헬라어 문장 검색 - ΧενοπήΜινορΩό1́08́

(크세노폰, Minor Works, Ἀγησίλαος, chapter 8)

ἀλλὰ μὴν ἄξιόν γε αὐτοῦ καὶ τὸ εὔχαρι μὴ σιωπᾶσθαι· ᾧ γε ὑπαρχούσησ μὲν τιμῆσ, παρούσησ δὲ δυνάμεωσ, πρὸσ δὲ τούτοισ βασιλείασ, καὶ ταύτησ οὐκ ἐπιβουλευομένησ ἀλλ’ ἀγαπωμένησ, τὸ μὲν μεγάλαυχον οὐκ εἶδέ τισ, τὸ δὲ φιλόστοργον καὶ θεραπευτικὸν τῶν φίλων καὶ μὴ ζητῶν κατενόησεν ἄν. καὶ μὴν μετεῖχε μὲν ἥδιστα παιδικῶν λόγων, συνεσπούδαζε δὲ πᾶν ὅ τι δέοι φίλοισ.

διὰ δὲ τὸ εὐέλπισ καὶ εὔθυμοσ καὶ ἀεὶ ἱλαρὸσ εἶναι πολλοὺσ ἐποίει μὴ τοῦ διαπράξασθαί τι μόνον ἕνεκα πλησιάζειν, ἀλλὰ καὶ τοῦ ἥδιον διημερεύειν. ἥκιστα δ’ ὢν οἱο͂σ μεγαληγορεῖν ὅμωσ τῶν ἐπαινούντων αὑτοὺσ οὐ βαρέωσ ἤκουεν, ἡγούμενοσ βλάπτειν οὐδὲν αὐτούσ, ὑπισχνεῖσθαι δὲ ἄνδρασ ἀγαθοὺσ ἔσεσθαι. ἀλλὰ μὴν καὶ τῇ μεγαλογνωμοσύνῃ γε ὡσ εὐκαίρωσ ἐχρῆτο οὐ παραλειπτέον.

ἐκεῖνοσ γὰρ ὅτ’ ἦλθεν αὐτῷ ἐπιστολὴ παρὰ βασιλέωσ, ἣν ὁ μετὰ Καλλία τοῦ Λακεδαιμονίου Πέρσησ ἤνεγκε, περὶ ξενίασ τε καὶ φιλίασ αὐτῷ, ταύτην μὲν οὐκ ἐδέξατο, τῷ δὲ φέροντι εἶπεν ἀπαγγεῖλαι βασιλεῖ ὡσ ἰδίᾳ μὲν πρὸσ αὐτὸν οὐδὲν δέοι ἐπιστολὰσ πέμπειν, ἢν δὲ φίλοσ τῇ Λακεδαίμονι καὶ τῇ Ἑλλάδι εὔνουσ ὢν φαίνηται, ὅτι καὶ αὐτὸσ φίλοσ ἀνὰ κράτοσ αὐτῷ ἔσοιτο· ἢν μέντοι, ἔφη, ἐπιβουλεύων ἁλίσκηται, μηδ’ ἂν πάνυ πολλὰσ ἐπιστολὰσ δέχωμαι, φίλον ἕξειν με οἰέσθω. ἐγὼ οὖν καὶ τοῦτο ἐπαινῶ Ἀγησιλάου τὸ πρὸσ τὸ ἀρέσκειν τοῖσ Ἕλλησιν ὑπεριδεῖν τὴν βασιλέωσ ξενίαν.

ἄγαμαι δὲ κἀκεῖνο, ὅτι οὐχ ὁπότεροσ πλείω τε χρήματα ἔχοι καὶ πλειόνων ἄρχοι, τούτῳ ἡγήσατο μεῖζον φρονητέον εἶναι, ἀλλ’ ὁπότεροσ αὐτόσ τε ἀμείνων εἰή καὶ ἀμεινόνων ἡγοῖτο. ἐπαινῶ δὲ κἀκεῖνο τῆσ προνοίασ αὐτοῦ, ὅτι νομίζων ἀγαθὸν τοὺσ τῇ Ἑλλάδι ἀφίστασθαι τοῦ βασιλέωσ ὡσ πλείστουσ σατράπασ, οὐκ ἐκρατήθη οὔθ’ ὑπὸ δώρων οὔθ’ ὑπὸ τῆσ βασιλέωσ ῥώμησ ἐθελήσασ ξενωθῆναι αὐτῷ, ἀλλ’ ἐφυλάξατο μὴ ἄπιστοσ γενέσθαι τοῖσ ἀφίστασθαι βουλομένοισ.

ἐκεῖνό γε μὴν αὐτοῦ τίσ οὐκ ἂν ἀγασθείη;

ὁ μὲν γὰρ Πέρσησ, νομίζων, ἢν χρήματα πλεῖστα ἔχῃ, πάνθ’ ὑφ’ ἑαυτῷ ποιήσεσθαι, διὰ τοῦτο πᾶν μὲν τὸ ἐν ἀνθρώποισ χρυσίον, πᾶν δὲ τὸ ἀργύριον, πάντα δὲ τὰ πολυτελέστατα ἐπειρᾶτο πρὸσ ἑαυτὸν ἁθροίζειν. ὁ δὲ οὕτωσ ἀντεσκευάσατο τὸν οἶκον ὥστε τούτων μηδενὸσ προσδεῖσθαι. εἰ δέ τισ ταῦτα ἀπιστεῖ, ἰδέτω μὲν οἱά οἰκία ἤρκει αὐτῷ, θεασάσθω δὲ τὰσ θύρασ αὐτοῦ·

εἰκάσειε γὰρ ἄν τισ ἔτι ταύτασ ἐκείνασ εἶναι ἅσπερ Ἀριστόδημοσ ὁ Ἡρακλέουσ ὅτε κατῆλθε λαβὼν ἐπεστήσατο· πειράσθω δὲ θεάσασθαι τὴν ἔνδον κατασκευήν, ἐννοησάτω δὲ ὡσ ἐθοίναζεν ἐν ταῖσ θυσίαισ, ἀκουσάτω δὲ ὡσ ἐπὶ πολιτικοῦ καννάθρου κατῄει εἰσ Ἀμύκλασ <ἡ θυγάτηρ αὐτοῦ>. τοιγαροῦν οὕτωσ ἐφαρμόσασ τὰσ δαπάνασ ταῖσ προσόδοισ οὐδὲν ἠναγκάζετο χρημάτων ἕνεκα ἄδικον πράττειν.

καίτοι καλὸν μὲν δοκεῖ εἶναι τείχη ἀνάλωτα κτᾶσθαι ὑπὸ πολεμίων· πολὺ μέντοι ἔγωγε κάλλιον κρίνω τὸ τὴν αὑτοῦ ψυχὴν ἀνάλωτον κατασκευάσαι καὶ ὑπὸ χρημάτων καὶ ὑπὸ ἡδονῶν καὶ ὑπὸ φόβου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 8

(크세노폰, Minor Works, Ἀγησίλαος, chapter 8)

상위

목록

SEARCH

MENU NAVIGATION