헬라어 문장 검색 - Αρριαν́Αναβασί7́28́

(아리아노스, Anabasis, book 7, chapter 28)

Ἐτελεύτα μὲν δὴ Ἀλέξανδροσ τῇ τετάρτῃ καὶ δεκάτῃ καὶ ἑκατοστῇ Ὀλυμπιάδι ἐπὶ Ἡγησίου ἄρχοντοσ Ἀθήνησιν· ἐβίω δὲ δύο καὶ τριάκοντα ἔτη καὶ τοῦ τρίτου μῆνασ ἐπέλαβεν ὀκτώ, ὡσ λέγει Ἀριστόβουλοσ· ἐβασίλευσε δὲ δώδεκα ἔτη καὶ τοὺσ ὀκτὼ τούτουσ μῆνασ, τό τε σῶμα κάλλιστοσ καὶ φιλοπονώτατοσ καὶ ὀξύτατοσ γενόμενοσ καὶ τὴν γνώμην ἀνδρειότατοσ καὶ φιλοτιμότατοσ καὶ φιλοκινδυνότατοσ καὶ τοῦ θείου ἐπιμελέστατοσ· ἡδονῶν δὲ τῶν μὲν τοῦ σώματοσ ἐγκρατέστατοσ, τῶν δὲ τῆσ γνώμησ ἐπαίνου μόνου ἀπληστότατοσ·

ξυνιδεῖν δὲ τὸ δέον ἔτι ἐν τῷ ἀφανεῖ ὂν δεινότατοσ, καὶ ἐκ τῶν φαινομένων τὸ εἰκὸσ ξυμβαλεῖν ἐπιτυχέστατοσ, καὶ τάξαι στρατιὰν καὶ ὁπλίσαι τε καὶ κοσμῆσαι δαημονέστατοσ· καὶ τὸν θυμὸν τοῖσ στρατιώταισ ἐπᾶραι καὶ ἐλπίδων ἀγαθῶν ἐμπλῆσαι καὶ τὸ δεῖμα ἐν τοῖσ κινδύνοισ τῷ ἀδεεῖ τῷ αὑτοῦ ἀφανίσαι, ξύμπαντα ταῦτα γενναιότατοσ. καὶ οὖν καὶ ὅσα ἐν τῷ ἐμφανεῖ πρᾶξαι, ξὺν μεγίστῳ θάρσει ἔπραξεν, ὅσα τε φθάσασ ὑφαρπάσαι τῶν πολεμίων, πρὶν καὶ δεῖσαί τινα αὐτὰ ὡσ ἐσόμενα, προλαβεῖν δεινότατοσ·

καὶ τὰ μὲν ξυντεθέντα ἢ ὁμολογηθέντα φυλάξαι βεβαιότατοσ, πρὸσ δὲ τῶν ἐξαπατώντων μὴ ἁλῶναι ἀσφαλέστατοσ, χρημάτων τε ἐσ μὲν ἡδονὰσ τὰσ αὑτοῦ φειδωλότατοσ, ἐσ δὲ εὐποιϊάν τῶν πέλασ ἀφθονώτατοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 28

(아리아노스, Anabasis, book 7, chapter 28)

상위

목록

SEARCH

MENU NAVIGATION