헬라어 문장 검색 - Αππιαν́ΤηεΞιϝί1́04́

(아피아노스, The Civil Wars, book 1, chapter 3)

Καὶ τάδε μὲν ἦν, ὅτε Ἀριστόνικοσ Ῥωμαίοισ περὶ τῆσ ἀρχῆσ ἐπολέμει τῆσ ἐν Ἀσίᾳ· καὶ οὐδὲν ἀλλ’ ἢ πάντων ἀνάστασισ ἐγίγνετο μεταφερομένων τε καὶ μετοικιζομένων ἐσ ἀλλότρια. ἀναιρεθέντοσ δὲ Γράκχου καὶ τελευτήσαντοσ Ἀππίου Κλαυδίου, ἀντικαθίστανται μὲν ἐσ τὸ τὴν γῆν ἅμα τῷ νεωτέρῳ Γράκχῳ διανέμειν Φούλβιοσ Φλάκκοσ καὶ Παπίριοσ Κάρβων, ἀμελούντων δὲ τῶν κεκτημένων αὐτὴν ἀπογράφεσθαι κατηγόρουσ ἐκήρυττον ἐνδεικνύναι. καὶ ταχὺ πλῆθοσ ἦν δικῶν χαλεπῶν· ὅση γὰρ ἄλλη πλησιάζουσα τῇδε ἐπέπρατο ἢ τοῖσ συμμάχοισ ἐπιδιῄρητο, διὰ τὸ τῆσδε μέτρον ἐξητάζετο ἅπασα, ὅπωσ τε ἐπέπρατο καὶ ὅπωσ ἐπιδιῄρητο, οὔτε τὰ συμβόλαια οὔτε τὰσ κληρουχίασ ἔτι ἐχόντων ἁπάντων· ἃ δὲ καὶ εὑρίσκετο, ἀμφίλογα ἦν. ἀναμετρουμένησ τε αὐτῆσ οἱ μὲν ἐκ πεφυτευμένησ καὶ ἐπαύλεων ἐσ ψιλὴν μετετίθεντο, οἱ δ’ ἐξ ἐνεργῶν ἐσ ἀργὸν ἢ λίμνασ ἢ τέλματα, οὐδὲ τὴν ἀρχὴν ὡσ ἐπὶ δορικτήτοισ ἀκριβῆ πεποιημένοι. καὶ τὸ κήρυγμα, τὴν ἀνέμητον ἐξεργάζεσθαι τὸν ἐθέλοντα προλέγον, ἐπῇρε πολλοὺσ τὰ πλησίον ἐκπονοῦντασ τὴν ἑκατέρασ ὄψιν συγχέαι· χρόνοσ τε ἐπελθὼν ἐνεόχμωσε πάντα. καὶ τὸ τῶν πλουσίων ἀδίκημα καίπερ ὂν μέγα δυσεπίγνωστον ἦν. Ταῦτά τε δὴ καὶ τὰσ ἐπὶ τούτοισ τῶν δικαζόντων ἐπείξεισ οὐ φέροντεσ οἱ Ἰταλιῶται Κορνήλιον Σκιπίωνα, ὃσ Καγχηδόνα ἐπόρθησεν, ἠξίουν προστάτην σφῶν ἀδικουμένων γενέσθαι.

ὁ δ’ ἐσ τοὺσ πολέμουσ αὐτοῖσ κεχρημένοσ προθυμοτάτοισ ὑπεριδεῖν τε ὤκνησε καὶ παρελθὼν εἰσ τὸ βουλευτήριον τὸν μὲν Γράκχου νόμον οὐκ ἔψεγε διὰ τὸν δῆμον σαφῶσ, τὴν δὲ τοῦδε δυσχέρειαν ἐπεξιὼν ἠξίου τὰσ δίκασ οὐκ ἐπὶ τῶν διαιρούντων ὡσ ὑπόπτων τοῖσ δικαζομένοισ, ἀλλ’ ἐφ’ ἑτέρων λέγεσθαι. ᾧ δὴ καὶ μάλιστα ἔπεισεν, εἶναι δοκοῦντι δικαίῳ· καὶ Τουδιτανὸσ αὐτοῖσ ὑπατεύων ἐδόθη δικάζειν. ἀλλ’ ὅδε μὲν ἁψάμενοσ τοῦ ἔργου καὶ τὴν δυσχέρειαν ἰδὼν ἐπ’ Ἰλλυριοὺσ ἐστράτευε, πρόφασιν τήνδε ποιούμενοσ τοῦ μὴ δικάζειν· οἱ δὲ τὴν γῆν διανέμοντεσ, οὐκ ἀπαντῶντοσ ἐσ αὐτοὺσ οὐδενὸσ ἐσ δίκην, ἐπὶ ἀργίασ ἦσαν. καὶ μῖσοσ ἐντεῦθεν ἤρξατο εἰσ τὸν Σκιπίωνα τοῦ δήμου καὶ ἀγανάκτησισ, ὅτι αὐτὸν ἀγαπήσαντεσ ἐπιφθόνωσ καὶ πολλὰ τοῖσ δυνατοῖσ ἐναντιωθέντεσ ὑπὲρ αὐτοῦ ὕπατόν τε δὶσ ἑλόμενοι παρανόμωσ, ὑπὲρ τῶν Ἰταλιωτῶν ἀντιπεπραχότα σφίσιν ἑώρων. ταῦτα δ’, ὅσοι τοῦ Σκιπίωνοσ ἦσαν ἐχθροί, κατιδόντεσ ἐβόων, ὡσ λῦσαι τὸν Γράκχου νόμον ὅλωσ διεγνωκὼσ μέλλοι πολὺν ἐπὶ τῷδε ἔνοπλον φόνον ἐργάσασθαι. Ὧν ὁ δῆμοσ ἀκροώμενοσ ἐδεδίει, μέχρισ ὁ Σκιπίων, ἑσπέρασ παραθέμενοσ ἑαυτῷ δέλτον, εἰσ ἣν νυκτὸσ ἔμελλε γράψειν τὰ λεχθησόμενα ἐν τῷ δήμῳ, νεκρὸσ ἄνευ τραύματοσ εὑρέθη, εἴτε Κορνηλίασ αὐτῷ, τῆσ Γράκχου μητρόσ, ἐπιθεμένησ, ἵνα μὴ ὁ νόμοσ ὁ Γράκχου λυθείη, καὶ συλλαβούσησ ἐσ τοῦτο Σεμπρωνίασ τῆσ θυγατρόσ, ἣ τῷ Σκιπίωνι γαμουμένη διὰ δυσμορφίαν καὶ ἀπαιδίαν οὔτ’ ἐστέργετο οὔτ’ ἔστεργεν, εἴθ’, ὡσ ἔνιοι δοκοῦσιν, ἑκὼν ἀπέθανε συνιδών, ὅτι οὐκ ἔσοιτο δυνατὸσ κατασχεῖν ὧν ὑπόσχοιτο.

εἰσὶ δ’ οἳ βασανιζομένουσ φασὶ θεράποντασ εἰπεῖν, ὅτι αὐτὸν ξένοι δι’ ὀπισθοδόμου νυκτὸσ ἐπεισαχθέντεσ ἀποπνίξαιεν καὶ οἱ πυθόμενοι ὀκνήσαιεν ἐξενεγκεῖν διὰ τὸν δῆμον ὀργιζόμενον ἔτι καὶ τῷ θανάτῳ συνηδόμενον. Σκιπίων μὲν δὴ τεθνήκει καὶ οὐδὲ δημοσίασ ταφῆσ ἠξιοῦτο, μέγιστα δὴ τὴν ἡγεμονίαν ὠφελήσασ· οὕτωσ ἡ παραυτίκα ὀργὴ τῆσ ποτὲ χάριτοσ ἐπικρατεῖ. καὶ τόδε ὂν τηλικοῦτον οἱᾶ πάρεργον ἐπὶ τῇ Γράκχου στάσει συνέπεσε. Τὴν δὲ διαίρεσιν τῆσ γῆσ οἱ κεκτημένοι καὶ ὣσ ἐπὶ προφάσεσι ποικίλαισ διέφερον ἐπὶ πλεῖστον.

καί τινεσ εἰσηγοῦντο τοὺσ συμμάχουσ ἅπαντασ, οἳ δὴ περὶ τῆσ γῆσ μάλιστα ἀντέλεγον, εἰσ τὴν Ῥωμαίων πολιτείαν ἀναγράψαι, ὡσ μείζονι χάριτι περὶ τῆσ γῆσ οὐ διοισομένουσ. καὶ ἐδέχοντο ἄσμενοι τοῦθ’ οἱ Ἰταλιῶται, προτιθέντεσ τῶν χωρίων τὴν πολιτείαν. συνέπρασσέ τε αὐτοῖσ ἐσ τοῦτο μάλιστα πάντων Φούλβιοσ Φλάκκοσ, ὑπατεύων ἅμα καὶ τὴν γῆν διανέμων. ἡ βουλὴ δ’ ἐχαλέπαινε, τοὺσ ὑπηκόουσ σφῶν ἰσοπολίτασ εἰ ποιήσονται. Καὶ τόδε μὲν τὸ ἐγχείρημα οὕτω διελύθη, καὶ ὁ δῆμοσ ἐν ἐλπίδι τέωσ τῆσ γῆσ γενόμενοσ ἠθύμει· ὧδε δὲ αὐτοῖσ ἔχουσιν ἀσπάσιοσ ἐκ τῶν τὴν γῆν διαιρούντων ἐσ δημαρχίαν ἐπιφαίνεται Γάιοσ Γράκχοσ, ὁ Γράκχου τοῦ νομοθέτου νεώτεροσ ἀδελφόσ, ἐσ πολὺ μὲν ἡσυχάσασ ἐπὶ τῇ τοῦ ἀδελφοῦ συμφορᾷ· πολλῶν δ’ αὐτοῦ καταφρονούντων ἐν τῷ βουλευτηρίῳ, παρήγγειλεν ἐσ δημαρχίαν. καὶ περιφανέστατα αἱρεθεὶσ εὐθὺσ ἐπεβούλευε τῇ βουλῇ, σιτηρέσιον ἔμμηνον ὁρίσασ ἑκάστῳ τῶν δημοτῶν ἀπὸ τῶν κοινῶν χρημάτων, οὐ πρότερον εἰωθὸσ διαδίδοσθαι. καὶ ὁ μὲν ὀξέωσ οὕτωσ ἑνὶ πολιτεύματι τὸν δῆμον ὑπηγάγετο, συμπράξαντοσ αὐτῷ Φουλβίου Φλάκκου. καὶ εὐθὺσ ἐπὶ τῷδε καὶ ἐσ τὸ μέλλον ᾕρητο δημαρχεῖν· καὶ γάρ τισ ἤδη νόμοσ κεκύρωτο, εἰ δήμαρχοσ ἐνδέοι ταῖσ παραγγελίαισ, τὸν δῆμον ἐκ πάντων ἐπιλέγεσθαι. Ὁ μὲν δὴ Γάιοσ Γράκχοσ οὕτωσ ἐδημάρχει τὸ δεύτερον·

οἱᾶ δ’ ἔχων τὸν δῆμον ἔμμισθον, ὑπήγετο καὶ τοὺσ καλουμένουσ ἱππέασ, οἳ τὴν ἀξίωσίν εἰσι τῆσ βουλῆσ καὶ τῶν δημοτῶν ἐν μέσῳ, δι’ ἑτέρου τοιοῦδε πολιτεύματοσ. τὰ δικαστήρια, ἀδοξοῦντα ἐπὶ δωροδοκίαισ, ἐσ τοὺσ ἱππέασ ἀπὸ τῶν βουλευτῶν μετέφερε, τὰ ὑπόγυα μάλιστα αὐτοῖσ ὀνειδίζων, ὅτι Αὐρήλιοσ Κόττασ καὶ Σαλινάτωρ καὶ τρίτοσ ἐπὶ τούτοισ Μάνιοσ Ἀκύλιοσ, ὁ τὴν Ἀσίαν ἑλών, σαφῶσ δεδωροδοκηκότεσ ἀφεῖντο ὑπὸ τῶν δικασάντων, οἵ τε πρέσβεισ οἱ κατ’ αὐτῶν ἔτι παρόντεσ σὺν φθόνῳ ταῦτα περιιόντεσ ἐκεκράγεσαν. ἅπερ ἡ βουλὴ μάλιστα αἰδουμένη ἐσ τὸν νόμον ἐνεδίδου· καὶ ὁ δῆμοσ αὐτὸν ἐκύρου. καὶ μετηνέχθη μὲν ὧδε ἐσ τοὺσ ἱππέασ ἀπὸ τῆσ βουλῆσ τὰ δικαστήρια· φασὶ δὲ κυρωθέντοσ μὲν ἄρτι τοῦ νόμου τὸν Γράκχον εἰπεῖν, ὅτι ἀθρόωσ τὴν βουλὴν καθῃρήκοι, τοῦ δ’ ἔργου προϊόντοσ ἐσ πεῖραν μειζόνωσ ἔτι ἐκφανῆναι τὸ ἔποσ τὸ Γράκχου. τό τε γὰρ δικάζειν αὐτοὺσ Ῥωμαίοισ καὶ Ἰταλιώταισ ἅπασι καὶ αὐτοῖσ βουλευταῖσ, ἐπὶ παντὶ μέτρῳ, χρημάτων τε πέρι καὶ ἀτιμίασ καὶ φυγῆσ, τοὺσ μὲν ἱππέασ οἱᾶ́ τινασ ἄρχοντασ αὐτῶν ὑπερεπῇρε, τοὺσ δὲ βουλευτὰσ ἴσα καὶ ὑπηκόουσ ἐποίει. συνιστάμενοί τε τοῖσ δημάρχοισ οἱ ἱππεῖσ ἐσ τὰσ χειροτονίασ καὶ ἀντιλαμβάνοντεσ παρ’ αὐτῶν, ὅ τι θέλοιεν, ἐπὶ μέγα φόβου τοῖσ βουλευταῖσ ἐχώρουν· ταχύ τε περιῆν ἀνεστράφθαι τὸ κράτοσ τῆσ πολιτείασ, τὴν μὲν ἀξίωσιν μόνην ἔτι τῆσ βουλῆσ ἐχούσησ, τὴν δὲ δύναμιν τῶν ἱππέων. προϊόντεσ γὰρ οὐκ ἐδυνάστευον μόνον· ἀλλὰ καὶ σαφῶσ ἐνύβριζον τοῖσ βουλευταῖσ παρὰ τὰσ δίκασ. τήν τε δωροδοκίαν μεταλαβόντεσ καὶ γευσάμενοι καὶ οἵδε κερδῶν ἀθρόων αἰσχρότερον ἔτι καὶ ἀμετρότερον αὐτοῖσ ἐχρῶντο. κατηγόρουσ τε ἐνετοὺσ ἐπὶ τοῖσ πλουσίοισ ἐπήγοντο καὶ τὰσ τῶν δωροδοκιῶν δίκασ, συνιστάμενοι σφίσιν αὐτοῖσ καὶ βιαζόμενοι, πάμπαν ἀνῄρουν, ὡσ καὶ τὸ ἔθοσ ὅλωσ τῆσ τοιᾶσδε εὐθύνησ ἐπιλιπεῖν καὶ στάσιν ἄλλην τὸν δικαστικὸν νόμον οὐκ ἐλάσσω τῶν προτέρων ἐσ πολὺ παρασχεῖν. Ὁ δὲ Γράκχοσ καὶ ὁδοὺσ ἔτεμνεν ἀνὰ τὴν Ἰταλίαν μακράσ, πλῆθοσ ἐργολάβων καὶ χειροτεχνῶν ὑφ’ ἑαυτῷ ποιούμενοσ, ἑτοίμων ἐσ ὅ τι κελεύοι, καὶ ἀποικίασ ἐσηγεῖτο πολλάσ.

καὶ τοὺσ Λατίνουσ ἐπὶ πάντα ἐκάλει τὰ Ῥωμαίων, ὡσ οὐκ εὐπρεπῶσ συγγενέσι τῆσ βουλῆσ ἀντιστῆναι δυναμένησ· τῶν τε ἑτέρων συμμάχων, οἷσ οὐκ ἐξῆν ψῆφον ἐν ταῖσ Ῥωμαίων χειροτονίαισ φέρειν, ἐδίδου φέρειν ἀπὸ τοῦδε ἐπὶ τῷ ἔχειν καὶ τούσδε ἐν ταῖσ χειροτονίαισ τῶν νόμων αὑτῷ συντελοῦντασ. ἐφ’ ᾧ δὴ μάλιστα ἡ βουλὴ διαταραχθεῖσα τοὺσ ὑπάτουσ ἐκέλευσε προγράψαι μηδένα τῶν οὐ φερόντων ψῆφον ἐπιδημεῖν τῇ πόλει μηδὲ προσπελάζειν ἀπὸ τεσσαράκοντα σταδίων παρὰ τὴν ἐσομένην περὶ τῶνδε τῶν νόμων χειροτονίαν. Λίβιόν τε Δροῦσον, ἕτερον δήμαρχον, ἔπεισε κωλῦσαι τοὺσ Γράκχου νόμουσ, οὐκ ἐπιλέγοντα τῷ δήμῳ τὰσ αἰτίασ· δέδοται δὲ τῷ κωλύοντι μηδ’ ἐπιλέγειν. ἔδωκαν δ’ αὐτῷ καὶ φιλανθρωπεύσασθαι τὸν δῆμον δώδεκα ἀποικίαισ· ᾧ δὴ καὶ μάλιστα ὁ δῆμοσ ἡσθεὶσ τῶν Γράκχου νόμων κατεφρόνησεν. Ὁ δὲ τοῦ δημοκοπήματοσ ἐκπεσὼν ἐσ Λιβύην ἅμα Φουλβίῳ Φλάκκῳ, κἀκείνῳ μεθ’ ὑπατείαν διὰ τάδε δημαρχεῖν ἑλομένῳ, διέπλευσεν, ἐψηφισμένησ κατὰ δόξαν εὐκαρπίασ ἐσ Λιβύην ἀποικίασ καὶ τῶνδε αὐτῶν οἰκιστῶν ἐπίτηδεσ ᾑρημένων, ἵνα μικρὸν ἀποδημούντων ἀναπαύσαιτο ἡ βουλὴ τῆσ δημοκοπίασ.

οἱ δὲ τῇ ἀποικίᾳ τὴν πόλιν διέγραφον, ἔνθα ποτὲ ἦν ἡ Καρχηδονίων, οὐδὲν φροντίσαντεσ, ὅτι Σκιπίων αὐτήν, ὅτε κατέσκαπτεν, ἐπηράσατο ἐσ ἀεὶ μηλόβοτον εἶναι. διέγραφον δ’ ἐσ ἑξακισχιλίουσ ἀντὶ ἐλαττόνων τῶν ὄντων ἐν τῷ νόμῳ, ὡσ καὶ τῷδε τὸν δῆμον ὑπαξόμενοι. ἐπανελθόντεσ τε ἐσ Ῥώμην συνεκάλουν ἐξ ὅλησ Ἰταλίασ τοὺσ ἑξακισχιλίουσ. ἐπιστειλάντων δὲ τῶν ἐν Λιβύῃ τὴν πόλιν ἔτι διαγραφόντων, ὅτι λύκοι τοὺσ ὁρ́ουσ Γράκχου τε καὶ Φουλβίου διέρριψαν ἀνασπάσαντεσ, καὶ τῶν μάντεων τὴν ἀποικίαν ἡγουμένων ἀπαίσιον, ἡ μὲν βουλὴ προέγραφεν ἐκκλησίαν, ἐν ᾗ τὸν νόμον ἔμελλε τὸν περὶ τῆσδε τῆσ ἀποικίασ λύσειν· ὁ δὲ Γράκχοσ καὶ ὁ Φούλβιοσ, ἐπεὶ καὶ τοῦδε ἐξέπιπτον, μεμηνόσιν ἐοικότεσ ἐψεῦσθαι τὴν βουλὴν ἔφασκον περὶ τῶν λύκων. οἵ τε θρασύτατοι τῶν δημοτῶν αὐτοῖσ συνελάμβανον, ἐγχειρίδια φέροντεσ ἐσ τὸ Καπιτώλιον, οὗ περὶ τῆσ ἀποικίασ ἐκκλησιάσειν ἔμελλον. Ἤδη δὲ τοῦ δήμου συνειλεγμένου καὶ Φουλβίου τι περὶ τούτων ἀρχομένου λέγειν, ὁ Γράκχοσ ἀνέβαινεν ἐσ τὸ Καπιτώλιον ὑπὸ τῶν συνθεμένων δορυφορούμενοσ.

ἐνοχλούμενοσ δ’ ὑπὸ τοῦ συνειδότοσ ὡσ ἐπὶ ἀλλοκότοισ βουλεύμασι τὴν μὲν σύνοδον τῆσ ἐκκλησίασ ἀπέκλινεν, ἐσ δὲ τὴν στοὰν παρελθὼν διεβάδιζεν, ἐφεδρεύων τοῖσ ἐσομένοισ. καὶ αὐτὸν οὕτωσ ἔχοντα θορύβου κατιδὼν δημότησ ἀνὴρ Ἀντύλλοσ ἐν τῇ στοᾷ θύων, ἐμβαλὼν τὴν χεῖρα, εἴτε τι πυθόμενοσ ἢ ὑποπτεύων ἢ ἄλλωσ ἐσ τὸν λόγον ὑπαχθείσ, ἠξίου φείσασθαι τῆσ πατρίδοσ. ὁ δὲ μᾶλλόν τε θορυβηθεὶσ καὶ δείσασ ὡσ κατάφωροσ ἐνέβλεψεν αὐτῷ δριμύ· καί τισ τῶν παρόντων, οὔτε σημείου τινὸσ ἐπαρθέντοσ οὔτε προστάγματόσ πω γεγονότοσ, ἐκ μόνησ τῆσ ἐσ τὸν Ἀντύλλον Γράκχου δριμύτητοσ εἰκάσασ ἤδη τὸν καιρὸν ἥκειν καὶ χαριεῖσθαί τι τῷ Γράκχῳ δόξασ πρῶτοσ ἀρξάμενοσ ἔργου, τὸ ἐγχειρίδιον ἐπισπάσασ διαχρῆται τὸν Ἀντύλλον. βοῆσ δὲ γενομένησ καὶ σώματοσ ὀφθέντοσ ἐν μέσῳ νεκροῦ πάντεσ ἐκ τοῦ ἱεροῦ κατεπήδων σὺν ὁμοίου κακοῦ φόβῳ. Γράκχοσ δ’ ἐσ τὴν ἀγορὰν παρελθὼν ἐβούλετο μὲν αὐτοῖσ ἐκλογίσασθαι περὶ τοῦ γεγονότοσ· οὐδενὸσ δ’ αὐτὸν οὐδ’ ὑφισταμένου, ἀλλ’ ὡσ ἐναγῆ πάντων ἐκτρεπομένων, ὁ μὲν Γράκχοσ καὶ ὁ Φλάκκοσ ἀπορούμενοι καὶ τὸν καιρὸν ὧν ἐβουλεύοντο διὰ τὸ φθάσαι τὴν ἐγχείρησιν ἀπολωλεκότεσ ἐσ τὰσ οἰκίασ διέτρεχον, καὶ οἱ συνθέμενοι αὐτοῖσ συνῄεσαν ἐσ αὐτάσ, τὸ δ’ ἄλλο πλῆθοσ ἐκ μέσων νυκτῶν ὡσ ἐπὶ δή τινι κακῷ τὴν ἀγορὰν προκατελάμβανον. καὶ ὃσ ἐπεδήμει τῶν ὑπάτων, Ὀπίμιοσ, διέτασσε μέν τινασ ἐνόπλουσ ἐσ τὸ Καπιτώλιον ἅμα ἑῴ συνιέναι καὶ τὴν βουλὴν διὰ κηρύκων συνεκάλει, αὐτὸσ δ’ ἐν μέσῳ πάντων ἐν τῷ νεῲ τῶν Διοσκούρων ἐφήδρευε τοῖσ ἐσομένοισ. Τάδε ἦν τοιάδε.

ἡ μὲν βουλὴ Γράκχον καὶ Φλάκκον ἐκ τῶν οἰκιῶν ἐσ ἀπολογίαν ἐσ τὸ βουλευτήριον ἐκάλουν, οἱ δὲ σὺν ὅπλοισ ἐξέθεον ἐπὶ τὸν Ἀβεντῖνον λόφον, ἐλπίσαντεσ, εἰ τόνδε προλάβοιεν, ἐνδώσειν πρὸσ τὰσ συνθήκασ αὑτοῖσ τι τὴν βουλήν. διαθέοντέσ τε τοὺσ θεράποντασ συνεκάλουν ἐπ’ ἐλευθερίᾳ. καὶ τῶνδε μὲν οὐδεὶσ ὑπήκουεν, αὐτοὶ δέ, σὺν ὅσοισ εἶχον ἀμφ’ αὑτούσ, τὸ Ἀρτεμίσιον καταλαβόντεσ ἐκρατύνοντο καὶ Κόιντον Φλάκκου παῖδα ἐσ τὴν βουλὴν ἔπεμπον, δεόμενοι διαλλαγῶν τυχεῖν καὶ βιοῦν μεθ’ ὁμονοίασ. οἱ δ’ ἐκέλευον αὐτοὺσ ἀποθεμένουσ τὰ ὅπλα ἥκειν εἰσ τὸ βουλευτήριον καὶ λέγειν, ὅ τι θέλοιεν, ἢ μηκέτι πέμπειν μηδένα. τῶν δ’ αὖθισ τὸν Κόιντον ἐπιπεμψάντων, τόνδε μὲν Ὀπίμιοσ ὁ ὕπατοσ διὰ τὴν προαγόρευσιν, ὡσ οὐκέτι πρεσβευτὴν ὄντα, συνελάμβανε, τοῖσ δὲ περὶ τὸν Γράκχον τοὺσ ὡπλισμένουσ ἐπέπεμπεν. Καὶ Γράκχοσ μὲν διὰ τῆσ ξυλίνησ γεφύρασ ἐσ τὸ πέραν τοῦ ποταμοῦ καταφυγὼν ἐσ ἄλσοσ τι μεθ’ ἑνὸσ θεράποντοσ ὑπέσχε τῷ θεράποντι τὴν σφαγὴν καταλαμβανόμενοσ· Φλάκκου δ’ ἐσ ἐργαστήριον ἀνδρὸσ γνωρίμου καταφυγόντοσ, οἱ μὲν διώκοντεσ, τὴν οἰκίαν οὐκ εἰδότεσ, ὅλον ἐμπρήσειν τὸν στενωπὸν ἠπείλουν, ὁ δ’ ὑποδεξάμενοσ αὐτὸσ μὲν ὤκνησε μηνῦσαι τὸν ἱκέτην, ἑτέρῳ δὲ προσέταξε μηνῦσαι. καὶ συλληφθεὶσ ὁ Φλάκκοσ ἀνῃρέθη. Γράκχου μὲν δὴ καὶ Φλάκκου τὰσ κεφαλὰσ ἔφερόν τινεσ Ὀπιμίῳ, καὶ αὐτοῖσ ὁ Ὀπίμιοσ ἰσοβαρὲσ χρυσίον ἀντέδωκεν· ὁ δὲ δῆμοσ αὐτῶν τὰσ οἰκίασ διήρπαζε, καὶ τοὺσ συμφρονήσαντασ ὁ Ὀπίμιοσ συλλαβὼν ἐσ τὴν φυλακὴν ἐνέβαλέ τε καὶ ἀποπνιγῆναι προσέταξε. Κοΐντῳ δὲ τῷ Φλάκκου παιδὶ συνεχώρησεν ἀποθανεῖν, ὡσ θέλοι, καὶ τὴν πόλιν ἐπὶ τοῖσ φόνοισ ἐκάθαιρεν. ἡ δὲ βουλὴ καὶ νεὼν Ὁμονοίασ αὐτὸν ἐν ἀγορᾷ προσέταξεν ἐγεῖραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 3

(아피아노스, The Civil Wars, book 1, chapter 3)

상위

목록

SEARCH

MENU NAVIGATION