헬라어 문장 검색 - Αρριαν́Αναβασί7́25́

(아리아노스, Anabasis, book 7, chapter 25)

Καὶ αἱ βασίλειοι ἐφημερίδεσ ὧδε ἔχουσιν· πίνειν παρὰ Μηδίῳ αὐτὸν κωμάσαντα· ἔπειτα ἐξαναστάντα καὶ λουσάμενον καθεύδειν τε καὶ αὖθισ δειπνεῖν παρὰ Μηδίῳ καὶ αὖθισ πίνειν πόρρω τῶν νυκτῶν· ἀπαλλαχθέντα δὲ τοῦ πότου λούσασθαι· καὶ λουσάμενον ὀλίγον τι ἐμφαγεῖν καὶ καθεύδειν αὐτοῦ, ὅτι ἤδη ἐπύρεσσεν. ἐκκομισθέντα δὲ ἐπὶ κλίνησ πρὸσ τὰ ἱερὰ θῦσαι ὡσ νόμοσ ἐφ̓ ἑκάστῃ ἡμέρᾳ, καὶ τὰ ἱερὰ ἐπιθέντα κατακεῖσθαι ἐν τῷ ἀνδρῶνι ἔστε ἐπὶ κνέφασ.

ἐν τούτῳ δὲ τοῖσ ἡγεμόσι παραγγέλλειν ὑπὲρ τῆσ πορείασ καὶ τοῦ πλοῦ, τοὺσ μὲν ὡσ πεζῇ ἰόντασ παρασκευάζεσθαι ἐσ τετάρτην ἡμέραν, τοὺσ δὲ ἅμα οἷ πλέοντασ ὡσ εἰσ πέμπτην πλευσουμένουσ. ἐκεῖθεν δὲ κατακομισθῆναι ἐπὶ τῆσ κλίνησ ὡσ ἐπὶ τὸν ποταμόν, καὶ πλοίου ἐπιβάντα διαπλεῦσαι πέραν τοῦ ποταμοῦ ἐσ τὸν παράδεισον, κἀκεῖ αὖθισ λουσάμενον ἀναπαύεσθαι.

ἐσ δὲ τὴν ὑστεραίαν λούσασθαί τε αὖθισ καὶ θῦσαι τὰ νομιζόμενα· καὶ εἰσ τὴν καμάραν εἰσελθόντα κατακεῖσθαι διαμυθολογοῦντα πρὸσ Μήδιον· παραγγεῖλαι δὲ καὶ τοῖσ ἡγεμόσιν ἀπαντῆσαι ἑώθεν. ταῦτα πράξαντα δειπνῆσαι ὀλίγον· κομισθέντα δὲ αὖθισ ἐσ τὴν καμάραν πυρέσσειν ἤδη ξυνεχῶσ τὴν νύκτα ὅλην·

τῇ δὲ ὑστεραίᾳ λούσασθαι καὶ λουσάμενον θῦσαι. Νεάρχῳ δὲ καὶ τοῖσ ἄλλοισ ἡγεμόσι παραγγεῖλαι τὰ ἀμφὶ τὸν πλοῦν ὅπωσ ἔσται ἐσ τρίτην ἡμέραν. τῇ δὲ ὑστεραίᾳ λούσασθαι αὖθισ καὶ θῦσαι τὰ τεταγμένα, καὶ τὰ ἱερὰ ἐπιθέντα οὐκέτι ἐλινύειν πυρέσσοντα. ἀλλὰ καὶ ὣσ τοὺσ ἡγεμόνασ εἰσκαλέσαντα παραγγέλλειν τὰ πρὸσ τὸν ἔκπλουν ὅπωσ αὐτῷ ἔσται ἕτοιμα· λούσασθαί τε ἐπὶ τῇ ἑσπέρᾳ, καὶ λουσάμενον ἔχειν ἤδη κακῶσ. τῇ δὲ ὑστεραίᾳ μετακομισθῆναι ἐσ τὴν οἰκίαν τὴν πρὸσ τῇ κολυμβήθρᾳ καὶ θῦσαι μὲν τὰ τεταγμένα, ἔχοντα δὲ πονήρωσ ὅμωσ ἐσκαλέσαι τῶν ἡγεμόνων τοὺσ ἐπικαιριωτάτουσ καὶ ὑπὲρ τοῦ πλοῦ αὖθισ παραγγέλλειν.

τῇ δ̓ ἐπιούσῃ μόγισ ἐκκομισθῆναι πρὸσ τὰ ἱερὰ καὶ θῦσαι, καὶ μηδὲν μεῖον ἔτι παραγγέλλειν ὑπὲρ τοῦ πλοῦ τοῖσ ἡγεμόσιν. ἐσ δὲ τὴν ὑστεραίαν κακῶσ ἤδη ἔχοντα ὅμωσ θῦσαι τὰ τεταγμένα.

παραγγεῖλαι δὲ τοὺσ μὲν στρατηγοὺσ διατρίβειν κατὰ τὴν αὐλήν, χιλιάρχασ δὲ καὶ πεντακοσιάρχασ πρὸ τῶν θυρῶν. ἤδη δὲ παντάπασι πονήρωσ ἔχοντα διακομισθῆναι ἐκ τοῦ παραδείσου ἐσ τὰ βασίλεια. εἰσελθόντων δὲ τῶν ἡγεμόνων γνῶναι μὲν αὐτοὺσ, φωνῆσαι δὲ μηδὲν ἔτι, ἀλλὰ εἶναι ἄναυδον· καὶ τὴν νύκτα πυρέσσειν κακῶσ καὶ τὴν ἡμέραν, καὶ τὴν ἄλλην νύκτα καὶ τὴν ἡμέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 25

(아리아노스, Anabasis, book 7, chapter 25)

상위

목록

SEARCH

MENU NAVIGATION