호흡부호 보기
강세부호 보기
장단부호 보기
작은 Iota 보기
모든 부호 보기
ἀκήκοα γάρ, ὦ Σώκρατεσ, οὕσ σέ φασιν λέγειν τοὺσ λόγουσ, ὅτι τούτων τῶν πολιτικῶν ἀνδρῶν οἱ ὑεῖσ οὐδὲν βελτίουσ εἰσὶν ἢ οἱ τῶν σκυτοτόμων· καί μοι δοκεῖσ ἀληθέστατα λέγειν ἐξ ὧν ἐγὼ δύναμαι αἰσθέσθαι. ἀνόητοσ ἂν οὖν εἰήν εἰ οἰοίμην τινὰ τούτων ἐμοὶ μὲν ἂν παραδοῦναι τὴν αὑτοῦ σοφίαν, τὸν δὲ ὑὸν τὸν αὑτοῦ μηδὲν ὠφελῆσαι, εἴ τι οἱο͂́σ τ’ ἦν εἰσ ταῦτα ὠφελεῖν ἄλλον ὁντιναοῦν ἀνθρώπων. τί οὖν ἄν, ὦ βέλτιστε ἀνδρῶν, χρήσαιο σαυτῷ, εἴ σοι ἐπειδὴ γένοιτο ὑὸσ τοιαῦτα πράγματα παρέχοι, καὶ φαίη μὲν ἂν ἐπιθυμεῖν ἀγαθὸσ γενέσθαι ζωγράφοσ, καὶ μέμφοιτο σοὶ τῷ πατρὶ ὅτι οὐκ ἐθέλεισ ἀναλίσκειν εἰσ αὐτὸν τούτων αὐτῶν ἕνεκα ἀργύριον, τοὺσ δὲ δημιουργοὺσ αὐτοῦ τούτου, τοὺσ ζωγράφουσ, ἀτιμάζοι τε καὶ μὴ βούλοιτο παρ’ αὐτῶν μανθάνειν;

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기