Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λύσις 151:

ἄθρει δή, ὦ Λύσι, πῇ παρακρουόμεθα. ἆρά γε ὅλῳ τινὶ ἐξαπατώμεθα; πῶσ δή; ἔφη. ἤδη ποτέ του ἤκουσα λέγοντοσ, καὶ ἄρτι ἀναμιμνῄσκομαι, ὅτι τὸ μὲν ὅμοιον τῷ ὁμοίῳ καὶ οἱ ἀγαθοὶ τοῖσ ἀγαθοῖσ πολεμιώτατοι εἰε͂ν· καὶ δὴ καὶ τὸν Ἡσίοδον ἐπήγετο μάρτυρα, λέγων ὡσ ἄρα ‐ καὶ κεραμεὺσ κεραμεῖ κοτέει καὶ ἀοιδὸσ ἀοιδῷ καὶ πτωχὸσ πτωχῷ, . . . καὶ τἆλλα δὴ πάντα οὕτωσ ἔφη ἀναγκαῖον εἶναι μάλιστα τὰ ὁμοιότατα <πρὸσ> ἄλληλα φθόνου τε καὶ φιλονικίασ καὶ ἔχθρασ ἐμπίμπλασθαι, τὰ δ’ ἀνομοιότατα φιλίασ·