωνιζομένων καὶ τῇ εἰσ αὐτὸν χορηγίᾳ πολύ τι τῶν ἄλλων τῶν πρόσθεν ἀριδηλότερον· τρισχιλίουσ γὰρ ἀγωνιστὰσ τοὺσ σύμπαντασ παρεσκεύασε. καὶ οὗτοι ὀλίγον ὕστερον ἐπ̓ Ἀλεξάνδρου τῷ τάφῳ λέγουσιν ὅτι ἠγωνίσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 14

(아리아노스, Anabasis, book 7, chapter 14)

상위

목록

SEARCH

MENU NAVIGATION