헬라어 문장 검색 - ΧενοπήΜινορΩό1́06́

(크세노폰, Minor Works, Ἀγησίλαος, chapter 6)

ἀνδρείασ γε μὴν οὐκ ἀφανῆ τεκμήριά μοι δοκεῖ παρασχέσθαι ὑφιστάμενοσ μὲν ἀεὶ πολεμεῖν πρὸσ τοὺσ ἰσχυροτάτουσ τῶν ἐχθρῶν τῇ τε πόλει καὶ τῇ Ἑλλάδι, ἐν δὲ τοῖσ πρὸσ τούτουσ ἀγῶσι πρῶτον μὲν ἑαυτὸν τάττων. ἔνθα γε μὴν ἠθέλησαν αὐτῷ οἱ πολέμιοι μάχην συνάψαι, οὐ φόβῳ τρεψάμενοσ νίκησ ἔτυχεν, ἀλλὰ μάχῃ ἀντιτύπῳ κρατήσασ τρόπαιον ἐστήσατο, ἀθάνατα μὲν τῆσ ἑαυτοῦ ἀρετῆσ μνημεῖα καταλιπών, σαφῆ δὲ καὶ αὐτὸσ σημεῖα ἀπενεγκάμενοσ τοῦ θυμῷ μάχεσθαι·

ὥστ’ οὐκ ἀκούοντασ ἀλλ’ ὁρῶντασ ἐξῆν αὐτοῦ τὴν ψυχὴν δοκιμάζειν. τρόπαια μὴν Ἀγησιλάου οὐχ ὅσα ἐστήσατο ἀλλ’ ὅσα ἐστρατεύσατο δίκαιον νομίζειν.

μεῖον μὲν γὰρ οὐδὲν ἐκράτει ὅτε οὐκ ἤθελον αὐτῷ οἱ πολέμιοι μάχεσθαι, ἀκινδυνότερον δὲ καὶ συμφορώτερον τῇ τε πόλει καὶ τοῖσ συμμάχοισ· καὶ ἐν τοῖσ ἀγῶσι δὲ οὐδὲν ἧττον τοὺσ ἀκονιτὶ ἢ τοὺσ διὰ μάχησ νικῶντασ στεφανοῦσι. τήν γε μὴν σοφίαν αὐτοῦ ποῖαι τῶν ἐκείνου πράξεων οὐκ ἐπιδεικνύουσιν;

ὃσ τῇ μὲν πατρίδι οὕτωσ ἐχρῆτο ὥστε μάλιστα πειθόμενοσ <τοῖσ δ’> ἑταίροισ πρόθυμοσ ὢν ἀπροφασίστουσ τοὺσ φίλουσ ἐκέκτητο· τοὺσ δέ γε στρατιώτασ ἅμα πειθομένουσ καὶ φιλοῦντασ αὐτὸν παρεῖχε. καίτοι πῶσ ἂν ἰσχυροτέρα γένοιτο φάλαγξ ἢ διὰ τὸ μὲν πείθεσθαι εὔτακτοσ οὖσα, διὰ δὲ τὸ φιλεῖν τὸν ἄρχοντα πιστῶσ παροῦσα; τούσ γε μὴν πολεμίουσ εἶχε ψέγειν μὲν οὐ δυναμένουσ, μισεῖν δὲ ἀναγκαζομένουσ.

τοὺσ γὰρ συμμάχουσ ἀεὶ πλέον ἔχειν αὐτῶν ἐμηχανᾶτο, ἐξαπατῶν μὲν ὅπου καιρὸσ εἰή, φθάνων δὲ ὅπου τάχουσ δέοι, λήθων δὲ ὅπου τοῦτο συμφέροι, πάντα δὲ τἀναντία πρὸσ τοὺσ πολεμίουσ ἢ πρὸσ τοὺσ φίλουσ ἐπιτηδεύων. καὶ γὰρ νυκτὶ μὲν ὅσαπερ ἡμέρᾳ ἐχρῆτο, ἡμέρᾳ δὲ ὅσαπερ νυκτί, πολλάκισ ἄδηλοσ γιγνόμενοσ ὅπου τε εἰή καὶ ὅποι ἰοί καὶ ὅ τι ποιήσοι.

ὥστε καὶ τὰ ἐχυρὰ ἀνώχυρα τοῖσ ἐχθροῖσ καθίστη, τὰ μὲν παριών, τὰ δὲ ὑπερβαίνων, τὰ δὲ κλέπτων. ὁπότε γε μὴν πορεύοιτο εἰδὼσ ὅτι ἐξείη τοῖσ πολεμίοισ μάχεσθαι, εἰ βούλοιντο, συντεταγμένον μὲν οὕτωσ ἦγε τὸ στράτευμα ὡσ ἂν ἐπικουρεῖν μάλιστα ἑαυτῷ δύναιτο, ἡσύχωσ δ’ ὥσπερ ἂν παρθένοσ ἡ σωφρονεστάτη προβαίνοι, νομίζων ἐν τῷ τοιούτῳ τὸ τε ἀτρεμὲσ καὶ ἀνεκπληκτότατον καὶ ἀθορυβητότατον καὶ ἀναμαρτητότατον καὶ δυσεπιβουλευτότατον εἶναι.

τοιγαροῦν τοιαῦτα ποιῶν τοῖσ μὲν πολεμίοισ δεινὸσ ἦν, τοῖσ δὲ φίλοισ θάρροσ καὶ ῥώμην ἐνεποίει.

ὥστε ἀκαταφρόνητοσ μὲν ὑπὸ τῶν ἐχθρῶν διετέλεσεν, ἀζήμιοσ δ’ ὑπὸ τῶν πολιτῶν, ἄμεμπτοσ δ’ ὑπὸ τῶν φίλων, πολυεραστότατοσ δὲ καὶ πολυεπαινετώτατοσ ὑπὸ πάντων ἀνθρώπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 6

(크세노폰, Minor Works, Ἀγησίλαος, chapter 6)

상위

목록

SEARCH

MENU NAVIGATION