헬라어 문장 검색 - ΧενοπήΜινορΩό1́07́

(크세노폰, Minor Works, Ἀγησίλαος, chapter 7)

ὥσ γε μὴν φιλόπολισ ἦν καθ’ ἓν μὲν ἕκαστον μακρὸν ἂν εἰή γράφειν· οἰόμαι γὰρ οὐδὲν εἶναι τῶν πεπραγμένων αὐτῷ ὅ τι οὐκ εἰσ τοῦτο συντείνει. ὡσ δ’ ἐν βραχεῖ εἰπεῖν, ἅπαντεσ ἐπιστάμεθα ὅτι Ἀγησίλαοσ, ὅπου ᾤετο τὴν πατρίδα τι ὠφελήσειν, οὐ πόνων ὑφίετο, οὐ κινδύνων ἀφίστατο, οὐ χρημάτων ἐφείδετο, οὐ σῶμα, οὐ γῆρασ προὐφασίζετο, ἀλλὰ καὶ βασιλέωσ ἀγαθοῦ τοῦτο ἔργον ἐνόμιζε, τὸ τοὺσ ἀρχομένουσ ὡσ πλεῖστα ἀγαθὰ ποιεῖν. ἐν τοῖσ μεγίστοισ δὲ ὠφελήμασι τῆσ πατρίδοσ καὶ τόδε ἐγὼ τίθημι αὐτοῦ, ὅτι δυνατώτατοσ ὢν ἐν τῇ πόλει φανερὸσ ἦν μάλιστα τοῖσ νόμοισ λατρεύων.

τίσ γὰρ ἂν ἠθέλησεν ἀπειθεῖν ὁρῶν τὸν βασιλέα πειθόμενον; τίσ δ’ ἂν ἡγούμενοσ μειονεκτεῖν νεώτερόν τι ἐπεχείρησε ποιεῖν εἰδὼσ τὸν βασιλέα νομίμωσ καὶ τὸ κρατεῖσθαι φέροντα; ὃσ καὶ πρὸσ τοὺσ διαφόρουσ ἐν τῇ πόλει ὥσπερ πατὴρ πρὸσ παῖδασ προσεφέρετο.

ἐλοιδορεῖτο μὲν γὰρ ἐπὶ τοῖσ ἁμαρτήμασιν, ἐτίμα δ’ εἴ τι καλὸν πράττοιεν, παρίστατο δ’ εἴ τισ συμφορὰ συμβαίνοι, ἐχθρὸν μὲν οὐδένα ἡγούμενοσ πολίτην, ἐπαινεῖν δὲ πάντασ ἐθέλων, σῴζεσθαι δὲ πάντασ κέρδοσ νομίζων, ζημίαν δὲ τιθεὶσ εἰ καὶ ὁ μικροῦ ἄξιοσ ἀπόλοιτο· εἰ δ’ ἐν τοῖσ νόμοισ ἠρεμοῦντεσ διαμένοιεν, δῆλοσ ἦν εὐδαίμονα μὲν αἰεὶ ἔσεσθαι τὴν πατρίδα λογιζόμενοσ, ἰσχυρὰν δὲ τότε ὅταν οἱ Ἕλληνεσ σωφρονῶσιν. εἴ γε μὴν αὖ καλὸν Ἕλληνα ὄντα φιλέλληνα εἶναι, τίνα τισ οἶδεν ἄλλον στρατηγὸν ἢ πόλιν οὐκ ἐθέλοντα αἱρεῖν, ὅταν οἰήται πορθήσειν, ἢ συμφορὰν νομίζοντα τὸ νικᾶν ἐν τῷ πρὸσ Ἕλληνασ πολέμῳ;

ἐκεῖνοσ τοίνυν, ἀγγελίασ μὲν ἐλθούσησ αὐτῷ ὡσ ἐν τῇ <ἐν> Κορίνθῳ μάχῃ ὀκτὼ μὲν Λακεδαιμονίων, ἐγγὺσ δὲ μύριοι τεθναῖεν <τῶν πολεμίων>, οὐκ ἐφησθεὶσ φανερὸσ ἐγένετο, ἀλλ’ εἶπεν ἄρα·

φεῦ <σου>, ὦ Ἑλλάσ, ὁπότε οἱ νῦν τεθνηκότεσ ἱκανοὶ ἦσαν ζῶντεσ νικᾶν μαχόμενοι πάντασ τοὺσ βαρβάρουσ. Κορινθίων γε μὴν τῶν φευγόντων λεγόντων ὅτι ἐνδιδοῖτο αὐτοῖσ ἡ πόλισ, καὶ μηχανὰσ ἐπιδεικνύντων αἷσ πάντωσ ἤλπιζον <ἂν> ἑλεῖν τὰ τείχη, οὐκ ἤθελε προσβάλλειν, λέγων ὅτι οὐκ ἀνδραποδίζεσθαι δέοι Ἑλληνίδασ πόλεισ ἀλλὰ σωφρονίζειν.

εἰ δὲ τοὺσ ἁμαρτάνοντασ, ἔφη, ἡμῶν αὐτῶν ἀφανιοῦμεν, ὁρᾶν χρὴ μὴ οὐδ’ ἕξομεν μεθ’ ὅτου τῶν βαρβάρων κρατήσομεν. εἰ δ’ αὖ καλὸν καὶ μισοπέρσην εἶναι, ὅτι καὶ ὁ πάλαι ἐξεστράτευσεν ὡσ δουλωσόμενοσ τὴν Ἑλλάδα καὶ ὁ νῦν συμμαχεῖ μὲν τούτοισ μεθ’ ὁποτέρων ἂν οἰήται μείζω βλάψειν, δωρεῖται δ’ ἐκείνοισ οὓσ ἂν νομίζῃ λαβόντασ πλεῖστα κακὰ τοὺσ Ἕλληνασ ποιήσειν, εἰρήνην δὲ συμπράττει ἐξ ἧσ ἂν ἡγῆται μάλιστα ἡμᾶσ ἀλλήλοισ πολεμήσειν, ὁρῶσι μὲν οὖν ἅπαντεσ ταῦτα·

ἐπεμελήθη δὲ τίσ ἄλλοσ πώποτε πλὴν Ἀγησίλαοσ ἢ ὅπωσ φῦλόν τι ἀποστήσεται τοῦ Πέρσου ἢ ὅπωσ τὸ ἀποστὰν μὴ ἀπόληται ἢ τὸ παράπαν ὡσ καὶ βασιλεὺσ κακὰ ἔχων μὴ δυνήσεται τοῖσ Ἕλλησι πράγματα παρέχειν; ὃσ καὶ πολεμούσησ τῆσ πατρίδοσ πρὸσ Ἕλληνασ ὅμωσ τοῦ κοινοῦ ἀγαθοῦ τῇ Ἑλλάδι οὐκ ἠμέλησεν, ἀλλ’ ἐξέπλευσεν ὅ τι δύναιτο κακὸν ποιήσων τὸν βάρβαρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 7

(크세노폰, Minor Works, Ἀγησίλαος, chapter 7)

상위

목록

SEARCH

MENU NAVIGATION