헬라어 문장 검색 - ΧενοπήΜινορΩό1́04́

(크세노폰, Minor Works, Ἀγησίλαος, chapter 4)

περί γε μὴν τῆσ εἰσ χρήματα δικαιοσύνησ ποῖα ἄν τισ μείζω τεκμήρια ἔχοι τῶνδε; ὑπὸ γὰρ Ἀγησιλάου στέρεσθαι μὲν οὐδεὶσ οὐδὲν πώποτε ἐνεκάλεσεν, εὖ δὲ πεπονθέναι πολλοὶ πολλὰ ὡμολόγουν. ὅτῳ δὲ ἡδὺ τὰ αὑτοῦ διδόναι ἐπ’ ὠφελείᾳ ἀνθρώπων, πῶσ <ἂν> οὗτοσ ἐθέλοι τὰ ἀλλότρια ἀποστερεῖν ἐφ’ ᾧ κακόδοξοσ εἶναι; εἰ γὰρ χρημάτων ἐπιθυμοίη, πολὺ ἀπραγμονέστερον τὰ αὑτοῦ φυλάττειν ἢ τὰ μὴ προσήκοντα λαμβάνειν. ὃσ δὲ δὴ καὶ χάριτασ ἀποστερεῖν μὴ ἐθέλοι, ὧν οὐκ εἰσὶ δίκαι πρὸσ τὸν μὴ ἀποδιδόντα, πῶσ ἅ γε καὶ νόμοσ κωλύει ἐθέλοι ἂν ἀποστερεῖν;

Ἀγησίλαοσ δὲ οὐ μόνον τὸ μὴ ἀποδιδόναι χάριτασ ἄδικον ἔκρινεν, ἀλλὰ καὶ τὸ μὴ πολὺ μείζουσ τὸν μείζω δυνάμενον. τά γε μὴν τῆσ πόλεωσ κλέπτειν πῇ ἄν τισ αὐτὸν εἰκότωσ αἰτιάσαιτο, ὃσ καὶ τὰσ αὐτῷ χάριτασ ὀφειλομένασ τῇ πατρίδι καρποῦσθαι παρεδίδου;

τὸ δ’, ὁπότε βούλοιτο εὖ ποιεῖν ἢ πόλιν ἢ φίλουσ χρήμασι, δύνασθαι παρ’ ἑτέρων λαμβάνοντα ὠφελεῖν, οὐ καὶ τοῦτο μέγα τεκμήριον ἐγκρατείασ χρημάτων; εἰ γὰρ ἐπώλει τὰσ χάριτασ ἢ μισθοῦ εὐεργέτει, οὐδεὶσ ἂν οὐδὲν ὀφείλειν αὐτῷ ἐνόμισεν·

ἀλλ’ οἱ προῖκα εὖ πεπονθότεσ, οὗτοι ἀεὶ ἡδέωσ ὑπηρετοῦσι τῷ εὐεργέτῃ, καὶ διότι εὖ ἔπαθον καὶ διότι προεπιστεύθησαν ἄξιοι εἶναι παρακαταθήκην χάριτοσ φυλάττειν. ὅστισ δ’ ᾑρεῖτο καὶ σὺν τῷ γενναίῳ μειονεκτεῖν ἢ σὺν τῷ ἀδίκῳ πλέον ἔχειν, πῶσ οὗτοσ οὐκ ἂν πολὺ τὴν αἰσχροκέρδειαν ἀποφεύγοι;

ἐκεῖνοσ τοίνυν κριθεὶσ ὑπὸ τῆσ πόλεωσ ἅπαντα ἔχειν τὰ Ἄγιδοσ τὰ ἡμίσεα τοῖσ ἀπὸ μητρὸσ αὐτῷ ὁμογόνοισ μετέδωκεν, ὅτι πενομένουσ αὐτοὺσ ἑώρα. ὡσ δὲ ταῦτα ἀληθῆ πᾶσα μάρτυσ ἡ τῶν Λακεδαιμονίων πόλισ. διδόντοσ δ’ αὐτῷ πάμπολλα δῶρα Τιθραύστου, εἰ ἀπέλθοι ἐκ τῆσ χώρασ, ἀπεκρίνατο ὁ Ἀγησίλαοσ·

ὦ Τιθραύστα, νομίζεται παρ’ ἡμῖν τῷ ἄρχοντι κάλλιον εἶναι τὴν στρατιὰν ἢ ἑαυτὸν πλουτίζειν, καὶ παρὰ τῶν πολεμίων λάφυρα μᾶλλον πειρᾶσθαι ἢ δῶρα λαμβάνειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 4

(크세노폰, Minor Works, Ἀγησίλαος, chapter 4)

상위

목록

SEARCH

MENU NAVIGATION