헬라어 문장 검색 - Αρριαν́Αναβασί7́16́

(아리아노스, Anabasis, book 7, chapter 16)

Ἐκ τούτου δὴ Ἡρακλείδην τὸν Ἀργαίου ἐκπέμπει ἐσ Ὑρκανίαν ναυπηγοὺσ ἅμα οἷ ἄγοντα, κελεύσασ ὕλην τεμόντα ἐκ τῶν ὀρῶν τῶν Ὑρκανίων ναυπηγεῖσθαι ναῦσ μακρὰσ ἀφράκτουσ τε καὶ πεφραγμένασ ἐσ τὸν κόσμον τὸν Ἑλληνικόν. πόθοσ γὰρ εἶχεν αὐτὸν καὶ ταύτην ἐκμαθεῖν τὴν θάλασσαν τὴν Κασπίαν τε καὶ Ὑρκανίαν καλουμένην ποίᾳ τινὶ ξυμβάλλει θαλάσσῃ, πότερα τῇ τοῦ πόντου τοῦ Εὐξείνου ἢ ἀπὸ τῆσ ἑῴασ τῆσ κατ̓ Ἰνδοὺσ ἐκπεριερχομένη ἡ μεγάλη θάλασσα ἀναχεῖται εἰσ κόλπον τὸν Ὑρκάνιον, καθάπερ οὖν καὶ τὸν Περσικὸν ἐξεῦρε, τὴν Ἐρυθρὰν δὴ καλουμένην θάλασσαν, κόλπον οὖσαν τῆσ μεγάλησ θαλάσσησ.

οὐ γάρ πω ἐξεύρηντο αἱ ἀρχαὶ τῆσ Κασπίασ θαλάσσησ, καίτοι ἐθνῶν τε αὐτὴν περιοικούντων οὐκ ὀλίγων καὶ ποταμῶν πλοΐμων ἐμβαλλόντων ἐσ αὐτήν·

ἐκ Βάκτρων μὲν Ὄξοσ, μέγιστοσ τῶν Ἀσιανῶν ποταμῶν, πλήν γε δὴ τῶν Ἰνδῶν, ἐξίησιν ἐσ ταύτην τὴν θάλασσαν, διὰ Σκυθῶν δὲ Ιἀξάρτησ· καὶ τὸν Ἀράξην δὲ τὸν ἐξ Ἀρμενίων ῥέοντα ἐσ ταύτην ἐσβάλλειν ὁ πλείων λόγοσ κατέχει. μέγιστοι μὲν οὗτοι· πολλοὶ δὲ δὴ καὶ ἄλλοι ἔσ τε τούτουσ ἐμβάλλοντεσ καὶ αὐτοὶ ἐπὶ σφῶν ἐσ τὴν θάλασσαν ταύτην ἐξιᾶσιν, οἱ μὲν καὶ γινωσκόμενοι πρὸσ τῶν ἀμφ̓ Ἀλέξανδρον ἐπελθόντων τὰ ἔθνη ταῦτα, οἱ δὲ κατὰ τὰ ἐπέκεινα τοῦ κόλπου, ὡσ εἰκόσ, κατὰ τοὺσ Σκύθασ τοὺσ Νομάδασ, ὃ δὴ ἄγνωστον πάντῃ ἐστίν.

Ἀλέξανδροσ δὲ ὡσ τὸν Τίγρητα ποταμὸν ξὺν τῇ στρατιᾷ διέβη ἐλαύνων ἐπὶ Βαβυλῶνοσ, ἐνταῦθα ἐντυγχάνουσιν αὐτῷ Χαλδαίων οἱ λόγιοι, καὶ ἀπαγαγόντεσ ἀπὸ τῶν ἑταίρων ἐδέοντο ἐπισχεῖν τὴν ἐπὶ Βαβυλῶνοσ ἔλασιν.

λόγιον γὰρ γεγονέναι σφίσιν ἐκ τοῦ θεοῦ τοῦ Βήλου μὴ πρὸσ ἀγαθοῦ οἱ εἶναι τὴν πάροδον τὴν ἐσ Βαβυλῶνα ἐν τῷ τότε. τὸν δὲ ἀποκρίνασθαι αὐτοῖσ λόγοσ τοῦ Εὐριπίδου τοῦ ποιητοῦ ἔποσ· ἔχει δὲ τὸ ἔποσ Εὐριπίδῃ ὧδε·

Μάντισ δ̓ ἄριστοσ ὅστισ εἰκάζει καλῶσ. σὺ δέ, ὦ βασιλεῦ, ἔφασαν οἱ Χαλδαῖοι, μὴ πρὸσ δυσμὰσ ἀφορῶν αὐτὸσ μηδὲ τὴν στρατιὰν ταύτῃ ἐπέχουσαν ἄγων παρελθεῖν, ἀλλὰ ἐκπεριελθὼν πρὸσ ἑώ μᾶλλον. τῷ δὲ οὐδὲ τοῦτο εὐμαρὲσ διὰ δυσχωρίαν ξυνέβη·

ἀλλὰ ἦγε γὰρ αὐτὸν ταύτῃ τὸ δαιμόνιον ᾗ παρελθόντα ἐχρῆν ἤδη τελευτῆσαι. καί που τυχὸν καὶ ἄμεινον αὐτῷ ἦν ἐν ἀκμῇ τῆσ τε ἄλλησ δόξησ καὶ τοῦ πόθου τοῦ παῤ ἀνθρώπων ἀπηλλάχθαι, πρίν τινα ξυμβῆναι αὐτῷ ξυμφορὰν ἀνθρωπίνην, ἧσ ἕνεκα καὶ Σόλωνα Κροίσῳ παραινέσαι εἰκὸσ τέλοσ ὁρᾶν μακροῦ βίου μηδὲ πρόσθεν τινὰ ἀνθρώπων ἀποφαίνειν εὐδαίμονα. ἐπεὶ καὶ αὐτῷ Ἀλεξάνδρῳ ἡ Ἡφαιστίωνοσ τελευτὴ οὐ σμικρὰ ξυμφορὰ γεγένητο, ἧσ καὶ αὐτὸσ Ἀλέξανδροσ προαπελθεῖν ἂν δοκεῖ μοι ἐθελῆσαι μᾶλλον ἢ ζῶν πειραθῆναι, οὐ μεῖον ἢ καὶ Ἀχιλλέα δοκῶ ἂν ἑλέσθαι προαποθανεῖν Πατρόκλου μᾶλλον ἢ τοῦ θανάτου αὐτῷ τιμωρὸν γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 16

(아리아노스, Anabasis, book 7, chapter 16)

상위

목록

SEARCH

MENU NAVIGATION